'ప్రాజెక్ట్ కె' కామిక్ ఆర్ట్ వెర్షన్ వచ్చేసింది.. దీని గురించి తెలుసా?
కానీ ఈ క్రమంలోనే ఈ బుక్ లోని రెండు పేజీలు సోషల్ మీడియాలో లీక్ అయిపోయాయి. ఇప్పుడు వాటినే నిర్మాణ సంస్థ వైజయంతీ కూడా పోస్ట్ చేసింది.
పాన్ ఇండియా స్టార్ ప్రభాస్ హీరోగా తెరకెక్కుతున్న 'ప్రాజెక్ట్ కె'ను గ్రాండ్ గా ప్రమోట్ చేస్తున్నారు మూవీమేకర్స్. ఇప్పటికే ఈ సినిమాలోని ప్రభాస్, దీపికా పదుకొణె ఫస్ట్ లుక్స్ ను కూడా రిలీజ్ చేశారు. మార్వెల్ హీరోలా ప్రభాస్, హాలీవుడ్ హీరోయిన్ లా దీపిక లుక్స్ ఆకట్టుకున్నాయి. ఇక ఈ సినిమా టైటిల్ గ్లింప్స్ ను ..అమెరికా శాన్ డీగో లోని ప్రతిష్టాత్మక కామిక్ కాన్ లో ఆవిష్కరిస్తున్నారు. మరి కొన్ని గంటల్లో(జులై 20) రిలీజ్ చేయనున్నారు. ఇప్పటికే దీని కోసం ప్రభాస్, కమల్ హాసన్, చిత్ర నిర్మాత అశ్వినీ దత్ అందరూ అక్కడికీ చేరుకున్నారు.
ప్రస్తుతం కామిక్ కాన్ ఈవెంట్ సందడి మొదలైపోయింది. ప్రపంచవ్యాప్తంగా ఉన్న సిని ఇండస్ట్రీ ప్రముఖులంతా అక్కడికి చేరుకుని సందడి చేస్తున్నారు. ముఖ్యంగా సినీ లవర్స్, కామిక్ బుక్స్ అభిమానులు ఈ ఈవెంట్కు చేరుకుని ఈవెంట్ను ఆస్వాదిస్తారు. 'ప్రాజెక్ట్ కె' టీమ్ కూడా తమ రైడర్స్ తో జోరుగా ప్రమోషన్స్ చేస్తున్నారు. ఆడియెన్స్తో మమేకమై సినిమాను వాళ్లలోకి తీసుకెళ్తున్నారు.
ఇక ఈ ఈవెంట్ లో ప్రభాస్, కమల్ హాసన్ గ్రాండ్ ఎంట్రీ కూడా అదిరిపోయింది. వీటిన్నింటికీ సంబంధించిన అప్డేట్స్ ను ఎప్పటికప్పుడు నిర్మాణ సంస్థ తన అధికార సోషల్ మీడియా అకౌంట్లోనే పోస్ట్ చేస్తోంది. అభిమానుల్లో ఫుల్ జోష్ నింపుతోంది. దీంతో సోషల్మీడియా అంతా ప్రాజెక్ట్ కె రచ్చే కొనసాగుతోంది. వాటికి సంబంధించిన విషయాలు, ఫొటోలు, పోస్టర్లు చక్కర్లు కొడుతున్నాయి.
అయితే ఇప్పుడు కామిక్ కాన్ ఈవెంట్ లో 'ప్రాజెక్ కె' టీమ్.. తమ సినిమాను కామిక్ బుక్ వెర్షన్లో విడుదల చేయనుందని తెలిసింది. కానీ ఈ క్రమంలోనే ఈ బుక్ లోని రెండు పేజీలు సోషల్ మీడియాలో లీక్ అయిపోయాయి. ఇప్పుడు వాటినే నిర్మాణ సంస్థ వైజయంతీ కూడా పోస్ట్ చేసింది. ప్రాజెక్ట్ కె కామిక్ ఆర్ట్ వెర్షన్ అంటూ రాసుకొచ్చింది. ఇక వీటిని చూసిన వారు సినిమా కథ ఇదే అంటూ చెబుతున్నారు.
కలియుగం చివర్లో ప్రజలను ఇబ్బంది పెట్టే రాక్షకుడు ఉంటాడని, అతడిని సంహరించేందుకు దేవుడిలా ప్రభాస్ ఎంట్రీ ఇస్తారని అంటున్నారు. విలన్గా కమల్ హాసన్ కనిపిస్తారని చెబుతున్నారు. దీన్ని హాలీవుడ్ స్టైల్ లో దాదాపు రూ. 500 కోట్ల భారీ బడ్జెట్ తో వైజయంతీ మూవీస్ నిర్మిస్తోంది. ఇంకా ఈ సినిమాలో బాలీవుడ్ బిగ్ బీ అమితాబ్ బచ్చన్, హాట్ బ్యూటీలు దీపికా పదుకొణె, దిశా పటానీ, కమల్ హాసన్.. పలువురు స్టార్ కాస్ట్ ఇందులో నటిస్తున్నారు.