బాల‌య్య లో క‌మిట్ మెంట్ ప‌ట్టుకున్న ప్ర‌గ్యా జైశ్వాల్!
న‌ట‌సింహ బాలకృష్ణ క‌థానాయ‌కుడిగా 109వ సినిమా బాబి ద‌ర్శ‌క‌త్వంలో తెర‌కెక్కుతోన్న సంగ‌తి తెలిసిందే.
న‌ట‌సింహ బాలకృష్ణ క‌థానాయ‌కుడిగా 109వ సినిమా బాబి ద‌ర్శ‌క‌త్వంలో తెర‌కెక్కుతోన్న సంగ‌తి తెలిసిందే. బాల‌య్యా మాస్ ఇమేజ్- బాబి మాస్ కంటెంట్ తోడైతే ఎలా ఉంటుందో? అభిమానులు ఈ సినిమాతో చూడ‌బోతున్నారు. బాల‌య్య లో హై ఓల్టేజ్ యాక్ష‌న్ మ‌రోసారి హైలైట్ అవ్వ‌డం ఖాయం. అయితే ఇంత‌వ‌ర‌కూ ఈసినిమా టైటిల్ ప్ర‌క‌టించ‌లేదు. ర‌క‌ర‌కాల ప్ర‌చారం జ‌రుగుతోంది గానీ...బాల‌య్య మాస్ యాంగిల్ ని హైలైట్ చేసే టైటిల్ ఇంకా బ‌య‌ట‌కు రాలేదు.
అలాగే బాల‌య్య‌కి హీరోయిన్ ఎంపిక ఎంతో జాప్యం జ‌రిగింది. చివ‌రిగా ప్ర‌గ్యాజైశ్వాల్ ని ఎంపిక చేసారు. గ‌తంలో వీరిద్ద‌రు `అఖండ`లో న‌టించిన సంగ‌తి తెలిసిందే. అందులో ఇద్ద‌రి మ‌ధ్య కెమిస్ట్రీ అద్భుతంగా పండింది. బాల‌య్య‌కి ప‌ర్పెక్ట్ జోడీగానూ ప్ర‌గ్యా సెట్ అయింది. దీంతో బాబి మ‌రో ఆలోచ‌న లేకుండా ప్ర‌గ్యానే తన సినిమాకి ఎంపిక చేసాడు. అయితే తాజాగా ఓ హిందీ సినిమా ప్ర‌మోష‌న్ లో పాల్గొన్న‌ప్ర‌గ్యా జైశ్వాల్ బాల‌య్య సినిమా కోసం ఆస‌క్తిక‌ర‌వ్యాఖ్య‌లు చేసింది.
`ఎన్బీకే 109వ చిత్రం కోసం ఎంతో ఆస‌క్తిగా ఎదురు చూస్తున్నా. బాలకృష్ణ గారి తో కలిసి పనిచేయడం ఎప్ప‌టికీ మ‌ర్చిపోలేను. అదో మ‌ర్చిపోలేని మెమోరీ. ఎన్నో సినిమాలు చేసాను. కానీ ఆయ‌న‌తో న‌టించిన సినిమాలు మాత్రం ప్ర‌త్యేకం. బాలకృష్ణ గారు ప్రతి షాట్‌ను తన మొదటి షాట్‌గా భావిస్తారు. కెమెరా ముందుకొచ్చారంటే? ఎంతో అంతిక‌త భావంతో ప‌నిచేస్తారు. ఎంత ప్రోఫెష‌న‌ల్ గా వ్య‌వ‌హ‌రిస్తారు.
రోజు చూసే కెమెరా అని లైట్ తీసుకోరు...సీన్ చేసామా? అయిపోయిందా అని కాకుండా బాగా వ‌చ్చిందా? లేదా? అని ద‌ర్శ‌కుడిని అడిగి మ‌రీ చేస్తారు. ది బెస్ట్ ఇవ్వ‌డానికి ప్ర‌యత్నిస్తారు. ఆయ‌న అలా ఉండ‌టం చూసి ఆశ్చ‌ర్య‌పోయాను. ఆయ‌న నుంచి నేనే నేర్చుకుంది ఇదే. ఇప్పుడు నేను కూడా కెమెరా ముందుకెళ్తే ఆయ‌న‌లాగే ప‌నిచేస్తున్నాను` అని తెలిపింది.