పుష్ప-2.. క్రియేటివ్ అగరబత్తి చూశారా?

టాలీవుడ్ ఐకాన్ స్టార్ అల్లు అర్జున్, లెక్కల మాస్టర్ సుకుమార్ కాంబోలో తెరకెక్కుతున్న పుష్ప-2 కోసం బన్నీ ఫ్యాన్స్ తో పాటు సినీ ప్రియులు వేయి కళ్లతో ఎదురు చూస్తున్న విషయం తెలిసిందే. ఫస్ట్ పార్ట్ బ్లాక్ బస్టర్ హిట్ అవ్వడంతో సీక్వెల్ పై అంతా భారీ అంచనాలు పెట్టుకున్నారు. పుష్పకు మించిన హిట్ అవుతుందని ఫిక్స్ అయిపోయారు.

డిసెంబర్ 5వ తేదీన రిలీజ్ కానున్న పుష్ప-2 నుంచి ఇప్పటికే మేకర్స్ రిలీజ్ చేసిన సాంగ్స్, టీజర్, గ్లింప్స్.. ఆడియన్స్ నుంచి మంచి రెస్పాన్స్ అందుకున్నాయి. సినిమాపై పాజిటివ్ బజ్ క్రియేట్ చేశాయి. ఇప్పుడు అంతా ట్రైలర్ కోసం వెయిట్ చేస్తున్నారు. రీసెంట్ గా మేకర్స్.. ట్రైలర్ రిలీజ్ డేట్ ను అనౌన్స్ చేశారు. నవంబర్ 17న విడుదల చేస్తామని తెలిపారు.

అయితే రీసెంట్ గా మేకర్స్.. పుష్ప-2 ది బిగ్గెస్ట్ కొలబరేటింగ్ మూవీ అంటూ ట్వీట్ చేసిన విషయం తెలిసిందే. దేశంలోని అనేక ప్రముఖ వ్యాపార సంస్థలు సహకారం అందిస్తున్నట్లు తెలిపారు. బ్రాండ్ల పేర్లను కూడా రివీల్ చేశారు. ఈ నేపథ్యంలో మంగళ్ దీప్ అగరబత్తి కంపెనీ.. అల్లు అర్జున్ పుష్ప గెటప్ పిక్ తో కొత్త అగరబత్తి ప్యాకెట్ ను విడుదల చేసింది.

దానిపై లిమిటెడ్ ఎడిషన్ రాసుకొచ్చింది మంగళ్ దీప్ కంపెనీ. దీనికి సంబంధించి నెల రోజుల క్రితం యాడ్ ను విడుదల చేసింది. ఇప్పుడు పుష్ప-2 సినిమాకు డివోషనల్ పార్ట్నర్ అని చెప్పింది. పుష్ప-2 టైటిల్, పుష్ప రాజ్ పిక్ తో అగరబత్తి ప్యాకెట్స్ ను రిలీజ్ చేసింది. ఆ పిక్చర్ ను అల్లు అర్జున్ సతీమణి స్నేహ రెడ్డి తాజాగా షేర్ చేశారు.

పుష్ప-2 లిమిటెడ్ ఎడిషన్ అగరబత్తి ప్యాకెట్ ఫోటోను ఇన్ స్టాగ్రామ్ స్టోరీలో పోస్ట్ చేశారు. దీంతో స్నేహ పోస్ట్ ఇప్పుడు సోషల్ మీడియాలో వైరల్ గా మారింది. అల్లు అర్జున్ అభిమానులు.. మంగళ్ దీప్ పుష్ప-2 లిమిటెడ్ ఎడిషన్ పిక్ ను షేర్ చేస్తున్నారు. నెట్టింట ఫుల్ ట్రెండ్ చేస్తున్నారు. కొందరు పుష్ప 2 క్రేజ్ తో మంగళ్ దీప్ అగరబత్తి సేల్స్ పెరుగుతాయని అంటున్నారు.

ఇక సినిమా విషయానికొస్తే.. సుకుమార్ దర్శకత్వం వహిస్తున్న పుష్ప సీక్వెల్ ను మైత్రీ మూవీ మేకర్స్ బ్యానర్ పై రవిశంకర్, నవీన్ గ్రాండ్ గా నిర్మిస్తున్నారు. సీక్వెల్ లో కూడా నేషనల్ క్రష్ రష్మిక హీరోయిన్ గా నటిస్తున్నారు. స్పెషల్ సాంగ్ లో శ్రీలీల కనిపించనున్నారు. సునీల్, అనసూయ, ఫహాద్ ఫాజిల్ తదితరులు ముఖ్య పాత్రలు పోషిస్తున్నారు. మరి పుష్ప సీక్వెల్ ఎలాంటి విజయం సాధిస్తుందో వేచి చూడాలి.