స‌ల్మాన్ ఖాన్ వార‌సుడొస్తున్నాడు!

చాలా మంది న‌ట‌వార‌సుల‌ను, కొత్త వారిని వెండితెర‌కు ప‌రిచ‌యం చేసాడు స‌ల్మాన్ ఖాన్. కానీ త‌న కుటుంబం నుంచి ఎవ‌రినీ ప‌రిచ‌యం చేసే అవ‌కాశం రాలేదు. దానికి కార‌ణం అత‌డు ఇప్ప‌టికీ మోస్ట్ ఎలిజిబుల్ బ్యాచిల‌ర్ గా మిగిలిపోవ‌డమే. 50 వ‌య‌సులో ఇంకా పెళ్లేమిటి? అని ప్ర‌శ్నించే స‌ల్మాన్ కి ఎలానూ న‌ట‌వార‌సుడు లేడు. అయితే త‌న సోద‌రుడు ఆర్భాజ్ ఖాన్ (మ‌లైకా) కుమారుడు అర్హాన్ ఖాన్ ని హీరోగా ప‌రిచయం చేసే ఆప్ష‌న్ అత‌డికి ఉంది. అదంతా అటుంచితే స‌ల్మాన్ కుటుంబం నుంచే ఇప్పుడు ఒక హీరో పుట్టుకొచ్చాడు.

అత‌డు స‌ల్మాన్ కి స్వ‌యానా మేన‌ల్లుడు. స‌ల్మాన్ సోద‌రి కుమారుడు. పేరు అయాన్ అగ్నిహోత్రి. త్వ‌రలోనే హీరో కాబోతున్న అత‌డు `యు ఆర్ మైన్` అనే మ్యూజిక్ వీడియోతో ఆరంగేట్రం చేస్తున్నాడు. ఈ వీడియో ఆల్బ‌మ్ టీజర్‌లో మేనల్లుడు అయాన్ అగ్నిహోత్రి ర్యాప్‌ని చూసి నవ్వుతున్న సల్మాన్ ఖాన్ రూపాన్ని ఆవిష్క‌రంచారు. ఇంగ్లీష్ మే రాప్ కర్తా హై యే చోరా అంటూ జోష్ వారిలో క‌నిపిస్తోంది. మ్యూజిక్ వీడియోలో సల్మాన్ ఖాన్ -అయాన్ అగ్నిహోత్రిల స్నేహం ముచ్చ‌ట‌గొలుపుతోంది. వారి బంధం చాలా అందంగా ఉంది.

మేనల్లుడు అయాన్ అగ్నిహోత్రి కొత్త మ్యూజిక్ వీడియోతో ప్ర‌భావం చూపుతున్నాడు. అత‌డి ఛామింగ్ లుక్ పై ఇప్పుడు అభిమానుల‌కు ఒక అంచ‌నా ఏర్ప‌డింది. దీంతో స‌ల్మాన్ కి సిస‌లైన వార‌సుడొస్తున్నాడు! అంటూ అభిమానులు ఉత్సాహం క‌న‌బ‌రుస్తున్నారు. స‌ల్మాన్ సోదరి అల్విరా కొడుకు అయాన్. సినీరంగంలో పెద్ద స్థాయికి ఎద‌గాల‌నుకుంటున్నాడు. దానికి మామ అండాదండా పెద్ద‌గా క‌లిసి రానున్నాయి. ప్ర‌స్తుతానికి స‌ల్మాన్ ఖాన్ వార‌సుడొస్తున్నాడు! అంటూ అభిమానులు సంబ‌రాల్లో ఉన్నారు.