ర‌ష్మిక డ్రీమ్ రోల్!

నేష‌న‌ల్ క్ర‌ష్ ర‌ష్మిక మంద‌న్న‌ కెరీర్ టాలీవుడ్..బాలీవుడ్ లో దేదీప్య‌మానంగా సాగిపోతున్న సంగ‌తి తెలిసిందే. 'పుష్ప‌-2' విజ‌యం సాధిస్తే అమ్మ‌డి రేంజ్ పాన్ ఇండియాలో అంత‌కంత‌కు రెట్టింపు అవుతుంది. ఆ స‌క్సెస్ కోసం ఎదురు చూస్తుంది. అయినా ఆ సినిమా ఫ‌లితంతో సంబంధం లేకుండా వరుస‌గా సినిమాలు చేస్తోంది. బాలీవుడ్ లో లేడీ ఓరియేంటెడ్ చిత్రాల్లోనూ న‌టిస్తోంది.

మ‌రి ఇంత సంతోషంగా సాగిపోతున్న ర‌ష్మిక కెరీర్ లో డ్రీమ్ రోల్ అంటూ ఏదైనా ఉందా? అంటే ఉంద‌నే తెలిపింది. 'భ‌విష్య‌త్ లో ఎప్పుడైనా సౌంద‌ర్య బ‌యోపిక్ తీస్తే గ‌నుక అందులో న‌టించాల‌ని ఉంది. ఎందుకంటే సినిమాల్లోకి రాక‌ముందు నుంచే ఆమెకి వీరాభిమానిని. చిన్న‌త‌నం నుంచి సౌంద‌ర్య సినిమాలు చూస్తే పెరిగాను. ఆమెని చూసే న‌ట‌న‌లో మెల‌కువ‌ల‌ను నేర్చుకున్నాను.

మా నాన్న కూడా అప్పుడ‌ప్పుడు నువ్వు సౌంద‌ర్య‌లా కనిపిస్తావ్ అని అంటారు. అప్పుడు నా సంతోషం మాట‌ల్లో చెప్ప‌లేను. కానీ సౌంద‌ర్య బ‌యోపిక్ తీస్తే అవ‌కాశం నాకిస్తారా? లేదా? అన్న‌ది చూడాలి. అవ‌కాశం కోసం మాత్రం దేవుడిని ఇప్ప‌టి నుంచే ప్రార్ధిస్తున్నా' అని తెలిపింది. మొత్తానికి ర‌ష్మిక డ్రీమ్ రివీల్ చేసింది. సౌంద‌ర్య‌..ర‌ష్మిక ఇద్ద‌రు క‌న్న‌డిగులు అన్న సంగ‌తి తెలిసిందే.

స్టార్ హీరోయిన్ గా ఓ వెలుగు వెలిగిన అప్ప‌టి స్టార్ హీరోలంద‌రితో న‌టించారు. లేడీ ఓరియేంటెడ్ సినిమాల్లోనూ న‌టించారు. అదే గుర్తింపుతో సౌంద‌ర్య రాజ‌కీయాల్లోకి ఎంట్రీ ఇచ్చారు. బీజేపీ పార్టీలో చేరారు. ఆ నిర్ణ‌యం ఆమె జీవితాన్నే మార్చేసింది. 2004 ఏప్రిల్ 17న సౌందర్య విమాన ప్రమాదంలో మరణించారు. అప్పటికి సౌందర్య వయసు కేవలం 31 ఏళ్ళు మాత్రమే. ఎన్నికల ప్రచారంలో భాగంగా బెంగుళూరు నుండి కరీంనగర్ వెళుతుండగా ఈ ప్రమాదం చోటు చేసుకుంది. సౌందర్యతో పాటు ఆమె

సొద‌రుడు కూడా ప్రమాదంలో మరణించారు.