వీడియో : సమంత రాకతో ఈవారం ఏక్‌ధమ్‌ టాప్‌

స్టార్‌ హీరోయిన్‌ సమంత ఏడాది సినిమాలకు బ్రేక్‌ అంటూ షూటింగ్స్‌ కి దూరంగా ఉంటున్న విషయం తెల్సిందే. అయితే సమంత సినిమాలకు దూరంగా ఉంది కానీ ఆమె సోషల్‌ మీడియా ద్వారా రెగ్యులర్‌ గా, టీవీల ద్వారా అప్పుడప్పుడు సందడి చేస్తూనే ఉంది. తాజాగా ఎంటీవీ ద్వారా ప్రేక్షకుల ముందుకు రాబోతుంది.

ఎంటీవీ ట్యాలెంట్‌ షో అయిన హసల్‌ 03 కి గెస్ట్‌ గా సమంత హాజరు అవ్వడం జరిగింది. కంటెస్టెంట్స్ కి జోష్ ఇచ్చేందుకు స్టేజ్ ఎక్కి మరీ డాన్స్ చేసి అందరిని ఆశ్చర్యపరిచింది. ఎంటీవీ తాజా ఎపిసోడ్‌ కి సంబంధించిన ప్రోమోను సోషల్ మీడియా ద్వారా షేర్‌ చేయడంతో అది వైరల్‌ అవుతోంది.

సమంత రాకతో ఈ వారం ఏక్‌ధమ్‌ టాప్‌ అంటూ ఫైర్ ఈమోజీని ఎంటీవీ సోషల్‌ మీడియా టీమ్‌ షేర్‌ చేశారు. నిజంగానే షో లో సమంత ఫైర్ పుట్టించినట్లుగా అందంతో ఆకట్టుకుంది అనడంలో సందేహం లేదు. సమంత గతంలో పలు షో లకు జడ్జ్‌ లుగా వ్యవహరించింది. అయితే ఇది చాలా స్పషల్‌ అంటూ ఫ్యాన్స్ కామెంట్స్ చేస్తున్నారు.

ఇక సమంత సినిమాల్లో మళ్లీ నటించడం కోసం అభిమానులు చాలా ఆసక్తిగా ఎదురు చూస్తున్నారు. వచ్చే ఏడాది లో సమంత కొత్త సినిమా ప్రారంభం అయ్యే అవకాశం ఉంది. అయితే అది ఏ భాష లో ఉంటుంది అనేది మాత్రం తెలియాలంటే ఆమె నుంచి క్లారిటీ రావాల్సిందే.