రొటీన్ ప్రేమ కథ అయినా సరే యూత్ ఆడియన్స్ ని టచ్ చేసేలా కథనం, డైలాగ్స్ ఉంటే చాలు ఆ సినిమా హిట్ అయినట్టే లెక్క. లేటెస్ట్ గా వచ్చిన బేబి సినిమా ఆ ఫార్ములాతోనే బ్లాక్ బస్టర్ హిట్ కొట్టింది. సాయి రాజేష్ డైరెక్షన్ లో వచ్చిన బేబి సినిమా ఇదివరకు చూడని కథ ఏమి కాదు కానీ పాత్రలు.. వాటి స్వభావాలు.. మాటలు ఇవన్నీ ప్రేక్షకుడిని ఒక సినిమా చూస్తున్నాం అన్న భావనలో కాకుండా తమ జీవితాల్లో సందబ్ర్హాలతో రిలేట్ అయ్యేలా చేసుకున్నారు. అందుకే ఆ సినిమాకు అన్ని వసూళ్లు వస్తున్నాయి. ఏ సినిమా అయినా సరే యూత్ ఆడియన్స్ కు నచ్చితే దాని రేంజ్ మారిపోతుంది.
బేబి సినిమా విజయం మళ్లీ పరిశ్రమకు మంచి ఉత్సాహాన్ని ఇచ్చింది. లిమిటెడ్ బడ్జెట్ తో.. యంగ్ టీం తో చేసిన ఈ సినిమా మంచి వసూళ్లతో దూసుకెళ్తుంది. ఈ సినిమా చూసిన దిల్ రాజు తను చేస్తున్న సెల్ఫిష్ సినిమా మీద స్పెషల్ ఫోకస్ పెట్టాడు.
దిల్ రాజు ఇంటి హీరో ఆశిష్ హీరోగా వస్తున్న సెల్ఫిష్ సినిమాను విశాల్ కాశి డైరెక్ట్ చేస్తున్నారు. ఈ సినిమాలో లవ్ టుడే హీరోయిన్ ఇవానా నటిస్తుంది. సాంగ్స్ తో సెల్ఫిష్ మీద బజ్ పెంచే ప్రయత్నం చేస్తున్నారు.
బేబి హిట్ చూసిన దిల్ రాజు సెల్ఫిష్ సినిమాను కూడా యూత్ ఆడియన్స్ కు రీచ్ అయ్యేలా ప్లాన్ చేస్తున్నారట. ఈ సినిమాలో ఆశిష్ ఇవానా ల మధ్య రొమాంటిక్ సీన్ ఒకటి ఉంటుందట. ఆల్రెడీ అశిష్ తన మొదటి సినిమా రౌడీ బోయ్స్ లోనే అనుపమతో లిప్ లాక్ కానిచ్చేశాడు. ఇక ఇప్పుడు సెల్ఫిష్ సినిమాలో కూడా ఇవానా తో అదర చుంబనం ఉంటుందని తెలుస్తుంది. సెల్ఫిష్ సినిమాకు మరో రిఫరెన్స్ దిల్ రాజు నిర్మించిన ఆర్య అని తెలుస్తుంది.
అల్లు అర్జున్ రెండో సినిమా ఆర్య కాగా ఆ సినిమాలో ఫీల్ మై లవ్ అంటూ తన క్యారెక్టరైజేషన్ తోనే సినిమా హిట్ కొట్టాడు బన్నీ. ఇప్పుడు సెల్ఫిష్ సినిమాలో కూడా ఆశిష్ పాత్ర చాలా టిపికల్ గా ఉంటుందట.
ఈ సినిమా తర్వాత ఆశిష్ గురించి అందరు మాట్లాడుకుంటారని చెబుతున్నారు. దిల్ రాజు ప్లాన్ చేస్తున్నాడు అంటే దానికంటూ ఒక లెక్క ఉంటుంది. మరి ఈ సెల్ఫిష్ కథా కహాని ఏంటన్నది థియేటర్ లోకి వస్తే తెలుస్తుంది.