మహేష్ యాటిట్యూడ్ తోనే మేన‌ల్లుడు!

సూపర్ స్టార్ మహేష్ బాబు స్టైల్ ..స్వాగ్ గురించి చెప్పాల్సిన ప‌నిలేదు. ఆన్ సెట్స్ కి..ఆఫ్ ది సెట్ కి చాలా వ్య‌త్యాసం ఉంటుంది. ఆఫ్ ది స్క్రీన్ లోనూ ఆయ‌న‌కంటూ ఓ ప్ర‌త్యేక‌మైన స్టైల్..యాటిట్యూడ్ ఉంటుంది. అది మిగ‌తా హీరోల‌కంటే చాలా భిన్నంగా ఉంటుంది. అందుకే ఆయ‌న స్టైల్ ని..యాటిట్యూడ్ ని ప‌ట్టుకోవ‌డం క‌ష్ట‌మైన ప‌ని. చాలా మంది మ‌హేష్ ని ఇమిటేట్ చేయ‌డం కూడా క‌ష్టం అంటారు.

ఈ విష‌యాన్ని ఓ సంద‌ర్భంలో మహేష్ కూడా స్వ‌యంగా అన్నారు. త‌నని మాత్రం ఎవ‌రూ అనుక‌రించ లేర‌ని.. అది సాధ్య‌మ‌య్యే ప‌నికాద‌న్నారు. నిజానికి ఆయ‌న చెప్పింది అక్ష‌రాల నిజం. బుల్లెట్ భాస్క‌ర్ వాయిస్ టోన్ కాస్త ఇవ్వ‌గ‌ల‌డు గానీ..మిగ‌తా విష‌యాల్లో అంతా మిస్ మ్యాచ్ ఉంటుంది. ఇక మ‌హేష్ వార‌సుడు గౌత‌మ్ కైనా ఆయ‌న స్టైల్ వ‌చ్చిందా? గౌత‌మ్ లోనూ అదెక్క‌డా క‌నిపించ‌దు.

గౌత‌మ్ పూర్తిగా తాత కృష్ణ పొలిక‌. ఇలాంటి స‌మ‌యంలోనే మ‌హేష్ మేన‌ల్లుడు..సుధీర్ బాబు పెద్ద‌కు మారుడు చరిత్ మానస్ ఓ వేదిక పై తొలిసారి క‌నిపించి మ‌హేష్ నే దించేసాడు. ఆ వీడియో నెట్టింట ఎంత‌గా వైర‌ల్ అయిందో తెలిసిందే. అందులో అచ్చంగా మ‌హేష్ యాటిట్యూడ్ తోనే క‌నిపిస్తాడు. ఆ వాకింగ్ స్టైల్... లుకింగ్ స్టైల్... ముఖంలో హ‌వ‌భాలు..యాటిట్యూడ్ ప్ర‌తీది మ‌హేష్ ని త‌ల‌పించాయి.

తాజాగా ఈ అంశంపై సుదీర్ బాబు కూడా రియ‌లైజ్ అయిన‌ట్లు చెప్పుకొచ్చాడు. కొంత మంది త‌న‌లా ఉంటాడ‌ని..మ‌రికొంత మంది మ‌హేష్ లా ఉంటాడ‌ని సుదీర్ బాబుతో అన్నారుట‌. ఆ త‌ర్వాత ఆవీడియో నిశితంగా ప‌రిశీలించిన సుధీర్ బాబు ..అచ్చంగా మేన మామ పోలిక అని క‌న్ప‌మ్ చేసాడు. రియ‌ల్ లైఫ్ లో చ‌రిత్ యాటిట్యూడ్ మ‌హేష్ లాగే ఉంటుంద‌ని సుదీర్ బాబు అన‌డం విశేషం.

అంతేనా మేన‌మామ‌ని పోల‌డంతో సుదీర్ బాబు చాలా సంతోష ప‌డ్డాడు. త‌న కుమారుడిని మ‌హేష్ తో పొల్చుతున్నంద‌కు త‌న న‌వ్వులోనే సంతోషం క‌నిపించింది. ఇక చ‌రిత్ బాల న‌టుడిగా కొన్ని సినిమాలు చేసాడు. కాబోయే స్టార్ కూడా. బ్యాకెండ్ లో అంత బ్యాక‌ప్ ఉంది కాబ‌ట్టి! చ‌రిత్ పెద్ద స్టార్ అవ్వ‌డానికి ఛాన్స్ ఉంది.