తండేల్: కొసరుతోనే కిక్కిచ్చిన తండేల్ రాజు

నాగచైతన్య హీరోగా నటిస్తున్న తండేల్ సినిమా ప్రేక్షకుల్లో ప్రత్యేకమైన ఆసక్తిని రేపుతోంది. ఈ సినిమా ప్రతి అప్‌డేట్‌ కోసం కూడా ప్రేక్షకులు ఎంతో ఆతృతగా ఎదురుచూస్తున్నారు. ఇప్పటికే విడుదలైన పాటలు, టీజర్, పోస్టర్స్ కూడా సినిమాపై ఉన్న అంచనాలను పీక్స్‌కు చేర్చాయి. ముఖ్యంగా దేవి శ్రీ ప్రసాద్ సంగీతం ఈ చిత్రానికి ప్రత్యేక ఆకర్షణగా నిలుస్తోంది. రొమాంటిక్ ఎమోషన్స్, మాస్ యాక్షన్ కలబోసిన ఈ చిత్రంపై అక్కినేని అభిమానులు భారీ ఆశలు పెట్టుకున్నారు.

ఈ చిత్రానికి సంబంధించిన తాజా అప్‌డేట్‌ తో ట్రైలర్ పై మరింత అంచనాలు పెంచారు. విడుదల తేదీని చిత్రబృందం ఇటీవల అధికారికంగా ప్రకటించింది. జనవరి 28న సాయంత్రం 6:03కి తండేల్ ట్రైలర్ ప్రేక్షకుల ముందుకు రానుంది. ట్రైలర్ విడుదల తేదీని ప్రకటించడమే కాకుండా, ఒకరోజు ముందుగానే ప్రీలుడ్ పేరుతో మరో చిన్న గ్లింప్స్ విడుదల చేశారు. దీనికి సంబంధించిన కొత్త పోస్టర్‌ను విడుదల చేయడం జరిగింది.

ఈ చిన్న వీడియోలో నాగచైతన్య యొక్క మాస్ లుక్ ఆయన పాత్రలో ఉన్న తీవ్రతను సినిమా ప్రధాన సారాంశాన్ని ప్రతిబింబిస్తుంది. ఈ పండగ నుంచి రాజుగాడే మన తండేల్ అనే డైలాగ్ తో యాక్షన్ సీన్స్ ను హైలెట్ చేశారు. సముద్రంలో చేసే సాహసాలు కూడా ఇందులో హైలెట్ కానున్నట్లు అర్ధమవుతుంది. తండేల్ అంటే.. ఏంటి అనే ప్రశ్నతో ప్రీలుడ్ ప్రేక్షకుల ఆసక్తిని మరింత పెంచుతోంది. మొత్తానికి ట్రైలర్ కి ముందు కొసరుతోనే కిక్కిచ్చారు.

చందూ మొండేటి దర్శకత్వంలో రూపొందుతున్న ఈ చిత్రం నాగచైతన్య కెరీర్‌లో మరో బిగ్గెస్ట్ హిట్ గా నిలుస్తుందని చిత్ర యూనిట్ ధీమాగా చెబుతోంది. ఈ సినిమాలో చైతన్యకు జోడీగా సాయి పల్లవి నటిస్తుండటం ఒక ప్రత్యేక ఆకర్షణ. ఇప్పటికే వీరి జంటకు ఉన్న క్రేజ్, ఈ సినిమాకు మరింత బలాన్ని ఇస్తోంది. ప్రేక్షకుల్ని ఎమోషనల్‌గా కనెక్ట్ చేసే రొమాంటిక్ సీన్స్‌తో పాటు, మాస్ ప్రేక్షకులను అలరించే యాక్షన్ ఎలిమెంట్స్‌ ఈ చిత్రంలో ఎక్కువగా ఉండనున్నాయని సమాచారం.

బన్నీ వాసు నిర్మాణంలో భారీ బడ్జెట్‌తో తెరకెక్కిన ఈ సినిమాను గీతా ఆర్ట్స్ బ్యానర్ పై అల్లు అరవింద్ సమర్పిస్తున్నారు. సినిమా విడుదలకు సమయం దగ్గర పడుతుండటంతో, ప్రతి అప్డేట్ ప్రేక్షకులను థియేటర్ల వైపు ఆకర్షిస్తోంది. సినిమా కేవలం వినోదాన్ని అందించడమే కాదు, అద్భుతమైన కథనంతో ప్రేక్షకుల మనసును దోచుకునే ప్రయత్నం చేస్తోంది. సినిమాలో కనిపించబోయే సాంకేతిక పరమైన నాణ్యత కూడా టీజర్, పాటల ద్వారా స్పష్టమవుతోంది.

తండేల్ సినిమా ఫిబ్రవరి 7న ప్రపంచవ్యాప్తంగా భారీ స్థాయిలో విడుదలవుతుండగా, జనవరి 28న విడుదల కానున్న ట్రైలర్ సినిమాపై ఉన్న అంచనాలను మరింత పెంచడం ఖాయం. ట్రైలర్‌లో కనిపించనున్న యాక్షన్, భావోద్వేగ దృశ్యాలు ప్రేక్షకుల్ని థియేటర్లకు రప్పించేలా ఉండనున్నాయని దర్శకుడు చందూ మొండేటి చెబుతున్నారు. ప్రస్తుతం ప్రేక్షకులు అందరూ ట్రైలర్ కోసం ఆసక్తిగా ఎదురుచూస్తున్నారు. మరి ఈ ట్రైలర్ ఏ రేంజ్ హైప్‌ క్రియేట్ చేస్తుందో చూడాలి.