స్టార్ హీరో సైకో? యానిమ‌ల్‌ని కాపీ కొట్టాడా?
టైగర్ ష్రాఫ్ బ్లడీ & రోగ్ లుక్‌లో సైకో త‌ర‌హాలో క‌నిపించాడు. పోస్టర్‌లో అత‌డు రక్తపు మ‌ర‌క‌ల‌తో కిల్ల‌ర్ లాగా క‌నిపించాడు.
కొన్ని పోస్ట‌ర్లు చూసి ఇట్టే చెప్పేయొచ్చు. ఆ సినిమాలో హీరో పాత్ర చిత్ర‌ణ ఎలా ఉండ‌బోతోంది? అత‌డిని ద‌ర్శ‌కుడు ఎలా చూపించ‌బోతున్నాడో ఒక అంచ‌నాకు రావొచ్చు. ఇటీవ‌లి కాలంలో సందీప్ రెడ్డి వంగా సినిమాల థీమ్ ఏమిట‌న్న‌ది చాలా సులువుగా పోస్ట‌ర్లు చూసి అభిమానులు అంచ‌నా వేసారు. ఇప్పుడు అలాంటి ఒక కాన్సెప్ట్ తోనే ప్రయోగం చేస్తున్నాడా? అనిపిస్తోంది టైగర్ ష్రాఫ్‌ని చూస్తుంటే. ఈసారి అత‌డు ఒక భీక‌ర‌మైన కిల్ల‌ర్ పాత్ర‌లో క‌నిపించ‌బోతున్నాడ‌ని తాజాగా రిలీజ్ చేసి భాఘి 4 పోస్టర్ చెబుతోంది. పైగా దీనిపై ఈసారి అత‌డు మునుప‌టిలా కాదు! అంటూ ట్యాగ్ లైన్ వేసారు. టైగర్ ష్రాఫ్ పోస్టర్ చూడ‌గానే గ‌గుర్పాటుకు గుర‌వ్వాల్సిందే.
టైగర్ ష్రాఫ్ బ్లడీ & రోగ్ లుక్‌లో సైకో త‌ర‌హాలో క‌నిపించాడు. పోస్టర్‌లో అత‌డు రక్తపు మ‌ర‌క‌ల‌తో కిల్ల‌ర్ లాగా క‌నిపించాడు. డెనిమ్ జాకెట్ .. షార్ట్స్ ధ‌రించినా.. అత‌డి యాబ్స్‌ని ప్రదర్శిస్తూ టాయిలెట్ కమోడ్ పైన కూర్చుని క‌నిపించాడు. చేతిలో మాంసం కొట్టే క‌త్తి రక్తపు మ‌ర‌క‌ల‌తో భయంక‌రంగా క‌నిపించింది. అక్క‌డ కొన్ని మృతదేహాలు నేలపై పడి ఉన్నాయి. వాష్‌రూమ్ గోడపై రక్తం చిమ్మిన మ‌ర‌క‌లు కనిపిస్తున్నాయి. టైగర్ వెనుక 4 నంబ‌ర్ క‌నిపిస్తోంది.
అయితే టైగర్ ఎలాంటి పాత్ర‌లో న‌టించాడు? అంటే.. ఆవేశంలో వంద‌మందిని నిరికేసే సైకోలాగా క‌నిపిస్తున్నాడు. ఒక చేతిలో కత్తిలాంటి ఆయుధం, మరో చేతిలో ఆల్క‌హాల్ బాటిల్ పట్టుకున్నాడు. పోస్టర్ ఒక భయంకరమైన ఫైట్ సీక్వెన్స్ నుండి తీసుకున్న‌దే అయినా అత‌డి పాత్ర‌ను టూమచ్ ఇంటెన్స్ గా చూపిస్తున్నార‌ని దీనిని బ‌ట్టి అర్థం చేసుకోవచ్చు.
భాఘి ఫ్రాంఛైజీ అత్యంత విజ‌య‌వంత‌మైన ఫ్రాంఛైజీగా కాసులు కురిపిస్తోంది. యాక్ష‌న్ జాన‌ర్ లో టైగర్ కి మంచి పేరు తెచ్చిన ఫ్రాంఛైజీ ఇది. మొద‌టి రెండు భాగాల మాదిరిగా మూడో భాగం ఆడ‌క‌పోయినా కానీ, టైగర్ కి మంచి పేరొచ్చింది. అయితే భాఘి 4 లుక్ చూడ‌గానే ర‌ణ‌బీర్ యానిమ‌ల్ లుక్ తో పోలిక‌ను చూస్తున్నారు అభిమానులు. అచ్చంగా అలాగే లేక‌పోయినా టైగర్ పాత్ర‌లో ఇంటెన్సిటీ చూస్తుంటే హింస మోతాడు శ్రుతిమించ‌డం ఖాయ‌మ‌ని అర్థ‌మ‌వుతోంది.
ఈసారి మునుప‌టిలా క‌నిపించ‌డు! అని అంటున్నారు కాబ‌ట్టి టైగర్ ష్రాఫ్ గ‌త ప‌రాభ‌వాల నుంచి బ‌య‌ట‌ప‌డ‌తాడ‌నే ఆశిద్దాం. త‌న సూప‌ర్ హిట్ ఫ్రాంఛైజీ భాఘి అందుకు స‌హ‌క‌రించాల్సి ఉంటుంది. టైగర్ ఇటీవ‌ల కొన్ని భారీ ప్రాజెక్టుల్లో న‌టించ‌గా అవ‌న్నీ ఫెయిల‌వ్వ‌డంతోనే భాఘి 4 కి ఇలాంటి ట్యాగ్ లైన్ జోడించార‌ని ఫ్యాన్స్ భావిస్తున్నారు.