వీడియో : హీరోయిన్‌తో భర్త మోటు సరసం

బాలీవుడ్‌ స్టార్‌ హీరోయిన్‌ సోనాక్షి సిన్హా గురించి ప్రత్యేక పరిచయం అక్కర్లేదు. ప్రముఖ నటుడు శత్రుఘ్న సిన్హా కూతురు అయిన సోనాక్షి బాలీవుడ్‌ లో అడుగు పెట్టిన కొన్నాళ్లకే హీరోయిన్‌గా మంచి గుర్తింపు దక్కించుకుంది. బాలీవుడ్‌లో దాదాపు అందరు స్టార్‌ హీరోలతో స్క్రీన్‌ షేర్‌ చేసుకున్న సోనాక్షి సిన్హా ఎక్కువ శాతం స్టార్‌ ఫిల్మ్‌ మేకర్స్‌ దర్శకత్వంలో నటించింది. లేడీ ఓరియంటెడ్‌ సినిమాలతోనూ మెప్పించిన ఈ అమ్మడు ఈ ఏడాది నటుడు జహీర్‌ ఇక్బాల్‌ ని వివాహం చేసుకుంది. పెళ్లికి సంబంధించిన ఫోటోలు ఏ స్థాయిలో వైరల్‌ అయ్యాయో ప్రత్యేకంగా చెప్పనక్కర్లేదు. సోషల్‌ మీడియాలో వీరి ఫోటోలు ఇంకా ట్రెండ్‌ అవుతూనే ఉన్నాయి.

ఉత్తరాదిన మంచి ఫాలోయింగ్‌ ఉన్న వీరిద్దరు వివాహం చేసుకోవడంతో నెట్టింట అందరి దృష్టిని ఆకర్షించారు. పెళ్లి తర్వాత కూడా వీరిద్దరు కలిసి ట్రిప్స్‌ కు వెళ్తూ, ఏదైనా ప్రత్యేక సందర్భాల్లో తీసుకున్న ఫోటోలు వీడియోలు షేర్‌ చేయడం ద్వారా వార్తల్లో నిలుస్తున్నారు. తాజాగా మరోసారి వీరిద్దరు కలిసి ఉన్న ఒక వీడియో సోషల్‌ మీడియాలో వైరల్‌ అవుతోంది. ఇద్దరూ సరదాగా టెన్నీస్ కోర్టులో ఆడుతున్న సందర్భంగా జహీర్‌ ఇక్బాల్‌ చేసిన పనికి సోనాక్షి సిన్హా షాక్‌ అయింది. కెమెరాలో రికార్డ్‌ అయిన ఆ వీడియో నెట్టింట అందరి దృష్టిని ఆకర్షిస్తోంది.

అటుగా చూడమని చెప్పిన జహీర్‌ ఇక్బాల్‌ బాల్‌ తో సోనాక్షి సిన్హా వెనుక వైపు కొట్టాడు. ఆ సరదా మూమెంట్‌ లో సోనాక్షి కోపం వచ్చినట్లుగా జహీర్‌ పై కొట్టేందుకు అన్నట్లుగా బ్యాట్‌ ఎత్తింది. మొత్తానికి ఇద్దరి మోటు సరసం బాగానే ఉంది అంటూ నెటిజన్స్ కామెంట్స్ చేస్తున్నారు. సుకుమారి అయిన సోనాక్షి ని అంతగా కొట్టడం ఏంటి అంటూ ఆమె ఫ్యాన్స్ కొందరు సరదాగా కామెంట్స్ చేస్తే, మీ జోడీ భలే ఉంది, ఎప్పుడూ మీరు ఇలాగే సంతోషంగా ఉండాలంటూ శుభాకాంక్షలు తెలియజేస్తున్న వారు చాలా మంది ఉన్నారు. మొత్తంగా వీడియోను వైరల్‌ చేస్తున్నారు.

సోనాక్షి సిన్హా బాలీవుడ్‌లో దబాంగ్‌ సినిమాతో 2010లో అడుగు పెట్టింది. మొదటి సినిమానే బాలీవుడ్‌ స్టార్‌ హీరో సల్మాన్‌ ఖాన్‌తో చేయడం ద్వారా ఒక్కసారిగా అందరి దృష్టిని ఆకర్షించింది. ఇతర హీరోయిన్స్‌తో పోల్చితే ఫిజిక్ విషయంలో కాస్త ఎక్కువ అనే విమర్శలు కెరీర్‌ ఆరంభంలో ఎదుర్కొన్న సోనాక్షి సిన్హా ఆ తర్వాత విమర్శించిన వారితోనే ప్రశంసలు దక్కించుకుంది. తమిళ్‌ లో తండ్రి వయసు ఉన్న రజనీకాంత్‌ కి జోడీగా లింగా సినిమాలో నటించి మెప్పించింది. సౌత్‌ లో ఎక్కువ సినిమా ఆఫర్లు వచ్చినా బాలీవుడ్‌ కే ఈ అమ్మడు పరిమితం అయింది.