చరణ్ ను శంకర్ ఆకాశానికెత్తేశారుగా!

టాలీవుడ్ స్టార్ హీరో రామ్ చరణ్ పుట్టినరోజు సందర్భంగా సోషల్ మీడియాలో విషెస్ వెల్లువెత్తుతున్నాయి. చరణ్ కు టాలీవుడ్ తో పాటు ఇతర ఇండస్ట్రీకి చెందిన ప్రముఖులు కూడా బర్త్ డే విషెస్ చెబుతున్నారు. ఫ్యాన్స్ అయితే ఓ రేంజ్ లో రచ్చ చేస్తున్నారు. ఇప్పటికే ఫ్యాన్స్ అంతా.. గేమ్ ఛేంజర్ లోని జరగండి పాటను ఎంజాయ్ చేస్తున్నారు. కొందరు సాంగ్ బాగుందంటుంటే.. ఇంకొందరు శంకర్ రేంజ్ పాట కాదని అంటున్నారు.

ఇక బర్త్ డే సందర్భంగా చరణ్.. తిరుమల శ్రీ వెంకటేశ్వర స్వామిని బుధవారం ఉదయం దర్శించుకున్నారు. సతీమణి ఉపాసన, కుమార్తె క్లీంకారతో వెంకన్న వద్దకు వెళ్లి ఆశీర్వాదం తీసుకున్నారు చరణ్. ఇక ఆయనకు మెగా ఫ్యామిలీ మెంబర్స్ లో చిరంజీవి, పవన్ కల్యాణ్, అల్లు అర్జున్ తో పాటు చాలా మంది విష్ చేశారు. రామ్ చరణ్ అప్ కమింగ్ మూవీ RC 16 యూనిట్ కూడా గ్రాండ్ గా విషెస్ చెప్పింది. స్పెషల్ పోస్టర్ ను కూడా రిలీజ్ చేసింది.

ప్రస్తుతం రామ్ చరణ్ గేమ్ ఛేంజర్ మూవీ చేస్తున్న విషయం తెలిసిందే. ఈ సినిమా దర్శకుడు శంకర్ బర్త్ డే విషెస్ చెబుతూ జరగండి సాంగ్ ను సోషల్ మీడియాలో షేర్ చేశారు. తన మాటలతో చరణ్ ను ఆకాశానికెత్తేశారు. "మన గేమ్ ఛేంజర్ చరణ్‌ కు హ్యాపీ బర్త్ డే.. తుఫాను వచ్చే ముందు ఉండే నిశ్శబ్దం లాంటి వాడు చరణ్.. నీకున్న ఈ సింప్లిసిటీ, మానవత్వం ఎప్పటికీ ఇలాగే ఉండాలని కోరుకుంటున్నాను" అంటూ శంకర్ ట్వీట్ చేశారు.

శంకర్ ట్వీట్ ను బట్టి చూస్తే రామ్ చరణ్.. ఆయనను బాగా ఆకట్టుకున్నట్లు అర్థమవుతోంది. ఈ సినిమా ద్వారా ఇద్దరి మంచి బాండింగ్ ఏర్పడినట్లు కూడా తెలుస్తోంది. శంకర్ ట్వీట్ కు చరణ్ ఫ్యాన్స్ రిప్లైస్ మామూలుగా లేవు. యాక్టర్స్ విషయంలో ఎంతో పెర్ఫెక్ట్ గా ఉండే మిమ్మల్ని చరణ్ మెప్పించారంటే మామూలు విషయం కాదని అంటున్నారు. ఇంతకుముందు ఆర్ఆర్ఆర్ సినిమా విషయంలో రాజమౌళి చేసిన వ్యాఖ్యలను గుర్తుచేసుకుంటున్నారు.

బ్లాక్ బస్టర్ హిట్ మూవీ ఆర్ఆర్ఆర్ ప్రీ రిలీజ్ ఫంక్షన్ లో రాజమౌళి.. రామ్ చరణ్ పై ప్రశంసలు కురిపించారు. సెట్స్ లో ఎంతో సైలెంట్ గా కనిపించే చరణ్.. కెమెరా ఆన్ అయితే చాలు ఇక వేరే లెవల్ అంటూ ప్రశంసించారు జక్కన్న. ఇప్పుడు ఈ విషయాన్ని చరణ్ ఫ్యాన్స్ అంతా గుర్తు చేసుకుంటూ సంబరపడిపోతున్నారు. చరణ్ అన్నా మజాకా అంటూ కామెంట్లు పెడుతున్నారు. ఇక చరణ్.. తన కొత్త చిత్రాలతో ఎలా ఆకట్టుకుంటారో చూడాలి.