పుష్ప 2: డౌట్స్ అన్ని తీరినట్లే..

పాన్ ఇండియా స్థాయిలో అత్యంత ప్రతిష్టాత్మకంగా తెరకెక్కుతున్న సినిమా పుష్ప 2: ది రూల్ రిలీజ్ డేట్ విషయంలో ఇటీవల అనేక రకాల రూమర్స్ వచ్చాయి. ముఖ్యంగా హీరో దర్శకుడికి మధ్యలో విబేధాలు వచ్చాయని అందుకే ఆలస్యం అన్నట్లు రకరకాల వార్తలు వచ్చాయి. ఇక మొత్తానికి ఆ విషయంలో ఓ క్లారిటీ వచ్చేసింది. డైరెక్టర్ సుకుమార్ దిశా నిర్దేశంలో తెరకెక్కుతున్న ఈ సినిమా ప్రేక్షకులను ఊహించని రీతిలో ఆకట్టుకుంటుందని మేకర్స్ అప్డేట్ తో అర్ధమవుతుంది.

ఈ సినిమా షూటింగ్ ప్రస్తుతం శరవేగంగా సాగుతోంది. ముఖ్యంగా క్లైమాక్స్ యాక్షన్ సీక్వెన్స్‌పై ప్రత్యేకంగా దృష్టి సారిస్తున్నారు. ఈ సీక్వెన్స్‌ను రామోజీ ఫిల్మ్ సిటీలో ప్రత్యేకంగా నిర్మించిన సెట్‌లో చిత్రీకరిస్తున్నారు. మొదట చైనా, జపాన్ దేశాల్లో సీన్స్ షూట్ చేయాలని అనుకున్నారు. కానీ ఫైనల్ గా రామోజీ ఫిల్మ్ సిటీ లోనే భారీ సెట్స్ మధ్య సీన్స్ షూట్ చేస్తున్నారు.

ఈ క్లైమాక్స్ సీన్స్ బ్లాక్ భారీ యాక్షన్ సన్నివేశాలతో రక్తికట్టేలా, ప్రేక్షకులకు గూస్‌బంప్స్ కలిగించేలా రూపొందించబడుతున్నాయట. అల్లు అర్జున్‌ సహా ప్రధాన తారాగణం ఈ షూటింగ్‌లో పాల్గొంటున్నారు. సుకుమార్‌ ఈ సినిమాను పాన్ ఇండియా రేంజ్‌లో రూపొందిస్తూ, ప్రతి సన్నివేశాన్ని గొప్పగా తెరకెక్కిస్తున్నాడు. ఇప్పటికే విడుదలైన టీజర్‌కు అద్భుతమైన స్పందన లభించిందని, సుకుమార్‌ టేకింగ్‌ ఎలా ఉంటుందో చెప్పేలా ఉంది.

దేవి శ్రీ ప్రసాద్ అందించిన ‘పుష్ప పుష్ప’ అనే తొలి సాంగ్‌ ప్రేక్షకులను తెగ ఆకట్టుకోగా, ‘సూసేకి’ సాంగ్ కూడా మంచి స్పందన తెచ్చుకుంది. ఈ సినిమా క్లైమాక్స్ షెడ్యూల్ పూర్తయిన తర్వాత పోస్ట్ ప్రొడక్షన్ పనులు వేగంగా జరుగుతాయి. సినిమా విడుదల తేదీ మారుతుందంటూ వచ్చిన రూమర్స్‌ను పక్కన పెట్టేసిన మేకర్స్, డిసెంబర్ 6, 2024న ఈ సినిమా ప్రపంచవ్యాప్తంగా భారీ ఎత్తున విడుదల చేయనున్నట్లు మరో క్లారిటీ ఇచ్చేశారు.

మైత్రీ మూవీ మేకర్స్, సుకుమార్ రైటింగ్స్ సంయుక్తంగా ఈ చిత్రాన్ని నిర్మిస్తున్నారు. నిర్మాణ విలువల్లోనూ, టెక్నికల్ టెర్రిఫిక్‌గా, ప్రతి విభాగంలోనూ అత్యున్నత స్థాయి పనితీరును అందిస్తున్నారు. ఇక సినిమాటోగ్రాఫర్ మిరెస్లొవ్ కుబా బ్రోజెక్ కెమెరా పనితనంతో సినిమాకు ప్రత్యేక ఆకర్షణ చేకూర్చబోతున్నాడు. అలాగే ఆర్ట్ డైరెక్టర్స్ రామకృష్ణ, మోనికా ఇతర సాంకేతిక నిపుణులు కూడా తమ అత్యుత్తమ ప్రతిభను ప్రదర్శిస్తున్నారు. పుష్ప 2: ది రూల్ కోసం ప్రేక్షకులు ఉత్కంఠగా ఎదురుచూస్తున్నారు. మరి ఈ సినిమా బాక్సాఫీస్ వద్ద ఏ రేంజ్ లో క్లిక్కవుతుందో చూడాలి.