డబుల్ ఇస్మార్ట్​.. ఏక్​ ధమ్​ కాంబో​

డాషింగ్ అండ్ సెన్సేషనల్ డైరెక్టర్ పూరీ జగన్నాథ్ గురించి తెలుగు సినీ ప్రేక్షకులకు ప్రత్యేకంగా చెప్పనక్కర్లేదు. ఇండస్ట్రీలో మాస్ సినిమాకు నయా కొత్త నిర్వచనం చెప్పిన దర్శకుడాయన. నేడు ఆయన పుట్టినరోజు సందర్భంగా ఆయన కొత్త సినిమా డబుల్ ఇస్మార్ట్​ నుంచి స్పెషల్ పోస్టర్ రిలీజై ఏక్​ ధమ్​గా అనిపించేలా ఉంది.

వివరాళ్లోకి వెళితే.. టాలీవుడ్​లో ప్రస్తుతం స్టార్ హీరోలుగా ఎదిగిన చాలా మంది సినీ కెరీర్​.. పూరీ తెరకెక్కించిన చిత్రాలతోనే టర్నింగ్​ పాయింట్​గా మారింది. తన చిత్రాలతో ఓ స్పెషల్ బెంచ్​ మార్క్ క్రియేట్ చేశారు. ఈ డాషింగ్ డైరెక్టర్ 1996 సెప్టెంబర్ 28న ఏపీలోని పిఠాపురంలో జన్మించారు. నేడు ఆయన 57వ ఏటలోకి అడుగుపెట్టారు.

ఈ సందర్భంగా సినీ అభిమానులంతా పూరీకి హృదయపూర్వక శుభాకాంక్షలను సోషల్​ మీడియా వేదికగా తెలుపుతున్నారు. ఈ క్రమంలోనే డబుల్ ఇస్మార్ట్​ మూవీటీమ్​ కూడా ఓ స్పెషల్ పోస్టర్​ను రిలీజ్ చేసి విషెస్ తెలిపింది. "మాస్ సినిమాను తనదైన స్టైల్​లో పునర్నిర్వచించిన క్రాఫ్ట్ మెన్​, మా సెన్సేషనల్ డైరెక్టర్ పూరీ జగన్నాథ్​కు బ్లాక్ బస్టర్ బర్త్ డే విషెస్ తెలియజేస్తున్నాము" అంటూ స్పెషల్ పోస్టర్​ను రిలీజ్ చేశారు.

పోస్టర్​లో పూరీ జగన్నాథ్, రామ్ పోతినేని, బాలీవుడ్ స్టార్​ యాక్టర్​ సంజయ్ దత్ కలిసి గన్స్ పట్టుకొని, ఫైరింగ్​కు రెడీ అనేలా స్టిల్స్ ఇచ్చి ఆకట్టుకున్నారు. అలాగే భారీగా నవ్వుతూ కనిపించారు. వారి డ్రెస్సింగ్ స్టైల్​, లుక్స్​, కాస్ట్యూమ్స్​ అని సూపర్​గా ఉన్నాయి. అద్భుతంగా డిజైన్​ పోస్టర్​ బ్యాక్​గ్రౌండ్​ కూడా మంచి కలర్​ ఫుల్​గా ఉంది. ఇది చూస్తుంటే సినిమాలోని సాంగ్​లోని లొకేషన్​లా అనిపిస్తోంది.

ప్రస్తుతం ఈ పోస్టర్​ నెట్టింట తెగ వైరల్ అవుతోంది. ఫ్యాన్స్ కూడా ఈ సినిమా బాస్ బ్లాక్ బాస్టర్ హిట్ అవ్వాలని, పూరి గట్టి కంబ్యాక్ ఇవ్వాలని కోరుకుంటున్నారు. కాగా, ఈ డబుల్ ఇస్మార్ట్​లో రామ్ పోతినేని మెయిన్​ హీరోగా నటించగా.. సంజయ్ దత్​ విలన్​గా కనిపించనున్నారు. పూరీ కనెక్ట్స్​పై పూరీ జగన్నాథ్, ఛార్మీ కౌర్ చిత్రాన్ని నిర్మిస్తున్నారు. 2024 మార్చి 8న పాన్ ఇండియా స్థాయిలో సినిమా రిలీజ్ కానుంది.