మినీ పోటీలో మెగా రీ రిలీజ్

మెగాస్టార్ చిరంజీవి కెరియర్ లో బిగ్గెస్ట్ హిట్ గా నిలిచిన చిత్రాలలో శంకర్ దాదా ఎంబీబీఎస్ ఒకటి. ఈ మూవీ అవుట్ అండ్ అవుట్ ఎంటర్టైనర్ గా ప్రేక్షకుల ముందుకి వచ్చి హిట్ టాక్ ని దక్కించుకుంది. హిందీలో మున్నాభాయ్ ఎంబీబీఎస్ రీమేక్ గా ఈ చిత్రం తెరకెక్కింది. దాదాగిరి చేసే శంకర్ పాత్రలో మెగాస్టార్ చిరంజీవి ఆద్యంతం సినిమాలో నవ్వించారు. అందుకే ఇప్పటికి శంకర్ దాదా మూవీ వచ్చినపుడు అందరూ ఆశ్వాదిస్తూ ఉంటారు.

గత కొంతకాలం నుంచి టాలీవుడ్ లో రీరిలీజ్ ట్రెండ్ నడుస్తోంది. ఇందులో భాగంగా స్టార్ హీరోలకి సంబంధించి పాత సూపర్ హిట్ సినిమాలు, ఫ్లాప్ మూవీస్ కూడా ప్రేక్షకుల ముందుకి వచ్చాయి. వీటిలో హైయెస్ట్ కలెక్షన్స్ ఖుషి చిత్రానికి రావడం విశేషం. తరువాత రెండో స్థానంలో సింహాద్రి ఉంది. చాలా మూవీస్ రీరిలీజ్ చేస్తోన్న అందులో కొన్ని మాత్రమే ప్రేక్షకాదరణ సొంతం చేసుకుంటున్నాయి.

రామ్ చరణ్ డిజాస్టర్ మూవీ ఆరెంజ్ కి మంచి కలెక్షన్స్ వచ్చాయి. రీసెంట్ గా 7/G బృందావన కాలనీ మూవీకి మంచి వసూళ్లు రావడం విశేషం. ఇప్పుడు మెగాస్టార్ చిరంజీవి వంతు వచ్చింది. ఆయన కెరియర్ లో సూపర్ హిట్ మూవీ అయిన శంకర్ దాదా ఎంబీబీఎస్ చిత్రాన్ని నవంబర్ 4న థియేటర్స్ లో రీరిలీజ్ చేయబోతున్నారు.

జయంత్ సి పరాన్జీ దర్శకత్వంలో వచ్చి సూపర్ హిట్ అయిన ఈ మూవీని మరోసారి బిగ్ స్క్రీన్ పై మెగా అభిమానుల కోసం అందించబోతున్నారు. ఆ డేట్ లో తరుణ్ భాస్కర్ కీడాకోలా మూవీ రిలీజ్ అవుతోంది. యూత్ ఫుల్ ఎంటర్టైనర్ గా ఈ చిత్రాన్ని ప్రేక్షకుల ముందుకి తెస్తున్నారు. దాంతో పాటు మా ఊరి పొలిమేర 2 కూడా రిలీజ్ కాబోతోంది. బన్నీ వాస్ సహకారంతో థియేటర్స్ లోకి వస్తోంది.

ఈ రెండు చిన్న సినిమాలు తప్ప ఆ డేట్ లో ఇక చెప్పుకోదగ్గ మూవీస్ అయితే లేవు. దీంతో శంకర్ దాదా ఎంబీబీఎస్ మూవీస్ మంచి వసూళ్లు ఎలా ఉంటాయో చూడాలి. అయితే ఈ మధ్యకాలంలో రీరిలీజ్ పై ఆడియన్స్ ఆసక్తి కూడా క్రమంగా తగ్గుతోన్న నేపథ్యంలో ఆ ప్రభావం ఈ చిత్రంపైన ఉంటుందేమో అనే డౌట్ కూడా ఉంది.