'పిసాసు-2' విడుదలకు హైకోర్టు బ్రేక్

త‌మిళ ద‌ర్శ‌కుడు మిస్కిన్ దర్శకత్వం వ‌హించిన `పిశాచి` అప్ప‌ట్లో ఘ‌న‌విజ‌యం సాధించిన సంగ‌తి తెలిసిందే. ఈ సినిమాకి సీక్వెల్ తెర‌కెక్కి నాలుగేళ్ల‌యినా ఇప్ప‌టికీ రిలీజ్ కాలేదు. ఎట్ట‌కేల‌కు మిస్కిన్ బృందం దీనిని పూర్తి చేసి రిలీజ్ కి తెచ్చింది. కానీ ఈ సినిమా విడుద‌ల‌కు కోర్టులో బ్రేక్ ప‌డింది. వివ‌రాల్లోకి వెళితే...

విజయ్ సేతుపతి, ఆండ్రియా జంటగా నటించిన తమిళ చిత్రం `పిసాసు-2` విడుదలపై మద్రాసు హైకోర్టు మధ్యంతర నిషేధం విధించింది. రాక్‌ఫోర్ట్ ఎంటర్‌టైన్‌మెంట్ నిర్మాతలకు వ్యతిరేకంగా ఫ్లయింగ్ హార్స్ పిక్చర్స్ చేసిన పిటిషన్‌పై జస్టిస్ జికె ఇళంతిరైయన్ మధ్యంతర ఉత్తర్వులు జారీ చేశారు. 14 డిసెంబ‌ర్ 2020 నుండి అవార్డు (వేచి ఉండే) తేదీ 23 జూన్ 2023 వరకు 18 శాతం వడ్డీతో 1.17 కోట్లను చెల్లించాలని రాక్‌ఫోర్ట్ ఎంటర్‌టైన్‌మెంట్‌పై ఇప్పటికే కోర్టు తీర్పునిచ్చింది. అయినా కానీ కంపెనీ ఈ నిబంధనలను పాటించలేదు. ఇప్పటివరకు పిసాసు-2 విడుదల చేయడానికి వ‌డ్డీతో అస‌లు చెల్లింపు బ్రేక్ టైమ్ ఇచ్చింది కోర్టు. ఇప్పుడు మధ్యంతర నిషేధ ఉత్తర్వు ఉంటుంది`` అని కోర్టు పేర్కొంది.

ఫ్లయింగ్ హార్స్ వివ‌రాల‌ ప్రకారం... రాక్‌ఫోర్ట్ నిర్మించిన తమిళ చిత్రం `ఇరండమ్ కుత్తు` థియేట్రికల్ డిస్ట్రిబ్యూషన్, ఎగ్జిబిషన్ హక్కుల కోసం వారిని సంప్రదించింది. 11మే 2020 నాటి ఒప్పందంతో హ‌క్కులను 12శాతం GSTతో 4.85 కోట్లకు రాక్‌ఫోర్ట్‌కు విక్రయించారు. అయితే 2.85 కోట్లు వాయిదాల రూపంలో చెల్లించిన తరువాత, మిగిలిన 2 కోట్లను చెల్లించడంలో కంపెనీ విఫలమైంది.

ఇంతలో రాక్‌ఫోర్ట్.... ఫ్లయింగ్ హార్స్‌కి బాకీలు తీర్చకుండా కురుతి ఆటం, మన్మధ లీలై అనే రెండు కొత్త సినిమాలను విడుదల చేయడానికి ప్రయత్నించారు. ఆగ్రహించిన ఫ్లయింగ్ హార్స్ హైకోర్టును ఆశ్రయించింది. ఇది కోర్టు మాజీ న్యాయమూర్తిని ఏకైక మధ్యవర్తిగా నియమించడానికి కార‌ణ‌మైంది. 23 జూన్ 2023న, మధ్యవర్తి ఫ్లయింగ్ హార్స్‌కి వడ్డీతో పాటు 1.17 కోట్లు చెల్లించాలని నిర్దేశిస్తూ కోర్టులో ఒక అవార్డును ఆమోదించారు. అయితే మధ్యవర్తి సూచించిన మొత్తాన్ని చెల్లించకుండా, రాక్‌ఫోర్ట్ పిసాసు-2 చిత్రాన్ని విడుదల చేయడానికి ప్లాన్ చేశాడు. దీంతో ఫ్లయింగ్ హార్స్ హైకోర్టును ఆశ్రయించింది.