'జాన్ విక్' ద‌ర్శ‌కుడితో ఆఫ‌ర్ ప‌ట్టేసిన బ్యూటీ!

సౌంద‌ర్య శ‌ర్మ ప‌రిచ‌యం అవ‌స‌రం లేదు. బ్లాక్ బ‌స్ట‌ర్ సిరీస్ 'ర‌క్తాంచ‌ల్' తో పాపుల‌రైంది ఈ ముంబై బ్యూటీ. 2017లో రాంచీ డైరీస్ స్టేజీ డ్రామాతో ఈ భామ ఉత్త‌మ డెబ్యూ న‌టిగా పుర‌స్కారం కూడా అందుకుంది. డాక్ట‌ర్ల కుటుంబం నుంచి వ‌చ్చిన ఈ డెంటిస్ట్ కం యాక్ట‌ర్ ఓటీటీ సిరీస్‌ల‌తో మంచి పేరు తెచ్చుకుంది. ముఖ్యంగా ర‌క్తాంచ‌ల్ పార్ట్ 1, 2 లో త‌న‌ న‌ట‌న‌కు యూత్ ఫిదా అయిపోయారు.

సౌంద‌ర్య ఫ్యాష‌నేటెడ్ యాక్ట్రెస్ అంటూ అంతా కితాబిచ్చేశారు. ఈ భామ న‌టిగానే కాదు.. ఫ్యాష‌నిస్టాగా స్టైల్ ఐకన్ గాను యువ‌త‌రం గుండెల్లో క‌నెక్ట‌యిపోయింది. వ‌రుస‌గా బోల్డ్ ఫోటోషూట్ల‌తో మ‌తులు చెడ‌గొట్టే ఈ బ్యూటీ .. బాలీవుడ్ లో బిజీ ఆర్టిస్టుగా మార‌డానికి కేవ‌లం ఐదేళ్ల లోపే ప‌ట్టింది. తాజాగా సౌంద‌ర్య షేర్ చేసిన స్పెష‌ల్ ఫోటోగ్రాఫ్ చ‌ర్చ‌గా మారింది. హాలీవుడ్ బ్లాక్ బ‌స్ట‌ర్ 'జాన్ విక్' సిరీస్ ద‌ర్శ‌కుడితో సౌంద‌ర్య శ‌ర్మ ఫోటో దిగింది. ఈ ఫోటోని సోష‌ల్ మీడియాల్లో షేర్ చేసి.. దానికి స‌రిప‌డే క్యాప్ష‌న్ ని కూడా ఇచ్చింది.

''చివరగా నేను వీటిని పోస్ట్ చేస్తాను !!!.. వారు చెప్పినట్లు, డ్రీమ్ ఆన్ డ్రీమ్స్ నిజమవుతాయి..మానిఫెస్టేషన్లు పని చేస్తాయి.. ఇక్కడ ఒక్కరు మాత్రమే, గొప్ప నిర్మాత & దర్శకుడు #జాన్‌విక్ సిరీస్ #chadstahelski ''అని రాసింది శ‌ర్మా గాళ్. అలాగే అమెరికా లాస్ ఏంజిల్స్‌కి తిరిగి వెళ్ల‌డానికి వేచి ఉండలేను.. జనవరిలో ఎగ్జ‌యిట్ చేసే షూటింగ్ ఉంది! అని సౌంద‌ర్య చెప్పుకొచ్చింది. దేవుడు దయగలవాడు! హాలీవుడ్ కాలింగ్ అంటూ అభిమానులు త‌మ అనుభూతిని షేర్ చేస్తున్నారు. ప్ర‌స్తుతం బాలీవుడ్ లో హౌస్ ఫుల్ 5లో సౌంద‌ర్య శ‌ర్మ న‌టిస్తోంది. అక్ష‌య్ కుమార్ స‌హా ప‌లువురు దిగ్గ‌జ న‌టులు ఈ చిత్రంలో న‌టిస్తున్న సంగ‌తి తెలిసిందే.