ఖైదీ2లో కార్తీ స‌ర‌స‌న మ‌ల‌యాళ బ్యూటీ?
ఖైదీ2 ఎప్పుడెప్పుడొస్తుందా అని అంద‌రూ ఆస‌క్తిగా ఎదురుచూస్తున్న టైమ్ లో ఈ సీక్వెల్ గురించి ఓ వార్త వినిపిస్తుంది.
ఫిల్మ్ ఇండ‌స్ట్రీలో ప్ర‌స్తుతం సీక్వెల్స్ ట్రెండ్ న‌డుస్తోంది. ఒకే క‌థ‌ను రెండు మూడు భాగాలుగా చెప్ప‌డం ఫ్యాష‌నైపోయింది. ఈ నేప‌థ్యంలో ఓ హిట్ సినిమాకు సీక్వెల్ వ‌స్తుంద‌న‌గానే ఫ్యాన్స్ పండ‌గ చేసుకుంటున్నారు. త‌మిళంతో పాటూ తెలుగులో కూడా మంచి ఫేమ్ ఉన్న హీరోల్లో కార్తీ ఒక‌డు. తాను హీరోగా న‌టించిన ఖైదీ సినిమాకు స‌పరేట్ ఫ్యాన్ బేస్ ఉందంటే అతిశ‌యోక్తి కాదు.
డైరెక్ట‌ర్ లోకేష్ క‌న‌గ‌రాజ్ కు కూడా బ్రేక్ ఇచ్చిన సినిమా ఇదే. సౌత్ లో ఎంతోమంది సెన్సేష‌న‌ల్ డైరెక్ట‌ర్లున్న‌ప్ప‌టికీ ఓ సినిమాలోని పాత్ర‌ల‌ను మ‌రో సినిమాలోకి తీసుకురావ‌చ్చ‌నే ఆలోచ‌నను మొద‌టిగా ప‌రిచ‌యం చేసింది మాత్రం లోకేష్ క‌న‌గ‌రాజే. లోకేష్ సినిమాటిక్ యూనివ‌ర్స్ పేరిట త‌నకంటూ ఓ సినీ ప్రపంచాన్ని క్రియేట్ చేశాడు.
ఇప్పుడు లోకేష్ వేసిన బాట‌లోనే ప్ర‌శాంత్ నీల్, ప్ర‌శాంత్ వ‌ర్మ, నాగ్ అశ్విన్ లాంటి డైరెక్ట‌ర్లు వెళ్తున్నారు. అయితే లోకేష్ నుంచి ఎన్ని సినిమాలొచ్చినా ఖైదీ సినిమాకు ఉన్న క్రేజ్ వేరు. ఆ సినిమాకు సీక్వెల్ గా ఖైదీ2 రానుందని లోకేష్, కార్తీ ఇప్ప‌టికే క్లారిటీ ఇచ్చిన విష‌యం తెలిసిందే. ఈ స‌మ్మ‌ర్ నుంచి ఖైదీ2 మొద‌లయ్యే అవ‌కాశాలున్న‌ట్టు కార్తీ గ‌తంలో ఓసారి చెప్పాడు.
ఖైదీ2 ఎప్పుడెప్పుడొస్తుందా అని అంద‌రూ ఆస‌క్తిగా ఎదురుచూస్తున్న టైమ్ లో ఈ సీక్వెల్ గురించి ఓ వార్త వినిపిస్తుంది. ఖైదీ2లో మ‌ల‌యాళ బ్యూటీ ర‌జిష విజ‌య‌న్ న‌టించ‌నుంద‌ని అంటున్నారు. ఫ్లాష్ బ్యాక్ లో కార్తీ స‌ర‌స‌న ర‌జిష క‌నిపిస్తుంద‌ని కోలీవుడ్ మీడియాలో వార్త‌లు వినిపిస్తున్నాయి. ఇందులో నిజ‌మెంత‌న్న‌ది చూడాలి.
ప్ర‌స్తుతం ర‌జినీకాంత్ తో కూలీ సినిమా చేస్తున్న లోకేష్ క‌న‌గ‌రాజ్ దాన్ని మాత్రం లోకేష్ సినిమాటిక్ యూనివ‌ర్స్ లో కాకుండా స్టాండ్ ఎలోన్ ఫిల్మ్ గా చేస్తున్నాడు. కూలీ పూర్త‌య్యాక లోకేష్ ఖైదీ2 చేసే అవ‌కాశాలు క‌నిపిస్తున్నాయి. ఖైదీ2తో పాటూ విక్ర‌మ్2, లియో2, రోలెక్స్ సినిమాల‌ను లోకేష్ కూడా ప్లాన్ చేస్తున్నాడు. ఇవ‌న్నీ పూర్తి చేయాలంటే లోకేష్ కు ఎంత‌లేద‌న్నా మూడు నాలుగేళ్లు ఈజీగా ప‌డుతుంది.
ఇక కార్తీ విష‌యానికొస్తే గ‌తేడాది స‌త్యం సుంద‌రం సినిమాతో మంచి హిట్ అందుకున్నాడు. ఆ సినిమాలో త‌న న‌ట‌న‌కు అంద‌రూ ఫిదా అయ్యారు. దాంతో పాటూ సూర్య న‌టించిన కంగువ‌లో కూడా గెస్ట్ అప్పీరియెన్స్ ఇచ్చాడు. ప్ర‌స్తుతం మిత్ర‌న్ ద‌ర్శ‌క‌త్వంలో స‌ర్దార్2 సినిమా చేస్తున్న కార్తీ ఆ సినిమా పూర్తి చేశాక ఖైదీ2ని మొద‌లుపెట్ట‌నున్నాడు.