సలార్ ఎమోషన్ పాళ్లు ఎక్కువేనా..!

ప్రభాస్ హీరోగా ప్రశాంత్ నీల్ దర్శకత్వంలో వస్తున్న సలార్ సినిమా మొదటి పార్ట్ నెక్స్ట్ మంత్ ఎండింగ్ కి రిలీజ్ ప్లాన్ చేసిన విషయం తెలిసిందే. కె.జి.ఎఫ్ నిర్మాతలు హోంబలే ప్రొడక్షన్స్ లో భారీ బడ్జెట్ తో సలార్ వస్తుంది. పార్ట్ 1కి సంబంధించి రీసెంట్ గా రిలీజ్ చేసిన టీజర్ అదరగొట్టగా త్వరలోనే సలార్ ట్రైలర్ రిలీజ్ ప్లాన్ చేస్తున్నారని తెలుస్తుంది. బాహుబలి తర్వాత సాహో స్టైలిష్ యాక్షన్ మూవీగా రాగా రాధే శ్యాం, ఆదిపురుష్ రెండు క్లాస్ సినిమాలుగా వచ్చాయి. రెబల్ ఫ్యాన్స్ అంతా కూడా కోరుకునే అన్ని మాస్ అంశాలు సలార్ లో ఉన్నాయి. అందుకే సలార్ మీద ప్రభాస్ ఫ్యాన్స్ ప్రత్యేకమైన క్రేజ్ ఏర్పరచుకున్నారు.

సలార్ సినిమా టీజర్ శాంపిల్ తోనే ఇది మరో కె.జి.ఎఫ్ కాదు కాదు అంతకు మించి అనిపించేలా చేశాడు ప్రశాంత్ నీల్. అయితే కె.జి.ఎఫ్ ఎంత పెద్ద యాక్షన్ మూవీ అయినా కూడా అందులో మదర్ సెంటిమెంట్ కూడా బాగా వర్క్ అవుట్ అయ్యింది. కె.జి.ఎఫ్ పార్ట్ 1, 2 రెండిటిలో తల్లి మీద సెంటిమెంట్ డైలాగ్స్, సాంగ్స్ అన్ని వర్క్ అవుట్ అయ్యాయి. అయితే ప్రశాంత్ నీల్ అదే ఫార్ములాను సలార్ లో కూడా కొనసాగిస్తున్నాడని తెలుస్తుంది.

సలార్ పార్ట్ 1 భారీ మాస్ యాక్షన్ సినిమాగా వస్తున్నా ఇందులో కూడా ఎమోషనల్ పాళ్లు ఎక్కువే అని అంటున్నారు. ప్రశాంత్ నీల్ ఈ సెంటిమెంట్ విషయంలో దర్శక ధీరుడు రాజమౌళిని ఫాలో అవుతున్నాడని చెప్పొచ్చు. రాజమౌళి కూడా తాను ఎంత గొప్ప సినిమా చేసినా కూడా అందులో ఏదో ఒక సెంటిమెంట్ ని పెట్టి ఆడియన్స్ హృదయాలను టచ్ చేస్తాడు. ప్రశాంత్ నీల్ కూడా అదే తరహాలో సలార్ లో ఎమోషనల్ కంటెంట్ ని కూడా పెడుతున్నాడట.

భారీ యాక్షన్ సీన్ దాని వెనుక ఒక బలమైన ఎమోషన్ ఇదే కదా కమర్షియల్ సినిమా సక్సెస్ ఫార్ములా.. తప్పకుండా ప్రశాంత్ నీల్ సలార్ విషయంలో ఫాలో అవుతున్న ఈ సెంటిమెంట్ కూడా బాగా వర్క్ అవుట్ అయ్యేలా ఉంది. సలార్ పార్ట్ 1 సెప్టెంబర్ 28న రిలీజ్ ఫిక్స్ చేశారు. ఈ సినిమాలో శృతి హాసన్ హీరోయిన్ గా నటిస్తుంది. పార్ట్ 1 బిజినెస్ కూడా భారీగా జరుగుతుండగా సలార్ 1 తర్వాత సలార్ 2 కి వన్ ఇయర్ గ్యాప్ తీసుకుంటారని తెలుస్తుంది.