శ‌ర్మా గాళ్ స్ట‌న్నింగ్ లుక్ వైర‌ల్

చిరుత బ్యూటీ నేహాశ‌ర్మ అదృశ్యం చాలా కాలం పాటు టాలీవుడ్‌లో చ‌ర్చ‌నీయాంశ‌మైంది. మొద‌టి సినిమా చిరుత రిలీజ‌య్యాక నేహా మ‌ళ్లీ ఇక్క‌డ క‌నిపించ‌లేదు. అయితే ఈ బ్యూటీ కేవ‌లం హిందీ చిత్ర‌సీమ‌కు ప‌రిమిత‌మై తెలుగులో మ‌ళ్లీ న‌టించ‌లేదు. దానికి కార‌ణాల‌పైనా ఆరాలు కొన‌సాగాయి. అయితే నేహాకు అవ‌కాశాలొచ్చినా న‌టించ‌లేద‌ని గ‌తంలో ఓ ఇంట‌ర్వ్యూలో చిరుత ద‌ర్శ‌కుడు పూరి జ‌గ‌న్నాథ్ క్లారిటీనిచ్చారు. అదంతా అటుంచితే నేహాశ‌ర్మ బాలీవుడ్ కెరీర్ కూడా అంతంత మాత్ర‌మే.

అదే క్ర‌మంలో ఈ బ్యూటీ రాజ‌కీయాల్లోకి వ‌స్తోంది! అంటూ ప్ర‌చార‌మైంది. త‌న తండ్రి గారు బీహార్‌లో ఒక ప్ర‌ముఖ కాంగ్రెస్ నాయ‌కుడు. నేహా శ‌ర్మ తండ్రి అజిత్ శర్మ బీహార్‌లోని భాగల్‌పూర్ నుండి కాంగ్రెస్ ఎమ్మెల్యేగా ఉన్నారు. ఇటీవలి ఇంటర్వ్యూలో నేహా లోక్‌సభ ఎన్నికల్లో పోటీ చేయాలనే కోరికను వ్యక్తం చేశాడు. కానీ నేహా శ‌ర్మ పార్టీ ప్ర‌చారానికే ప‌రిమిత‌మైంది.

కెరీర్ మ్యాట‌ర్ కి వ‌స్తే నేహాశ‌ర్మ త‌న సోద‌రి ఐషా శ‌ర్మ‌తో క‌లిసి టాప్ బ్రాండ్స్ కి ప్ర‌మోట‌ర్ గా కొన‌సాగుతోంది. తాజాగా ముంబై శాంటా క్ర‌జ్ ఏరియాలో ఒక స్టోర్ లాంచ్ లో త‌న సోద‌రి ఐషాతో క‌లిసి నేహా పాల్గొంది. అందుకు సంబంధించిన ఫోటోషూట్ ఇప్పుడు ఇంట‌ర్నెట్ లో వైర‌ల్ గా మారింది. బాలీవుడ్ కి చెందిన ప‌లువురు న‌టీమ‌ణులు ఈ లాంచింగ్ కార్య‌క్ర‌మంలో పాల్గొన‌గా శ‌ర్మా సిస్ట‌ర్స్ డామినేష‌న్ అక్క‌డ స్ప‌ష్ఠంగా క‌నిపించింది. నేహా- ఐషా సిస్ట‌ర్స్ టూ హాట్ లుక్ తో గుబులు పెంచారు. నేహా బ్లాక్ ఇన్న‌ర్ టాప్ ని ధ‌రించ‌గా, ఐషా బ్లూ థై స్లిట్ ఫ్రాక్ లో గుబులు రేపింది. ప్ర‌స్తుతం ఈ ఫోటోగ్రాఫ్ ఇంట‌ర్నెట్ లో వైర‌ల్ గా మారుతోంది.

ల‌ఘు చిత్రంలో అద‌ర‌గొట్టిన‌ నేహా:

మ‌రోవైపు నేహా శ‌ర్మ న‌టించిన పాత‌ ల‌ఘుచిత్రం - కృతి ఇప్పుడు వెబ్ లో మ‌రోసారి వైర‌ల్ గా మారింది. `కృతి` ల‌ఘు చిత్రంలో మనోజ్ బాజ్‌పేయి, రాధికా ఆప్టే లాంటి సీనియ‌ర్ల‌తో క‌లిసి నేహా శర్మ నటించింది. 19 నిమిషాల థ్రిల్లర్ ఆద్యంతం ర‌క్తి క‌ట్టిస్తోంది. దర్శకుడు కుందర్ తెలివిగా తన ఆలోచనలను మిక్స్ చేసి స్పష్టమైన కథను నేరేట్ చేశాడు. ఇది హారర్ థ్రిల్ల‌ర్.. బలమైన పాత్రలతో అంద‌రినీ ఆక‌ట్టుకుంది.

మనోజ్ బాజ్‌పేయి మానసిక సమస్యను ఎదుర్కొనే వ్యక్తిగా అత్యుత్తమ ప్రదర్శన ఇచ్చాడు. రాధికా ఆప్టే అతడికి చికిత్స చేసే మనోరోగ వైద్యురాలిగా స్నేహితురాలు కల్పనగా న‌టించింది. అదంతా అతని ఊహ అని సైక్రియాటిస్ట్ ఆప్టే నమ్ముతుంది. నేహా సపాన్ కి గర్ల్‌ఫ్రెండ్ కృతి పాత్రను పోషించింది... అస‌లు కుట్రను సజీవంగా ఉంచే మిస్ట‌రీ గాళ్ గా క‌నిపిస్తుంది. మనోజ్ బాజ్‌పేయి, రాధికా ఆప్టే అనుకున్నట్లుగానే తమ పాత్రల్లో బాగా నటించారు. ముఖ్యంగా మిస్టీరియస్ సైకియాట్రిస్ట్‌గా ఆప్టే బాగా న‌టించింది. నేహా శర్మ కృతి పాత్ర‌లో అద్భుతంగా నటించింది. ఈ ల‌ఘు చిత్రం యూట్యూబ్‌లో అందుబాటులో ఉంది.