28 సినిమాలతో ఓటీటీ సందడే సందడి
అల్లు అర్జున్‌, సుకుమార్‌ కాంబోలో రూపొందిన పుష్ప 2 సినిమా వచ్చే వారం ప్రేక్షకుల ముందుకు రాబోతుంది.
అల్లు అర్జున్‌, సుకుమార్‌ కాంబోలో రూపొందిన పుష్ప 2 సినిమా వచ్చే వారం ప్రేక్షకుల ముందుకు రాబోతుంది. దాంతో ఈ వారం థియేటర్ల ద్వారా పెద్ద సినిమాలు ఏమీ రావడం లేదు. కనీసం మీడియం రేంజ్ సినిమాలు సైతం ఈ వారంలో విడుదల కావడం లేదు. చిన్నా చితకా సినిమాలు వచ్చినా వాటిని జనాలు పట్టించుకోవడం లేదు. వచ్చే వారం విడుదల కాబోతున్న పుష్ప 2 సినిమా కోసమే ప్రేక్షకులు చాలా ఆసక్తిగా ఎదురు చూస్తున్నారు. బాక్సాఫీస్ వద్ద భారీ విజయాన్ని సొంతం చేసుకోవడం ఖాయం అనే నమ్మకం వ్యక్తం అవుతోంది. ఈవారం థియేటర్‌ రిలీజ్ పెద్దగా లేకపోవడంతో ఓటీటీ సినిమాలపై ఈ వారం ప్రేక్షకులు ఆధారపడాల్సి ఉంది.
ప్రతి వారం ఓటీటీ ప్రేక్షకుల ముందుకు పెద్ద ఎత్తున సినిమాలు, సిరీస్‌లు వస్తూనే ఉన్నాయి. ఈవారం ఏకంగా చిన్నా పెద్ద సినిమాలు, సిరీస్‌లు కలిపి ఓటీటీ ప్రేక్షకులకు వినోదాల విందును అందించేందుకు ఏకంగా 28 సినిమాలు రాబోతున్నాయి. అన్ని భాషల ప్రేక్షకులు ఈ వీకెండ్‌కి ఫుల్‌గా ఎంజాయ్‌ చేసే విధంగా సినిమాలు, సిరీస్‌లు ఉన్నాయి. అమెజాన్‌ ప్రైమ్‌ ద్వారా తమిళ్‌ మూవీ బ్లడీ బెగ్గర్‌, ఇంగ్లీష్ సినిమాలు ది వైల్డ్‌ రోబో, హార్డ్‌ నార్త్‌, ది వరల్డ్‌ అకార్డింగ్‌ టు కలిబ్‌లు రాబోతున్నాయి. హార్ట్‌ బీట్స్ అనే హిందీ సిరీస్‌ను సైతం అమెజాన్‌ ప్రైమ్‌ స్ట్రీమింగ్‌ చేయబోతుంది. ఓషినోకో అనే జపనీస్ సిరీస్ స్ట్రీమింగ్‌కి రెడీగా ఉంది.
నెట్‌ఫ్లిక్స్‌లో భారీ ఎత్తున సినిమాలు సిరీస్‌లు రాబోతున్నాయి. ముఖ్యంగా లక్కీ భాస్కర్‌ ఇప్పటికే స్ట్రీమింగ్‌ ప్రారంభం అయింది. సికిందర్‌ కా మఖద్దర్‌ తెలుగు డబ్బింగ్‌ సినిమా ఈ వారంలో స్ట్రీమింగ్‌ కానుంది. ఇంకా ఇంగ్లీష్ సినిమాలు ట్వాస్‌ ద టెక్ట్స్‌ బిఫోర్‌ క్రిస్మస్, ఏ రాయల్‌ డేట్‌ ఫర్‌ క్రిస్మస్, బ్రింగింగ్ క్రిస్మస్ హోమ్‌, క్రిస్మస్ ఆన్ విండ్‌ మిల్‌ వే, పారిస్ క్రిస్మస్ వాట్ట్జ్‌ సినిమాలు నెట్‌ ఫ్లిక్స్ ద్వారా స్ట్రీమింగ్‌ కానున్నాయి. హాట్‌ స్టార్‌ ద్వారా పారాచూట్ తెలుగు డబ్బింగ్‌ సిరీస్, బీటల్స్ 64 ఇంగ్లీష్ సినిమా స్ట్రీమింగ్‌ కాబోతుంది. దీపావళికి సూపర్‌ హిట్ అయిన క సినిమా తెలుగు ఆహా ఓటీటీ ద్వారా ప్రేక్షకుల ముందుకు ఇప్పటికే వచ్చేసింది.
దీపావళి కానుకగా ప్రేక్షకుల ముందుకు వచ్చి సూపర్‌ హిట్ అయిన లక్కీ భాస్కర్‌, క సినిమాలు ఈ వారం తెలుగు ప్రేక్షకులకు వినోదాల విందు అందిస్తాయి. కొన్ని ఇతర భాషల సినిమాలు, సిరీస్‌లు సైతం చాలా ఆసక్తికరంగా ఉన్నాయి. అంతే కాకుండా ఈ వారం ఓటీటీ షోలు సైతం తెలుగు ప్రేక్షకుల ముందుకు వచ్చాయి. ఇప్పటికే పైన పేర్కొన్న కొన్ని సినిమాలు స్ట్రీమింగ్‌ మొదలు కాగా, మరికొన్ని సినిమాలు సిరీస్‌లు నేడు రాత్రి స్ట్రీమింగ్‌ మొదలు కానున్నాయి. మొత్తానికి ఓటీటీ వినోదాన్ని ఎంజాయ్‌ చేసే ప్రేక్షకులు ఈ వీకెండ్‌కి వినోదాల విందును ఎంజాయ్‌ చేయవచ్చు.