'హ‌ని బ‌న్ని' స్ట్రీమింగుకి ముందు జిమ్‌లో స‌మంత

సమంత గ‌త‌ ఆదివారం రాజస్థాన్‌లోని సుందరమైన ప్రకృతి దృశ్యాలలో ప్రశాంతమైన వెకేష‌న్ ని ఆస్వాధించిన ఫోటోలు వైర‌ల్ అయ్యాయి. ప‌చ్చ‌ద‌నం న‌డుమ కొన్ని ఫోటోలు, అడవి జంతువులతో సావాసానికి చెందిన ఫోటోలు వెబ్ లో క‌నిపించాయి. ఈ వారం ప్రారంభంలో సమంత జైపూర్ వెళ్లారు. ప్ర‌ఖ్యాత‌ ర‌ణ‌తంబోర్ డీప్ ఫారెస్ట్ లో విహ‌రించారు. ఈ విహార‌యాత్ర గురించి ముచ్చ‌టిస్తుండ‌గా దృష్టిని మ‌ర‌ల్చేందుకు స‌మంత మ‌రో కొత్త విష‌యంతో ముందుకు వ‌చ్చింది.

తాజాగా స‌మంత ఇన్ స్టాలో జిమ్ లో ఉన్న‌ప్ప‌టి ఓ స్పెష‌ల్ ఫోటోని షేర్ చేసి దానికి ఆస‌క్తిక‌ర క్యాప్ష‌న్ ఇచ్చారు. కొన్ని భారీ బరువున్న స్క్వాట్‌లు చేస్తున్న వీడియోను ఇన్ స్టాలో షేర్ చేసింది సామ్‌. షార్ట్‌లు మోకాలి చిప్పల ప‌ట్టీలు నల్లటి భారీ T-షర్టు ధరించి కనిపించింది. ఈ వీడియో క్లిప్‌లో సామ్ హార్డ్ వ‌ర్క్ కి ప్రిపేర‌య్యే విధానం ఆక‌ర్షించింది. ఒక స్క్వాట్ కోసం హెవీ వెయిట్స్‌ని ఎత్తే ప్ర‌య‌త్నం చేసిన‌ట్టు అనిపించింది. ''డిస్ట్రెస్సింగ్ #సిటాడెల్ హ‌నీబ‌న్నీ ఈరోజు నుంచి ప్రీమియర్స్'' అని వెల్ల‌డించింది. ఈ ప్రీమియ‌ర్ కోసం స‌మంత ఇంత‌కుముందే ముంబై న‌గ‌రంలో అడుగుపెట్టిన ఫోటోలు వైర‌ల్ అయ్యాయి.

సిటాడెల్: హనీ బన్నీ ట్రైల‌ర్ ప్ర‌కారం.. స‌మంత అద్భుత‌మైన యాక్ష‌న్ క్వీన్ గా ఈ సిరీస్ లో అల‌రించ‌నుంది. భారీ స్టంట్స్ లో వరుణ్ ధావన్ తో పోటీప‌డి న‌టించింది. రాజ్ &DK మ‌రోసారి స‌మంత‌కు అద్భుత‌మైన పాత్ర‌లో అవ‌కాశం క‌ల్పించార‌ని అర్థ‌మైంది. ఇందులో స్పెష‌లిస్ట్ స్టంట్‌మ్యాన్ పాత్రలో వరుణ్ నటిస్తుండగా, సమంత గూఢచారి పాత్రలో నటిస్తోంది. కథాంశం వరుణ్ -సమంతల చుట్టూ తిరుగుతుంది. ఐడెంటిటీలు దొర‌క్కుండా ఆ ఇద్ద‌రూ స్పై ఆప‌రేష‌న్ దేని కోసం చేసారు? అన్న‌ది సిటాడెల్ చూసి తెలుసుకోవాల్సిందే. కే కే మీనన్, సాకిబ్ సలీమ్, సికందర్ ఖేర్ త‌దిత‌రులు ఇందులో న‌టించారు.