పుష్ప 2: టోటల్ వరల్డ్ వైడ్ కౌంట్.. బాక్సాఫీస్ బ్లాస్ట్ అయ్యిందిగా..

అల్లు అర్జున్, సుకుమార్ కాంబినేషన్‌లో తెరకెక్కిన పుష్ప 2: ది రూల్ సినిమా విడుదలై 12 రోజులు పూర్తిచేసుకుంది. అయితే ఈ కేవలం 12 రోజుల్లోనే బాక్సాఫీస్ దగ్గర ఈ సినిమా ఏకంగా రూ.1300 కోట్ల గ్రాస్ ను దాటేసి మరో సంచలనం సృష్టించింది. తెలుగు రాష్ట్రాలు, ఇతర రాష్ట్రాలు, ఓవర్సీస్ కలిపి పుష్ప 2 అద్భుతమైన హోల్డ్‌తో కలెక్షన్ల సునామీని కొనసాగిస్తోంది.

తెలుగు రాష్ట్రాల్లో పుష్ప 2 అంచనాలకు మించి వసూళ్లు సాధించింది. నైజాంలో ఈ సినిమా ఏకంగా రూ.88.54 కోట్ల షేర్‌ను అందుకుంది. సీడెడ్‌లో రూ.29.19 కోట్లు, ఉభయ గోదావరి, గుంటూరు, కృష్ణా, నెల్లూరు కలిపి మొత్తం షేర్ రూ.193.90 కోట్లకు చేరింది. గ్రాస్ పరంగా చూస్తే ఈ సంఖ్య రూ.287.75 కోట్లకు చేరువైంది. ఇది ఈ ప్రాంతంలో తెలుగు సినిమాలకు ఉన్న భారీ మార్కెట్‌ను మరోసారి రుజువు చేసింది.

కర్ణాటకలో ఈ సినిమా మంచి వసూళ్లు సాధించింది. కేవలం 12 రోజుల్లోనే పుష్ప 2 కర్ణాటకలో రూ.46.40 కోట్లను కొల్లగొట్టింది. తమిళనాడులో ఈ సినిమా రూ.30.20 కోట్లను అందుకోగా, కేరళలో మాత్రం కాస్త అండర్‌ పెర్ఫార్మ్ చేసి రూ.7.30 కోట్లను మాత్రమే సాధించింది. అయినా కూడా సౌత్ ఇండియాలో పుష్ప 2 ఊహించని స్థాయిలో రికార్డులు నమోదు చేస్తూ దూసుకుపోతోంది.

హిందీ మార్కెట్‌లో పుష్ప 2 కలెక్షన్లు అద్భుతంగా కొనసాగుతున్నాయి. హిందీ వెర్షన్‌తో పాటు ఇతర రాష్ట్రాల కలిపి కలెక్షన్లు చూస్తే రూ.275.35 కోట్ల షేర్‌ను అందుకుంది. ఈ రికార్డుతో బాలీవుడ్ స్టార్ హీరోల సినిమాలను సైతం పుష్ప 2 వెనక్కు నెట్టేసింది. హిందీలో ఈ సినిమాకు వచ్చే ఆదరణ చూసి ట్రేడ్ విశ్లేషకులు సైతం ఆశ్చర్యపోతున్నారు. సుకుమార్ కథనానికి అల్లు అర్జున్ మాస్ పర్ఫార్మెన్స్ తోడై ఈ స్థాయిలో వసూళ్లు రాబట్టగలిగింది.

ఓవర్సీస్‌లో పుష్ప 2 కలెక్షన్లు కాసుల వర్షాన్ని కురిపిస్తున్నాయి. 12 రోజుల్లోనే విదేశీ మార్కెట్ నుంచి ఈ సినిమా సుమారు రూ.101.85 కోట్ల షేర్‌ను అందుకుంది. గ్రాస్ కలెక్షన్లు చూస్తే ఈ సంఖ్య మరింత పెరుగుతుందని చెప్పవచ్చు. ఈ వసూళ్లతో పుష్ప 2 గ్లోబల్ లెవెల్‌లో అత్యంత విజయవంతమైన ఇండియన్ సినిమాగా నిలుస్తోంది.

ప్రపంచవ్యాప్తంగా పుష్ప 2 మొత్తం రూ.655 కోట్ల షేర్‌ను రాబట్టింది. గ్రాస్ కలెక్షన్లు అయితే ఏకంగా రూ.1,337.25 కోట్లకు చేరాయి. ఈ సినిమా మొత్తం బిజినెస్ రూ.617 కోట్లుగా నమోదు కాగా, బ్రేక్ ఈవెన్ రూ.620 కోట్లు. దీంతో సినిమా నిర్మాతలకు రూ.35 కోట్ల లాభం వచ్చింది. ఫలితంగా పుష్ప 2 క్లీన్ హిట్‌గా నిలిచింది. సినిమా వసూళ్లకు అద్భుతమైన స్పందన లభిస్తుండటంతో అభిమానులు సంబరాల్లో మునిగిపోయారు. ట్రేడ్ విశ్లేషకుల అంచనాల ప్రకారం, ఈ సినిమా లాంగ్ రన్‌లో మరింత భారీ వసూళ్లను సాధించి 1500 కోట్ల గ్రాస్‌ను కూడా టచ్ చేసే అవకాశం ఉంది.

AP-TG మొత్తం:- 193.90CR (287.75CR~ గ్రాస్)

కర్ణాటక : 46.40Cr

తమిళనాడు: 30.20Cr

కేరళ: 7.30 కోట్లు

భారతదేశం+ROI : 275.35Cr

ఓవర్సీస్ - 101.85Cr

మొత్తం వరల్డ్ వైడ్ కలెక్షన్లు : షేర్ 655.00CR - గ్రాస్ 1,337.25 కోట్లు