సప్త సాగరాలు మలి భాగం ఏం చేస్తుందో..?

కన్నడ టాలెంటెడ్ యాక్టర్ రక్షిత్ శెట్టి తన మల్టీ టాలెంట్ తో సౌత్ ఆడియన్స్ ని అలరిస్తున్నాడు. కన్నడ ప్రేక్షకుల తర్వాత తెలుగు ప్రేక్షకులు తన ప్రతిభ గుర్తించడంతో రక్షిత్ శెట్టి నటిస్తున్న సినిమాలు తెలుగులో కూడా రిలీజ్ అవుతున్నాయి. రక్షిత్ శెట్టి అంటే కేవలం రష్మికని ఎంగేజ్మెంట్ చేసుకున్న వ్యక్తిగానే తెలుగు వాళ్లకు పరిచయం. కానీ అతను చేస్తున్న సినిమాలను చూశాక ఆ ఒపీనియన్ మారింది. రీసెంట్ గా సప్త సాగరాలు దాటి మొదటి బాగం తో ప్రేక్షకుల ముందుకు వచ్చిన రక్షిత్ శెట్టి కమర్షియల్ గా వర్క్ అవుట్ కాకపోయినా తెలుగు నుంచి మంచి రెస్పాన్స్ తెచ్చుకుంది.

హేమంత్ ఎం రావు డైరెక్ట్ చేసిన సప్త సాగరాలు దాటి సినిమా సైడ్ A, సైడ్ B అంటూ రెండు భాగాలుగా రిలీజ్ చేస్తున్నారు. సైడ్ A ఆల్రెడీ సెప్టెంబర్ 1న రిలీజ్ చేశారు. ఇక ఇప్పుడు సైడ్ Bని ఈ నెల 17న రిలీజ్ చేస్తున్నారు. కన్నడతో పాటుగా తెలుగు వెర్షన్ కూడా ఒకేసారి అందుబాటులోకి వస్తుంది. సైడ్ A సినిమాను హడావిడిగా తెలుగులో రిలీజ్ చేశారు. కానీ సైడ్ Bని ముందే అనుకుని మంచి ప్రమోషన్స్ చేస్తూ వదులుతున్నారు.

సప్త సాగరాలు దాటి సైడ్ A థియేటర్ లో మిస్సైన వారు ఓటీటీ లో చూస్తున్నారు. సినిమా ఒక మంచి ప్రేమ కావ్యం గా తెరకెక్కించాడు దర్శకుడు హేమంత్ ఎం రావు. సైడ్ A తెలుగులో అంత గొప్ప రెస్పాన్స్ తెచ్చుకోకపోయినా సైడ్ B కచ్చితంగా ఆడియన్స్ ని అలరిస్తుందని నమ్ముతున్నారు. అందుకే సైడ్ B కోసం భారీ ప్రమోషన్స్ చేస్తున్నారు.

సప్త సాగరాలు దాటి సైడ్ A లో కేవలం లవ్ స్టోరీని చూపించిన దర్శకుడు సైడ్ B లో రివెంజ్ స్టోరీని కూడా చూపించబోతున్నాడని తెలుస్తుంది. సైడ్ A లో రుక్మిని వసంత్ హీరోయిన్ గా నటించగా సైడ్ B లో చైత్ర హీరోయిన్ గా నటిస్తుంది. కమర్షియల్ లెక్కలు ఎలా ఉన్నా సప్త సాగరాలు దాటి సైడ్ A కొంతమందికి నచ్చింది. అయితే సైడ్ B, సైడ్ A లా కాకుండా ఎక్కువమంది ప్రేక్షకులను అలరిస్తుందా లేదా అన్నది చూడాలి. ఈ సినిమాను తెలుగులో పీపుల్ మీడియా ఫ్యాక్టరీ రిలీజ్ చేస్తున్నారు. నవంబర్ 17న అజయ్ భూపతి మంగళవారం, విక్రాంత్ స్పార్క్ సినిమాలు రిలీజ్ అవుతున్నాయి. ఆ సినిమాల మధ్య రక్షిత్ సప్త సాగరాలు దాటి మలి భాగం నెగ్గుకు రాగలదా అన్నది చూడాలి.