శ్రీలీల రిలీయ్ ట్యాలెంట్ చూపిస్తుందా?
`పెళ్లి సంద‌డి` చిత్రంతో హీరోయిన్ గా ఎంట్రీ ఇచ్చిన శ్రీలీల ఇప్పుడెంత ఫేమ‌స్ అయిందో చెప్పాల్సిన ప‌నిలేదు.
`పెళ్లి సంద‌డి` చిత్రంతో హీరోయిన్ గా ఎంట్రీ ఇచ్చిన శ్రీలీల ఇప్పుడెంత ఫేమ‌స్ అయిందో చెప్పాల్సిన ప‌నిలేదు. తొలి సినిమాతోనే తానో మంచి డాన్స‌ర్ అని ప్రూవ్ చేసుకుంది. సినిమా ఫ‌లితం తో సంబంధం లేకుండా ప్రేక్ష‌కుల‌కు రీచ్ అయింది. అదే సినిమాతో శ్రీకాంత్ త‌న‌యుడు రోష‌న్ హీరోగా ప‌రిచ‌మ‌య్యాడు. అత‌డికి అవ‌కాశాలు రాలేదుగానీ.. .శ్రీలీల మాత్రం స్టార్ హీరోల‌తో సినిమాలు చేస్తుంది.
మేక‌ర్స్ అంతా త‌న‌లో దాగిన డాన్సింగ్ స్కిల్స్ నే వినియోగించుకున్నారు. అయితే ఓ తెలుగు న‌టి అంత‌వ‌ర‌కూ వెళ్ల‌డం అన్న‌ది గొప్ప విష‌య‌మే. ఎందుకంటే సాధార‌ణంగా తెలుగు హీరోయిన్ల‌కు అవ‌కాశాలివ్వ‌రు. ఎంత ట్యాలెంట్ ఉన్నా? తెలుగు అమ్మాయిల‌కు ఛాన్స్ ఇవ్వాలంటే ఎందుక‌నో మేక‌ర్స్ ఆలోచిస్తారు. వాట‌న్నింటి దాటుకుని శ్రీలీల స‌క్సెస్ అయింది. అంత‌కు ముందు అంజ‌లి కూడా అలా స‌క్సెస్ అయింది. కానీ ఆమె కంటే బెట‌ర్ పొజిష‌న్ లో శ్రీలీల కొన‌సాగుతుంది.
అయితే ఇంత‌వ‌ర‌కూ శ్రీలీల‌కు న‌ట‌న‌కు ఆస్కారం ఉన్న పాత్ర‌లు రాలేదు. ఈ నేప‌థ్యంలో `రాబిన్ హుడ్` సినిమాతో ఆ కోరిక తీరిపోతుంద‌ని శ్రీలీల ధీమా వ్య‌క్తం చేసింది. ఇందులో యూత్ స్టార్ నితిన్ కి జోడీగా న‌టించిన సంగ‌తి తెలిసిందే. వెంకీ కుడుముల ద‌ర్శ‌క‌త్వం వ‌హిస్తోన్న చిత్ర‌మిది. తాజాగా ఈ సినిమా ప్ర‌చారంలో భాగంగా శ్రీలీల త‌న‌లో దాగిన అస‌లైన న‌టిని బ‌య‌టకు తీసానంటోంది. `నన్ను ఇంత‌వ‌ర‌కూ క‌మ‌ర్శియ‌ల్ హీరోయిన్ గానే చూసారు. మంచి డాన్సులు చేస్తుంది.
ఆ త‌ర‌హా పాత్ర‌ల‌కు తీసుకున్నారు. దీంతో న‌ట‌న‌కు ఆస్కారం ఉన్న పాత్ర‌ల‌కు దూర‌మ‌య్యాను. కానీ రాబిన్ హుడ్ మాత్రం మంచి న‌టిగా పేరు తెచ్చే సినిమా అవుతుంది. ఈ సినిమా త‌ర్వాత నా న‌ట‌న గురించి ప్ర‌త్యేకంగా మాట్లాడుకుంటారు. ఆ గ్యారెంటీ మీకు వంద శాతం ఇస్తున్నాను` అంది. శ్రీలీల మాట‌ల్లో చాలా న‌మ్మ‌కం క‌నిపించింది. స్వ‌చ్ఛ‌మైన తెలుగు అమ్మాయి నిఖార్స‌యిన న‌ట‌న చూపిస్తే అది వేరే లెవ‌ల్లోనే ఉంటుంది. అందులో ఎలాంటి డౌట్ లేదు.