థమన్ డ్యూటీ ఎక్కేశాడు.. హింట్ ఇచ్చాడు రచ్చ స్టార్ట్..!

స్టార్ హీరో సినిమా సెట్స్ మీద ఉన్నప్పుడు దానికి సంబంధించిన- అప్డేట్స్ ఎవరు ఇస్తారా అని ఫ్యాన్స్ అంతా సూపర్ ఎగ్జైటెడ్ గా ఉంటారు. అందులోనూ ఏదైనా ఫెస్టివల్ వచ్చింది అంటే మాత్రం తమ అభిమాన హీరో సినిమా నుంచి ఎలాంటి అప్డేట్ వస్తుందా అని ఆసక్తిగా ఎదురుచూస్తారు. ఐతే ఆ అప్డేట్ ని ఎవరు ఇస్తారా అని కళ్లు కాయలు కాచేలాగా ఎదురుచూస్తుంటారు. అలాంటి ఫ్యాన్స్ కి మ్యూజిక్ డైరెక్టర్ థమన్ సూపర్ ట్రీట్ ఇస్తున్నాడు. థమన్ చేస్తున్న సినిమాల గురించి ఫ్యాన్స్ లో ఎగ్జైట్ మెంట్ మరింత పెంచేలా సినిమా అప్డేట్స్ ఇస్తాడు.

ఇక ఈ దీపావళి టైం లో స్టార్ ఫ్యాన్స్ కి సూపర్ జోష్ ఇచ్చేలా ఎక్స్ లో పోస్ట్ పెట్టాడు థమన్. ఇంతకీ థమన్ ఏం పెట్టాడు అంటే.. తను పనిచేస్తున్న రెండు సినిమాల అప్డేట్స్ వస్తున్నాయని పెట్టాడు. థమన్ ప్రస్తుతం NBK109 సినిమాకు పనిచేస్తున్నాడు. దానితో పాటు పాన్ ఇండియా మూవీ గేమ్ చేంజర్ కు మ్యూజిక్ అందిస్తున్నాడు. ఈ రెండు సినిమాలను ప్రస్తావిస్తూ అప్డేట్స్ సూన్ అని మెసేజ్ పెట్టాడు థమన్.

ఈ రెండు సినిమాలకు థమన్ మ్యూజిక్ అందిస్తున్నాడు. ఈ సినిమాల విషయంలో థమన్ వర్క్ హైలెట్ అవ్వనుంది. ముఖ్యంగా గేమ్ చేంజర్ కోసం థమన్ ఎంపిక సెన్సేషన్ అని చెప్పొచ్చు. తన ప్రతి సినిమాలో రెహమాన్ ని తప్ప మరో మ్యూజిక్ డైరెక్టర్ తో పనిచేయని శంకర్ ఈసారి కొత్తగా థమన్ ని తీసుకున్నారు. శంకర్ సినిమాలో కథ, కథనాలే కాదు మ్యూజిక్ విషయంలో కూడా తన మార్క్ ఉంటుంది. ఐతే గేమ్ చేంజర్ నుంచి ఇప్పటికే రెండు సాంగ్స్ రిలీజ్ కాగా వాటికి మంచి రెస్పాన్స్ వచ్చింది.

మరోపక్క థమన్ బాలకృష్ణ, కె.ఎస్ బాబీ కాంబోలో వస్తున్న సినిమాకు కూడా మ్యూజిక్ అందిస్తున్నాడు. ఈ సినిమా విషయంలో ఫ్యాన్స్ అంతా సూపర్ ఎగ్జైటెడ్ గా ఉన్నారు. ఐతే ఈ రెండు సినిమాల నుంచి దీపావళి కానుకగా వస్తున్న అప్డేట్ ని థమన్ అనౌన్స్ చేశాడు. ఇంతకీ గేం చేంజర్, బాలకృష్ణ 109 సినిమాల నుంచి ఎలాంటి అప్డేట్ వస్తుంది అన్నది ప్రస్తుతానికి సస్పెన్సే.

ఐతే మోషన్ పోస్టర్ వచ్చినా లేదా టీజర్ వచ్చినా థమన్ డ్యూటీ ఎక్కాల్సిందే కాబట్టి ఆ హింట్ ఇచ్చి ఫ్యాన్స్ లో రచ్చ మొదలయ్యేలా చేశాడు థమన్. బాలయ్య సినిమాలకు థమన్ ఇస్తున్న మ్యూజిక్ ఫ్యాన్స్ కి పిచ్చెక్కేలా చేస్తుంది. అందుకే బాలకృష్ణ థమన్ తోనే వరుస సినిమాలు చేస్తున్నారు.