పొలిశెట్టితో మరో బిగ్ బ్యానర్ కాంబో

టాలీవుడ్ లో తన టాలెంట్ తో ఒక్కో మెట్టు ఎక్కుతూ యంగ్ హీరోలలో బెస్ట్ యాక్టర్ గా దూసుకుపోతున్న నటుడు నవీన్ పొలిశెట్టి. నెక్స్ట్ జెనరేషన్ స్టార్ గా అప్పుడే సినీ విశ్లేషకుల నుంచి నవీన్ పొలిశెట్టి ప్రశంసలు సొంతం చేసుకుంటున్నాడు. జాతిరత్నాలు తర్వాత లాంగ్ గ్యాప్ తీసుకున్న నవీన్ పొలిశెట్టి మరల ఇప్పుడు మిస్ శెట్టి మిస్టర్ పొలిశెట్టి మూవీతో సెప్టెంబర్ 7న ప్రేక్షకుల ముందుకి రాబోతున్నాడు.

అవుట్ అండ్ అవుట్ ఎంటర్టైనర్ గా ఈ చిత్రాన్ని మహేష్ తెరకెక్కించారు. ప్రస్తుతం నవీన్ ఈ మూవీ ప్రమోషన్స్ లో ఫుల్ బిజీగా ఉన్నారు. యూవీ క్రియేషన్స్ ఈ చిత్రాన్ని నిర్మించింది. ట్రైలర్ రిలీజ్ తర్వాత మూవీపై మంచి పాజిటివ్ బజ్ క్రియేట్ అయ్యింది. ఈ సినిమా తర్వాత కూడా యూవీ క్రియేషన్స్ లోనే అనగనగా ఒక రాజు మూవీ నవీన్ పొలిశెట్టి చేయబోతున్నాడు.

ఈ చిత్రంలో శ్రీలీల హీరోయిన్ గా నటిస్తోంది. ఇప్పటికే ఈ మూవీ షూటింగ్ స్టార్ట్ చేసినట్లు తెలుస్తోంది. అయితే మిస్ శెట్టి మిస్టర్ పొలిశెట్టిని రిలీజ్ చేసిన తర్వాత పూర్తిగా ఆ మూవీపై ఫోకస్ చేయడానికి యూవీతో పాటు నవీన్ సిద్ధమయ్యారు. ఇదిలా ఉంటే ఇప్పుడు మరో బడా నిర్మాణ సంస్థ నవీన్ పొలిశెట్టితో మూవీ చేయడానికి ప్లానింగ్ చేసుకుంటుంది.

టాలీవుడ్ లో బడా ప్రొడక్షన్ హౌస్ అయిన మైత్రీ మూవీ మేకర్స్ నవీన్ పొలిశెట్టితో ఒక సినిమాకి అగ్రిమెంట్ చేసుకున్నారంట. అయితే ఈ కాంబినేషన్ కి సంబంధించి స్క్రిప్ట్ ఫైనల్ అయ్యిందా లేదా అనేదానిపై మాత్రం ప్రస్తుతానికి ఎలాంటి క్లారిటీ లేదు. మిస్ శెట్టి మిస్టర్ పొలిశెట్టి మూవీ రిలీజ్ తర్వాత నవీన్ నెక్స్ట్ సినిమాలపై ఒక స్పష్టత వచ్చే అవకాశం అయితే ఉంది.

ఈ యంగ్ హీరో టాలెంట్ కి సరైన కథలు పడితే మాత్రం మంచి ఎంటర్టైనర్ కావడం ఖాయంగా కనిపిస్తోంది. నేచురల్ యాక్టింగ్ తో ప్రేక్షకులని గిలిగింతలు పెట్టే సత్తా నవీన్ పొలిశెట్టికి ఉంది. నెక్స్ట్ యూవీలో చేయబోతున్న సినిమా కూడా ఎంటర్టైనర్ గానే తెరకెక్కుతోంది. మరి మైత్రీ మూవీ మేకర్స్ నవీన్ కోసం ఎలాంటి కాన్సెప్ట్ ని సిద్ధం చేస్తున్నారనేది తెలియాలంటే వేచి చూడాలి.