పవన్ కళ్యాణ్.. ఆ సినిమాకు అతి తక్కువ రెమ్యునరేషన్

ఏపీ డిప్యూటీ సీఎంగా ఆంధ్రప్రదేశ్ రాజకీయాలలో కీలక భూమిక పోషిస్తున్న పవర్ స్టార్ పవన్ కళ్యాణ్ దేశంలోనే అత్యధిక ఫ్యాన్ ఫాలోయింగ్ ఉన్న హీరోలలో ఒకరిగా ఉన్నారు. రాజకీయాలలోకి వెళ్లిన తర్వాత నేషనల్ వైడ్ గా పవన్ కళ్యాణ్ కి ఊహించని క్రేజ్ లభించింది. ఈ మధ్యకాలంలో అతను రాజకీయంగా ఎత్తుకుంటున్న అంశాలు దేశ వ్యాప్తంగా మైలేజ్ తీసుకొని వస్తున్నాయి. ఇక తెలుగు రాష్ట్రాలలో అయితే పవన్ కళ్యాణ్ ఇమేజ్ గురించి ఎంత చెప్పిన తక్కువే అవుతుంది.

పవన్ కళ్యాణ్ తన సినిమాలని పెద్దగా ప్రమోట్ చేయడు. కేవలం అతని పేరు, కటౌట్ ఉంటే ఈజీగా వందకోట్లకి పైగా బిజినెస్ అయిపోతుంది. అలాగే సినిమాకి భారీ కలెక్షన్స్ వస్తాయి. ఈ విషయాన్ని ఇండస్ట్రీ ఎవరిని అడిగిన చెబుతారు. ప్రస్తుతం పవన్ కళ్యాణ్ లైన్ అప్ లో మూడు సినిమాలు ఉన్నాయి. వాటిలో ‘హరిహర వీరమల్లు’, ‘ఓజీ’ చిత్రాలు పాన్ ఇండియా ప్రాజెక్ట్స్ గా తెరకెక్కుతున్నాయి. 2025లో ఈ రెండు సినిమాలు ప్రేక్షకుల ముందుకి రానున్నాయి. అలాగే ఉస్తాద్ భగత్ సింగ్ ఒకటి లైన్ లో ఉంది.

ఈ సినిమాలపై ఫ్యాన్స్ చాలా హోప్స్ పెట్టుకున్నారు. పవన్ కళ్యాణ్ ‘అక్కడ అమ్మాయి ఇక్కడ అబ్బాయి’ సినిమాతో హీరోగా టాలీవుడ్ లోకి ఎంట్రీ ఇచ్చాడు. మెగాస్టార్ చిరంజీవి వారసత్వంతో పవన్ సినిమాల్లోకి అడుగుపెట్టాడు. ఈవీవీ సత్యనారాయణ దర్శకత్వంలో ఆ మూవీ తెరకెక్కింది. దీని తర్వాత పవన్ కళ్యాణ్ ‘ఖుషి’ వరకు వరుస విజయాలు అందుకున్నారు. యూత్ కి విపరీతంగా కనెక్ట్ అయ్యాడు. అప్పటి నుంచి పవన్ కళ్యాణ్ కి ప్రత్యేకమైన ఫ్యాన్ బేస్ క్రియేట్ అయ్యింది.

‘ఖుషి’ తర్వాత చాలా కాలం పాటు పవన్ కళ్యాణ్ సక్సెస్ లు అందుకోలేదు. మరల ‘గబ్బర్ సింగ్’ తో బ్లాక్ బస్టర్ హిట్ ని అందుకున్నారు. సక్సెస్ లు లేని సమయంలో కూడా పవన్ క్రేజ్ ఏ మాత్రం తగ్గలేదు. సినిమా సినిమాకి పవన్ కళ్యాణ్ ని అభిమానించేవారి సంఖ్య పెరిగిపోయిందని చెప్పొచ్చు. అతని స్టైల్, ఆటిట్యూడ్ ని ఆరాధించేవారు ఎక్కువయ్యారు.

ప్రస్తుతం పవన్ కళ్యాణ్ రోజుకి 2 కోట్ల రెమ్యునరేషన్ తీసుకుంటున్నారు. కానీ పవన్ తన మొదటి సినిమా అక్కడ అమ్మాయి ఇక్కడ అమ్మాయి సినిమాకి కేవలం 50 వేల రెమ్యునరేషన్ మాత్రమే తీసుకున్నారంట. రోజుకి 5 వేలు చొప్పున అతనికి నిర్మాతలు ఇచ్చారని తెలుస్తోంది. మొదటి సినిమాకి అంత తక్కువ తీసుకున్న పవన్ కళ్యాణ్ ఈ రోజు ఇండియాలోనే అత్యధిక రెమ్యునరేషన్ తీసుకుంటున్న స్టార్స్ లలో ఒకడిగా ఉండటం విశేషం.