సూర్య 44 చాలా పెద్ద ప్లానింగే..!

కోలీవుడ్ స్టార్ సూర్య ఈమధ్య తన పంథా మార్చి కొంత సమాజానికి ఉపయోగపడే కథా నేపథ్యంతో సినిమాలు చేస్తున్నాడు. రియల్ లైఫ్ స్టోరీస్ తో పాటుగా స్ఫూర్తిని నింపే కథలను తెరకెక్కిస్తున్నాడు. ఐతే తను చేస్తున్న ఈ ప్రయత్నాలను ఫ్యాన్స్ కూడా సక్సెస్ చేస్తున్నా విక్రం సినిమాలో రోలెక్స్ పాత్రలో సూర్య చూపించిన మాస్ అంశాలు మిస్ అవుతున్నామని గుర్తుచేసుకున్నారు. అందుకే విక్రం సినిమాలో రోలెక్స్ పాత్ర చూశాక సూర్య ఎందుకు ఇలాంటి సినిమాలు చేయట్లేదన్న భావన ప్రతి అభిమానికి కలిగింది.

ఐతే ఈ విషయం తను కూడా గుర్తించిన సూర్య ఇప్పుడు తన మాస్ పంథాతో సినిమాలు చేస్తున్నట్టు అర్థమవుతుంది. సూర్య ప్రస్తుతం కంగువ సినిమాతో వస్తున్నాడు. శివ డైరెక్షన్ లో తెరకెక్కుతున్న ఈ సినిమాలో సూర్య నెక్స్ట్ లెవెల్ పర్ఫార్మెన్స్ తో అలరిస్తాడని అంటున్నారు. ఇక సూర్య ఈ సినిమా తర్వాత చేస్తున్న కార్తీక్ సుబ్బరాజ్ సినిమాపై భారీ అంచనాలు ఏర్పడ్డాయి. ఈ సినిమా కంప్లీట్ గా సూర్య మార్క్ మాస్ సినిమాగా రాబోతుందని అంటున్నారు.

సూర్య కెరీర్ మొదట్లో మాస్ అండ్ కమర్షియల్ సినిమాలు చేస్తూ వచ్చాడు. ఐతే ఈమధ్య అలాంటి సినిమాలు తీయడం మానేసిన సూర్య ఆడియన్స్ తన నుంచి ఎలాంటి సినిమాలు ఆశిస్తున్నారు అన్న క్లారిటీకి వచ్చాడు. అందుకే సూర్య 44 ని కంప్లీట్ గా ఫ్యాన్స్ కి మాస్ ఫీస్ట్ అందించేలా చేస్తున్నాడు. కార్తీక్ సుబ్బరాజ్ కూడా ఈ సినిమాలో వింటేజ్ సూర్యని చూపించబోతున్నాడని అర్థమవుతుంది. జస్ట్ సూర్య 44 గ్లింప్స్ తోనే సినిమా ఎలా ఉండబోతుంది అన్నది శాంపిల్ చూపించారు.

సూర్య 44 పక్కా కమర్షియల్ లెక్కలతో వస్తుందని టాక్. సినిమాలో సూర్య గ్యాంగ్ స్టర్ గా కనిపిస్తున్నారు. అంతేకాదు సినిమాలో బుట్ట బొమ్మ పూజా హెగ్దే హీరోయిన్ గా నటిస్తుంది. సో సినిమాలో హీరో నే కాదు హీరోయిన్ తో కూడా స్పెషల్ క్రేజ్ తెచ్చుకునేలా ఉన్నారు. సూర్య 44 లో పూజా గ్లామర్ షో స్పెషల్ ఎట్రాక్షన్ కాబోతుందని టాక్. సో సూర్య ఫ్యాన్స్ కొన్నాళ్లుగా ఎదురుచూస్తున్న మాస్ మసాలా మూవీగా ఈ ప్రాజెక్ట్ వస్తుందని అంటున్నారు. అదే జరిగితే మాత్రం సూర్య మాస్ స్టామినా ఏంటన్నది మరోసారి బాక్సాఫీస్ దగ్గర చూపించే ఛాన్స్ ఉంటుందని చెప్పొచ్చు.