యానిమల్ రన్వీర్ కు అంత నచ్చిందా..?

బాలీవుడ్ లో లాస్ట్ ఇయర్ ఎండింగ్ లో రిలీజైన యానిమల్ సృష్టించిన సంచలనాలు అన్నీ ఇన్నీ కావు. సందీప్ వంగ డైరెక్షన్ లో తెరకెక్కిన యానిమల్ సినిమా బాక్సాఫీస్ దగ్గర రణ్ బీర్ కపూర్ స్టామినా ప్రూవ్ చేసింది. రణ్ బీర్ కపూర్, రష్మిక జంటగా నటించిన యానిమల్ సినిమా ఫుల్ రన్ లో 900 కోట్ల పైన గ్రాస్ కలెక్ట్ చేసింది. ఈ సినిమా థియేట్రికల్ రిలీజ్ టైం లో ఎంత హడావిడి చేసిందో ఓటీటీ రిలీజ్ అయ్యాక కూడా అదే రేంజ్ డిస్కషన్స్ జరిగాయి.

అయితే రణ్ బీర్ కపూర్ నటించిన యానిమల్ గురించి రన్వీర్ సింగ్ దాదాపు 40 నిమిషాల పాటు డైరెక్టర్ సందీప్ వంగాతో మాట్లాడారట. ఇదే విషయాన్ని డైరెక్టర్ సందీప్ వంగ వెల్లడించారు. యానిమల్ పై మిగతా వారంతా కూడా తమ స్పందన సోషల్ మీడియాలో స్పందించగా రన్వీర్ సింగ్ మాత్రం సందీప్ వంగాకు ఫోన్ చేసి మాట్లాడాడట.

యానిమల్ చూశాక రన్వీర్ సింగ్ తనతో 40 నిమిషాలు మాట్లాడాడు.. ఆ తర్వాత ఒక లాంగ్ మెసేజ్ కూడా పెట్టాడు. దాన్ని నేను నాలుగుసార్లు చదువుకున్న.. చాలా ఆనందం వేసింది.. సినిమా గురించి ప్రతీది డీటైల్డ్ గా రాశాడు. సినిమా తీసిన నాకే ఇన్ని విషయాలు ఉన్నాయా అని నేనే ఆశ్చర్యపోయా అని అనేలా రన్వీర్ ఆశ్చర్యపరిచాడట.

సో ఇదంతా చూస్తుంటే రన్వీర్ సింగ్ కు యానిమల్ బాగా ఎక్కేసినట్టు అనిపిస్తుంది. ఇదిలా ఉంటే యానిమల్ రిలీజ్ అయ్యాక రణ్ బీర్ కపూర్ తోనే కబీర్ సింగ్ కూడా చేస్తే బాగుండేదని సందీప్ వంగతో అన్నారట. వాటిపై స్పందించిన సందీప్ వంగ రణ్ బీర్ కపూర్ రీమేక్ లు చేయనని చెప్పాడు. అందుకే ఆ ప్రాజెక్ట్ చేయలేదని అన్నారు. ఇక యానిమల్ పార్క్ విషయాలను కూడా పంచుకుంటూ యానిమల్ పార్క్ తో ఎక్కువ థ్రిల్ చేయడమే తన లక్ష్యమని అన్నారు సందీప్ వంగ.

తెలుగులో అర్జున్ రెడ్డితో డైరెక్టర్ గా కెరీర్ మొదలు పెట్టిన సందీప్ వంగ ఇప్పుడు రణ్ బీర్ కపూర్ తో యానిమల్ తీసి బాలీవుడ్ ని షేక్ చేసే డైరెక్టర్స్ లిస్ట్ లో చేరాడు. యానిమల్ పార్క్ మరింత విధ్వంసకరంగా ఉంటుందని చెబుతున్న అతని కామెంట్స్ రణ్ బీర్ ఫ్యాన్స్ ని ఖుషి చేస్తున్నాయి. అయితే దీనితో పాటుగా ప్రభాస్ తో స్పిరిట్ సినిమా చేయనున్నాడు సందీప్ వంగ.