ఎన్టీఆర్- ప్రశాంత్ నీల్ విలన్ అత‌డేనా?
అలాగే సూర్య‌తో కంగువ అదే స్థాయిలో విడుద‌ల‌వుతుండ‌గా, బాల‌య్య సినిమాలో అతడి పాత్ర‌పైనా భారీ అంచ‌నాలున్నాయి.
ర‌ణ‌బీర్ క‌పూర్ 'యానిమ‌ల్' చాలామంది జీవితాల‌ను మార్చింది. ముఖ్యంగా ఇందులో న‌టీన‌టుల‌కు కెరీర్ ప‌రంగా బిగ్ బూస్ట్ ఇచ్చింది. ఈ చిత్రంలో న‌టించిన హిందీ న‌టుడు బాబిడియోల్ రేంజ్ స్కైని తాకింది. అబ్రార్ పాత్ర‌లో అతడి విల‌నీకి గొప్ప పేరు గుర్తింపు ద‌క్కాయి. దీంతో బాబీకి వ‌రుస‌గా టాలీవుడ్ లో అవ‌కాశాలొస్తున్నాయి. ఇప్ప‌టికే బాబి డియోల్ బాల‌కృష్ణ, ప‌వ‌న్ కల్యాణ్, సూర్య లాంటి అగ్ర క‌థానాయ‌కుల చిత్రాల్లో న‌టిస్తూ బిజీగా ఉన్నాడు. ప‌వ‌న్ కల్యాణ్ హ‌రిహ‌ర వీర‌మ‌ల్లులో బాబీ కీల‌క పాత్ర‌లో న‌టిస్తున్నారు. ఈ చిత్రం పాన్ ఇండియా స్థాయిలో భారీగా విడుద‌ల కానుంది. అలాగే సూర్య‌తో కంగువ అదే స్థాయిలో విడుద‌ల‌వుతుండ‌గా, బాల‌య్య సినిమాలో అతడి పాత్ర‌పైనా భారీ అంచ‌నాలున్నాయి.
తాజా స‌మాచారం మేర‌కు.. యంగ్ టైగర్ ఎన్టీఆర్ న‌టించే త‌దుప‌రి చిత్రంలో బాబి డియోల్ విలన్ గా న‌టించే అవ‌కాశం ఉంద‌ని గుస‌గుస‌లు వినిపిస్తున్నాయి. ఈ చిత్రానికి ప్రశాంత్ నీల్ ద‌ర్శ‌క‌త్వం వ‌హించ‌నున్నారు. మైత్రి మూవీ మేకర్స్ నిర్మించ‌నుంది. డ్రాగన్ అనే టైటిల్ ని ప‌రిశీలిస్తున్న‌ట్టు ఇప్ప‌టికే లీకులు అందాయి. ప్రశాంత్ నీల్ ప్రస్తుతం ఈ భారీ యాక్షన్ ఎంటర్‌టైనర్ కోసం నటీనటులను ఖరారు చేసే పనిలో ఉన్నాడు. ప్రధాన విలన్ గా బాబీని ఫైన‌ల్ చేసే అవ‌కాశం ఉంద‌ని గుస‌గుస వినిపిస్తోంది.
మేకర్స్ అత‌డితో చర్చలు ప్రారంభించారని స‌మాచారం. బాబీ డియోల్ డ్రాగన్ కోసం భారీ పారితోషికం డిమాండ్ చేసే వీలుంది. అతడి కాల్షీట్లు స‌హ‌క‌రిస్తే వెంట‌నే లాక్ చేసేందుకు మైత్రి సంస్థ సిద్ధంగా ఉంద‌ని స‌మాచారం. ఈ చిత్రంలో రష్మిక కథానాయికగా దాదాపు ఖరారు అయిన‌ట్టు వార్త‌లు వ‌స్తున్నాయి. ఎన్టీఆర్ ఆర్ట్స్‌తో కలిసి మైత్రీ మూవీ మేకర్స్ ఈ భారీ బడ్జెట్ పాన్-ఇండియన్ ప్రాజెక్ట్‌ను నిర్మిస్తుంది. కేజీఎఫ్‌ సాంకేతిక నిపుణుల బృందం డ్రాగన్ కోసం పని చేస్తుంది. ర‌వి బ‌స్రూర్ సంగీతం అందిస్తారు.
ఆ ఇద్ద‌రూ క‌లిసేదెప్పుడు?
తార‌క్ కొర‌టాల‌తో 'దేవ‌ర'ను విడుద‌ల చేయించి, హృతిక్ తో వార్ 2 ప‌నులు పూర్తి చేసుకుని ప్రశాంత్ నీల్ సినిమాకి అందుబాటులోకి వ‌స్తాడు. ప్రశాంత్ నీల్ అప్ప‌టికి ప్రభాస్ తో 'స‌లార్ 2' చిత్రీక‌ర‌ణ‌ను పూర్తి చేస్తార‌ని స‌మాచారం. దేవ‌ర, వార్ 2 చిత్రాలు పాన్ ఇండియాలో అత్యంత భారీగా విడుద‌లవుతాయి.