రాజాసాబ్ 2025 లో కూడా క‌ష్ట‌మే?

పాన్ ఇండియా స్టార్ ప్ర‌భాస్ హీరోగా మారుతి ద‌ర్శ‌క‌త్వంలో `రాజాసాబ్` అనే సినిమా తెర‌కెక్కుతోన్న సంగ‌తి తెలిసిందే. `స‌లార్`..`క‌ల్కి 2898`లాంటి భారీ ప్రాజెక్ట్ లు చేస్తున్నా ప్ర‌భాస్ ఆట విడుపుగా మారుతితో క‌మిట్ అయిన చిత్ర‌మిది. ఆ రెండు భారీ చిత్రాల‌తోనే `రాజాసాబ్` ని సెట్స్ పైకి తీసుకెళ్లారు. ఈ సినిమా కేవ‌లం రీజ‌న‌ల్ మార్కెట్ లోనే రిలీజ్ కానుంది. దీంతో డార్లింగ్ సినిమాని నెమ్మ‌దిగా పూర్తి చేస్తున్నాడు.

ఆ రెండు పెద్ద చిత్రాల నుంచి ఖాళీ స‌మ‌యం దొరికిన‌ప్పుడ‌ల్లా రాజాసాబ్ షూట్ కి హాజ‌ర‌య్యేవారు. ఎలాగూ కొంత వ‌ర‌కూ షూటింగ్ అయితే పూర్త‌యింది. ఇంకా పెండింగ్ చిత్రీక‌ర‌ణ పూర్తి చేయాల్సి ఉంది. ఇక ఈ సినిమా రిలీజ్ ఎప్పుడు? అన్న‌ది క్లారిటీ లేని సంగ‌తి తెలిసిందే. క‌ల్కి 2898 మే లో రిలీజ్ అవుతున్న‌ట్లు మేక‌ర్స్ ప్ర‌క‌టించినా మారుతి మాత్రం `రాజాసాబ్` రిలీజ్ తేదిని ప్ర‌క‌టించ‌లేదు.

ఆ రిలీజ్ తేది ఛాన్స్ ప్ర‌భాస్ చేతుల్లోనే ఉంది. ఆయ‌న ఎప్పుడంటే? అప్పుడు రిలీజ్ చేయ‌డం త‌ప్ప మ‌రో ఆప్ష‌న్ లేదు. ఈ నేప‌థ్యంలో మారుతి రిలీజ్ పై ఎక్క‌డా నోరు మొద‌ప‌డం లేదు. 2025లోనే సినిమా రిలీజ్ ఉంటుంద‌ని బ‌ల‌మైన ప్ర‌చారం సాగుతోంది. ఇలా వ‌చ్చే ఏడాది రిలీజ్ అవ్వాల‌న్నా ప్ర‌భాస్ ఇప్ప‌టి నుంచి షూటింగ్ కి హాజ‌రైతే త‌ప్ప ప‌ని కాదు. `స‌లార్ -2` ఎలాగూ తొమ్మిది నెల‌లు త‌ర్వాత షూటింగ్ ఉంటుంది మొద‌లువుతుంది క‌దా? ఈలోపు ఎలా లేద‌న్నా రాజాసాబ్ ని క‌నీసం వ‌చ్చే ఏడాదైనా రిలీజ్ చేసే ఛాన్స్ ఉంటుంద‌ని మారుతి భావించాడు.

కానీ ఇప్పుడా ప్లానింగ్ మార్చుకోక త‌ప్ప‌ద‌నిపిస్తుంది. `స‌లార్ -2` షూటింగ్ ని ప్ర‌శాంత్ నీల్ తొమ్మిది నెల‌లు ముందుకు తీసుకొస్తున్నాడు. వీలైనంత వేగంగా రెండ‌వ భాగం పూర్తి చేసి రిలీజ్ చేయాల‌ని ప్లాన్ చేస్తున్నాడు. ఇప్ప‌టికే స్టోరికి సంబంధించి అవ‌స‌ర‌మైన మెరుగులు దిద్దే ప‌నుల్లో నిమగ్న‌మైన‌ట్లు స‌మాచారం. అదే గ‌నుక నిజ‌మైతే `రాజాసాబ్` 2025 లో కూడా క‌ష్ట‌మే అని కొత్త ప్రచారం మొద‌లైంది.