విద్యార్థుల AIతో ప్ర‌చారానికి ప్ల‌స్!
టికెట్ల అమ్మ‌కాలు మొద‌లు, అభిమానుల‌తో స్టార్ల ఇంట‌రాక్ష‌న్ ని సులువు చేయ‌డం వ‌ర‌కూ ఏఐతో చాలా చేయొచ్చ‌ని చెబుతున్నారు. అలాంటి ఒక ఇనిషియేష‌న్ ని గుంటూరు కారం టీమ్ తీసుకుంది.
సాంకేతిక‌త ప‌రంగా ఇన్నోవేష‌న్ కి ఎప్పుడూ ప్ర‌శంస‌లు కురుస్తాయి. ఇప్పుడు ఏఐ సాంకేతికతతో సినీప‌రిశ్ర‌మ‌కు మేలు చేసే ఉత్ప‌న్నాలు అందుబాటులోకి వ‌స్తున్నాయ‌నేది నిపుణుల మాట. టికెట్ల అమ్మ‌కాలు మొద‌లు, అభిమానుల‌తో స్టార్ల ఇంట‌రాక్ష‌న్ ని సులువు చేయ‌డం వ‌ర‌కూ ఏఐతో చాలా చేయొచ్చ‌ని చెబుతున్నారు. అలాంటి ఒక ఇనిషియేష‌న్ ని గుంటూరు కారం టీమ్ తీసుకుంది. ఈ చిత్ర‌బృందం ఇంటర్నేషనల్ స్కూల్ ఆఫ్ హైదరాబాద్ (ISH) విద్యార్థులు శ్రీరామ్ చుండి -అక్షత్ అనే నాగులపల్లికి చెందిన ఇద్దరు హైస్కూల్ విద్యార్థులతో మహేష్ నటించిన 'గుంటూరు కారం' కోసం ఒక ప్రత్యేకమైన సినిమాటిక్ అనుభవాన్ని సృష్టించేందుకు చేతులు క‌లిపారని తెలిసింది.
స‌ద‌రు ప్ర‌తిభావంతులు చాట్ బోట్ సృష్టి క‌ర్త‌లు. మంచి ప్ర‌తిభావంతులు. 40 మిలియన్లకు పైగా వినియోగదారులను చేరుకోగల సామర్థ్యంతో వారు ప్రత్యేకమైన చాట్‌బాట్ ని రూపొందించారు. ఇప్పటికే లాంచ్ రోజున 1.68 మిలియన్ల ఏకకాల వినియోగదారులను ఆక‌ర్షించింది. ఈ సాంకేతిక‌త మార్కెటింగ్ లో కొత్త ప్రమాణాన్ని సెట్ చేస్తుంది. దీంతో ఇంటరాక్టివ్ మార్కెటింగ్ స్ట్రాటజీలకు మారడాన్ని సూచిస్తూ మరింత వ్యక్తిగతీకరించిన చలనచిత్ర అనుభవాన్ని సృష్టించడం లక్ష్యంగా పెట్టుకుంది. ఈ సాంకేతికతతో టిక్కెట్ల అమ్మకాలను కూడా పెంచడంతో పాటు సినిమా పరిధిని పెంచుతారు.
శ్రీరామ్ సినీపరిశ్రమ వ్యాపార కోణంలో ఆలోచించి నైపుణ్యాన్ని ప్ర‌ద‌ర్శించాడు. అయితే అక్షత్ ఈ వినూత్న ప్రాజెక్ట్‌కు తన AI సృష్టి నైపుణ్యాలను అద‌నంగా అందించాడు. రియాక్టివ్ మార్కెటింగ్‌పై ఇంటరాక్టివ్ మార్కెటింగ్‌ల ద్వారా వ్యక్తిగతీకరించిన వినోద అనుభవాల కొత్త శకానికి నాంది పలికేందుకు, స్టార్‌లు, అభిమానుల మధ్య అంతరాన్ని తగ్గించడానికి AI కీలకమైన సాధనంగా పనిచేస్తుందని వారు విశ్వసిస్తున్నారు. స‌ద‌రు విద్యార్థులు ఈ సాంకేతికతను చలనచిత్ర పరిశ్రమకు మించి ఇత‌ర రంగాల‌కు విస్తరించాలని భావిస్తున్నారు. ఈ ప్ర‌యాణం ఆరంభంలో శ్రీరామ్ - అక్షత్ తమ క్రియేషన్‌లో అభిమానులు తమ అభిమాన తారలతో ఎలా ఇంట‌రాక్ష‌న్ లో ఉంటారో చెక్ చేసారు. ఇంటరాక్టివ్ ఎంటర్‌టైన్‌మెంట్ భవిష్యత్తుకు మంచి ఆస్కారం ఉంద‌ని గ్ర‌హించారు.