ఏళ్ల త‌ర‌బ‌డి ఆ అభిమానుల‌కు నిరాశ
ప్ర‌తిసారీ క్రిష్ 4 గురించి అప్ డేట్ చెబుతున్నామ‌ని ఊరించ‌డం, ఆ తర్వాత నీర‌సం తెప్పించ‌డం రాకేష్ రోషన్ అండ్ కోకి అల‌వాటైపోయింది.
అవును.. క్రిష్ అభిమానులు చాలా నిరాశ‌లో ఉన్నారు. సంవత్సరాల త‌ర‌బ‌డి ఈ నిరాశ‌ను ఎదుర్కోవ‌డం తప్ప‌లేదు. క్రిష్ ఫ్రాంఛైజీలో ఇప్ప‌టికే మూడు సినిమాలు విడుద‌లై ఘ‌న‌విజ‌యాలు సాధించాయి. అదే క్ర‌మంలో ఈ ఫ్రాంఛైజీ నుంచి నాలుగో సినిమాని తెస్తున్నామ‌ని గ‌డిచిన మూడు నాలుగేళ్లుగా చెబుతూనే ఉన్నారు నిర్మాత రాకేష్ రోషన్. పుట్టిన‌రోజుల‌కు ప్ర‌క‌టిస్తున్నారు.. కానీ ఇప్ప‌టివ‌ర‌కూ ఈ సినిమా స్క్రిప్టును కూడా క‌నీస‌మాత్రంగా పూర్తి చేయ‌లేక‌పోవ‌డం ఆశ్చ‌ర్య‌ప‌రుస్తోంది. ప్ర‌తిసారీ క్రిష్ 4 గురించి అప్ డేట్ చెబుతున్నామ‌ని ఊరించ‌డం, ఆ తర్వాత నీర‌సం తెప్పించ‌డం రాకేష్ రోషన్ అండ్ కోకి అల‌వాటైపోయింది. దీంతో క్రిష్ ఫ్రాంఛైజీని అమితంగా ఆరాధించే అభిమానులంతా చాలా నీర‌సంలో ఉన్నారు.
అయితే తాజా ఇంటర్వ్యూలో ఇప్పటివరకు క్రిష్ సినిమాలన్నింటికీ ట్యూన్స్ కంపోజ్ చేసిన హృతిక్ క‌జిన్, సంగీత దర్శకుడు రాజేష్ రోషన్ పింక్‌విల్లాకి ఇచ్చిన ఇంటర్వ్యూలో యాక్షన్ స్టార్ హృతిక్ క్రిష్ 4 కోసం పాడబోతున్నాడని వెల్లడించారు. ప్ర‌స్తుతం స్క్రిప్టు ప‌నులు జ‌రుగుతున్నాయి. ఫైనల్ స్క్రిప్ట్ లాక్ అయిన వెంటనే క్రిష్ 4 సంగీతంపై పని ప్రారంభమవుతుందని రోషన్ తెలిపారు.
హృతిక్ రోషన్ తండ్రి రాకేష్ రోషన్ క్రిష్ 4తో దర్శకుడిగా మళ్లీ వస్తున్నాడ‌ని రాజేష్ రోషన్ తెలిపారు. రాజేష్ మాట్లాడుతూ- ``రాకేష్ జీ స్క్రిప్ట్‌పై పని చేస్తున్నారు. కాలక్రమేణా క్రిష్ 4 కంపోజిషన్‌లలో కొత్త టెక్నిక్‌లను ప‌రిచ‌యం చేయాల‌నుకుంటున్నాం. ఇప్పుడు ప్రతి ఇంట్లో మ్యూజిక్ సిస్టమ్ చాలా అభివృద్ధి చెందింది. ఈ ఆవిష్కరణలకు సరిపోయేలా ఆధునిక పద్ధతులతో సంగీత అనుభ‌వం అందించాల‌ని ప్లాన్ చేస్తున్నాం`` అని అన్నారు.
క్రిష్ 4లో హృతిక్ స్వయంగా పాడతాడని సంగీతజ్ఞుడు రాజేష్ రోషన్ వెల్లడించాడు. అతడు ఇంకా ఇలా వివ‌రాలు అందించారు. చాలా పాట‌ల‌కు నేను పాడతాను. తప్పకుండా ఒక పాటను హృతిక్ పాడ‌తాడు! అని తెలిపాడు.
హృతిక్ రోషన్ జిందగీ నా మిలేగీ దొబారా (2011)లో ఫర్హాన్ అక్తర్, అభయ్ డియోల్‌తో కలిసి `సెనోరిటా`ను ఆల‌పించారు. కైట్స్ (2010)లో `కైట్స్ ఇన్ ది స్కై` పాడారు. క్రిష్ 15వ సంవత్సరంలో అడుగుపెట్టిన సందర్భంగా హృతిక్ రోషన్ తన ఫ్రాంచైజీ నాల్గవ చిత్రాన్ని ప్రకటించారు. “గతం పూర్తయింది. భవిష్యత్తు ఏమి తెస్తుందో చూద్దాం. #15 సంవత్సరాల క్రిష్ #క్రిష్4.” అంటూ వెల్లడించారు. రాకేష్ రోషన్ దర్శకత్వం వహించిన ఫ్రాంచైజీలో క్రిష్ రెండవ చిత్రం. దీని ప్రీక్వెల్ కోయి మిల్ గయా గ్రహాంతర వాసితో స్నేహం చేసిన తర్వాత మానవాతీత సామర్థ్యాలను పొందిన రోహిత్ మెహ్రా (హృతిక్ రోషన్) కథను చూపారు. ఇందులో తండ్రి కొడుకుల కథను తెర‌పై ఆవిష్క‌రించారు. మూడో భాగంలో మాన‌వాళికి ముప్పు తెచ్చే ప్ర‌మాద‌క‌ర విల‌న్ తో త‌ల‌ప‌డేవాడిగా క్రిష్ క‌నిపించాడు. నాలుగో భాగం క‌థ ఏమిట‌న్న‌ది వేచి చూడాలి.