ఈ ఏడాది బెస్ట్ హైక్స్ అందుకున్న హీరోలు వీరే

ఈ ఏడాది టాలీవుడ్ నుంచి ఎప్పటిలాగే చిన్న, పెద్ద సినిమాలు కలిసి 150 వరకు రిలీజ్ అయ్యాయి. వాటిలో చిన్న సినిమాలు పెద్ద సక్సెస్ ని అందుకున్నవి ఉన్నాయి. బలగం మూవీ ఈ ఏడాదిలో అతి పెద్ద సక్సెస్ అందుకున్న చిన్న సినిమాగా నిలిచింది. అయితే ఓవరాల్ గా ఈ ఏడాది అత్యధిక లాభాలు తెచ్చిపెట్టిన సినిమాలు చూసుకుంటే టాప్ లో మెగాస్టార్ చిరంజీవి వాల్తేర్ వీరయ్య ఉంది.

ఈ ఏడాది ఆరంభంలో వచ్చిన వాల్తేర్ వీరయ్య చిరంజీవి కెరియర్ లోనే హైయెస్ట్ షేర్ కలెక్ట్ చేసింది. 137.85 కోట్ల షేర్ ని అందుకుంది. దీనిద్వారా నిర్మాతకి ఏకంగా 48.85 కోట్ల లాభాలు వచ్చాయి. ఓ విధంగా చెప్పాలంటే చిరంజీవి కెరియర్ లోనే అత్యధిక లాభాలు తెచ్చిపెట్టిన మూవీగా వాల్తేర్ వీరయ్య నిలిచింది. ఆ మూవీకి పోటీగా వచ్చిన బాలకృష్ణ వీరసింహారెడ్డి కూడా భారీగానే వసూళ్లు తెచ్చిన. ఓవరాల్ గా 6 కోట్ల లాభాలు మాత్రమే వచ్చాయి

వరుస ఫ్లాప్ ల తర్వాత సాయి ధరమ్ తేజ్ విరూపాక్షతో బ్లాక్ బస్టర్ హిట్ ని సొంతం చేసుకున్నారు. క్షుద్రపూజల నేపథ్యంలో సస్పెన్స్ థ్రిల్లర్ గా వచ్చిన ఈ సినిమా ఏకంగా 47.60 కోట్ల షేర్ రాబట్టింది. దీని ద్వారా నిర్మాతలకి 24.60 కోట్ల లాభాలు వచ్చాయి. ఈ ఏడాది ఇండస్ట్రీలో అతిపెద్ద హిట్స్ లో ఒకటిగా విరూపాక్ష నిలిచింది. ధనుష్ హీరోగా తెలుగులో చేసిన మొదటి సినిమా సార్.

ఈ మూవీ సూపర్ హిట్ టాక్ సొంతం చేసుకొని ఏకంగా 24 కోట్ల షేర్ కలెక్ట్ చేసింది. తద్వారా 17.30 కోట్ల లాభాలు నిర్మాతకి వచ్చాయి. తెలుగుతో పాటు తమిళంలో కూడా ఈ సినిమా సూపర్ హిట్ టాక్ తెచ్చుకుంది. నేచురల్ స్టార్ నాని దసరా మూవీ కూడా ఈ ఏడాది అతి పెద్ద హిట్ బొమ్మగా నిలిచింది. ఈ సినిమా ఏకంగా 64.04 కోట్ల షేర్ వచ్చింది. నిర్మాతకి 15.04 కోట్ల లాభాలు తెచ్చిపెట్టింది.

నవీన్ పొలిశెట్టి, అనుష్క శెట్టి లీడ్ రోల్ లో వచ్చిన మిస్ శెట్టి మిస్టర్ పొలిశెట్టి కూడా ఈ ఏడాది సూపర్ హిట్స్ లో ఒకటిగా నిలిచింది. ఈ చిత్రం ఏకంగా 24 కోట్లు వసూలు చేసి 10 కోట్ల లాభాలని నిర్మాతకి అందించింది. అయితే ఈ ఏడాది ఓవరాల్ గా బాలయ్య రెండు బ్లాక్ బస్టర్ హిట్స్ ని తన ఖాతాలో వేసుకున్న హీరోగా నిలిచాడు. నెక్స్ట్ హాయ్ నాన్న సక్సెస్ తో నాని రెండు హిట్స్ దక్కించుకున్న హీరోగా మారబోతున్నాడు.