తరుణ్ భాస్కర్.. రెండు ప్లాన్స్ ఏంటి..?

తరుణ్ భాస్కర్ సినిమా అంటే చాలు యూత్ ఆడియన్స్ లో విపరీతమైన అటెన్షన్ వచ్చేలా చేసుకున్నాడు. అతను డైరెక్ట్ చేసిన పెళ్లిచూపులు విజయ్ దేవరకొండ కెరీర్ ని సెట్ చేస్తే.. ఆ తర్వాత వచ్చిన ఈ నగరానికి ఏమైంది తో ఇండస్ట్రీకి మాస్ కా దాస్ ని ఇచ్చాడు. ఇక థర్డ్ అటెంప్ట్ గా చేసిన కీడా కోలా సినిమా ప్రేక్షకులను మెప్పించింది. తరుణ్ భాస్కర్ సినిమా అంటే చాలు థియేటర్ కి వెళ్లి హాయిగా నవ్వుకోవచ్చని ఫిక్స్ అయ్యారు ఆడియన్స్. అయితే డైరెక్టర్ గా కన్నా తరుణ్ భాస్కర్ ఈమధ్య నటుడిగా ఎక్కువ సినిమాలు చేస్తున్నాడు.

తనకు ఈ క్రేజ్ తెచ్చిన డైరెక్షన్ ని నెగ్లెక్ట్ చేస్తున్న తరుణ్ భాస్కర్ ఇక మీదట వరుస సినిమాలు చేయాలని ఫిక్స్ అయ్యాడు. ప్రస్తుతం తరుణ్ భాస్కర్ రెండు ప్లాన్స్ తో ఉన్నట్టు తెలుస్తుంది. అందులో ఒకటి వెంకటేష్ తో సినిమా.. విక్టరీ వెంకటేష్ తో తరుణ్ భాస్కర్ సినిమా అని దాదాపు మూడు నాలుగేళ్లుగా వార్తల్లో ఉంది. కానీ ఆ సినిమా ఇప్పటివరకు సెట్స్ మీదకు వెళ్లలేదు. రీసెంట్ గా వెంకటేష్ సినిమా తన వల్లే లేట్ అవుతుందని క్లారిటీ ఇచ్చాడు తరుణ్ భాస్కర్. సెకండ్ హాఫ్ తను సాటిస్ఫై అవ్వలేదనే ఆ సినిమా హోల్డ్ లో పెట్టినట్టు చెప్పుకొచ్చాడు.

అయితే సైంధవ్ ఇచ్చిన షాక్ వల్ల వెంటనే ఒక హిట్ కొట్టేలా తరుణ్ భాస్కర్ తో సినిమా చేయాలని అనుకుంటున్నారట వెంకటేష్. ఈ సినిమా అనౌన్స్ మెంట్ త్వరలోనే వస్తుందని టాక్. ఒకవేళ అది కుదరకపోతే తరుణ్ భాస్కర్ మరోసారి కొత్త వారితో మరో ఎంటర్టైనింగ్ సినిమా చేస్తారని తెలుస్తుంది. ఈ రెండు ప్లాన్స్ లో ఏదో ఒకటి త్వరలో ఫైనల్ చేస్తారని తెలుస్తుంది.

తరుణ్ భాస్కర్ తో వెంకటేష్ సినిమా అయితే ఆడియన్స్ కు పండుగ అన్నట్టే. వెంకటేష్ మార్క్ ఎంటర్టైనర్ సినిమాతో తరుణ్ భాస్కర్ డైరెక్షన్ చేస్తే యూత్, క్లాస్, మాస్ ఇలా అందరు కనెక్ట్ అయిపోతారు. అది కుదరకపోతే తరుణ్ భాస్కర్ మళ్లీ తన టాలెంట్ తో మరో కొత్త టీం తో మెప్పించాల్సి ఉంటుంది. ఈ రెండు ప్రాజెక్టులలో ఏదైనా సరే తరుణ్ భాస్కర్ సినిమాలను ఇష్టపడే ఫ్యాన్స్ అండ్ ఫాలోవర్స్ కి మంచి ట్రీట్ అందుతుందని చెప్పొచ్చు.