ఫొటోటాక్‌ : లక్కీ భాస్కర్‌ హిట్‌తో హుషారుగా ఉంది
ఇచ్చట వాహనములు నిలుపరాదు సినిమాతో తెలుగు ప్రేక్షకులకు హీరోయిన్‌గా పరిచయం అయిన ముద్దుగుమ్మ మీనాక్షి చౌదరి.
ఇచ్చట వాహనములు నిలుపరాదు సినిమాతో తెలుగు ప్రేక్షకులకు హీరోయిన్‌గా పరిచయం అయిన ముద్దుగుమ్మ మీనాక్షి చౌదరి. తక్కువ సమయంలోనే టాలీవుడ్‌లో మంచి గుర్తింపు దక్కించుకుంది. కానీ కాలం ఇన్నాళ్లు కలిసి రాకపోవడంతో ఆశించిన స్థాయిలో కమర్షియల్‌ సక్సెస్ లు దక్కలేదు. ఈ ఏడాది ఆరంభంలో ఈమె సెకండ్‌ హీరోయిన్‌గా నటించిన మహేష్ బాబు గుంటూరు కారం సినిమా సైతం ప్రేక్షకుల ముందుకు వచ్చింది. ఆ సినిమా నిరాశ పరిచింది. కానీ ఇదే ఏడాదిలో విజయ్‌తో కలిసి నటించిన ది గోట్‌ సినిమా విడుదల అయ్యి భారీ విజయాన్ని సొంతం చేసుకుంది. తాజాగా దుల్కర్ సల్మాన్‌తో కలిసి నటించిన లక్కీ భాస్కర్‌ సైతం ప్రేక్షకుల ముందుకు వచ్చి మంచి విజయాన్ని సొంతం చేసుకుంది.
లక్కీ భాస్కర్‌ సినిమాలో మీనాక్షి చౌదరికి మంచి పాత్ర దక్కింది. అందంగా కనిపించడంతో పాటు నటన ప్రతిభ చూపించే అవకాశం దక్కింది. సోషల్ మీడియాలో లక్కీ భాస్కర్‌ సినిమాతో మీనాక్షికి లక్ కలిసి వస్తుందా అంటూ విడుదలకు ముందు వరకు అంతా అనుకున్నారు. లక్కీ భాస్కర్‌ సినిమా మీనాక్షికి లక్‌ను తెచ్చి పెట్టడం మాత్రమే కాకుండా ఏకంగా స్టార్‌ హీరోయిన్‌ ఇమేజ్‌ను తెచ్చి పెట్టే స్థాయిలో ఆ సినిమా హిట్‌ అయింది. తాజాగా సినిమా సక్సెస్ మీట్‌ జరిగింది. యూనిట్‌ సభ్యులు సినిమా సక్సెస్ నేపథ్యంలో ఆనందం వ్యక్తం చేశారు. తాజాగా మీనాక్షి తన తదుపరి సినిమా 'మట్కా' ట్రైలర్‌ లాంచ్ ఈవెంట్‌ లో ఎల్లో చీర కట్టులో కనిపించి కన్నుల విందు చేసింది.
మట్కా ట్రైలర్‌ లాంచ్‌లో ఫోటోలకు ఫోజ్‌ ఇస్తున్న సమయంలో మీనాక్షి చౌదరి చాలా హుషారుగా కనిపించింది. లక్కీ భాస్కర్‌ సినిమా హిట్‌తో వచ్చిన హుషారు అంటూ చాలా మంది కామెంట్స్ చేస్తున్నారు. మొత్తానికి కెరీర్‌ లో ఓ డీసెంట్‌ హిట్‌ ను సొంతం చేసుకున్న మీనాక్షి చౌదరి ముందు ముందు మరిన్ని సూపర్‌ హిట్‌లను సొంతం చేసుకోవడం ఖాయం అని, ఆ సమయంలో మరింత హుషారుగా మీనాక్షి చౌదరి కనిపించడం ఖాయం అంటూ కొందరు అభిప్రాయం వ్యక్తం చేస్తున్నారు. మీనాక్షి చౌదరికి లక్కీ భాస్కర్‌ తో తెలుగులోనే కాకుండా ఇతర భాషల్లోనూ మంచి విజయం దక్కింది. ముందు ముందు ఆమె నుంచి మరిన్ని సినిమాలు వస్తాయని అంతా ఆశిస్తున్నారు.
లక్కీ భాస్కర్‌ తో పాటు అదే స్థాయి అంచనాలున్న విశ్వక్‌ సేన్ నటించిన మట్కా, మెకానిక్‌ రాకీ సినిమాలు విడుదలకు సిద్ధంగా ఉన్నాయి. అతి త్వరలోనే ప్రేక్షకుల ముందుకు రాబోతున్న ఆ సినిమాలతో విజయాలను మీనాక్షి చౌదరి తన ఖాతాలో వేసుకోవడం ఖాయం అనే నమ్మకం వ్యక్తం అవుతోంది. ఈ రెండు సినిమాలు కాకుండా వచ్చే ఏడాది మరో రెండు మూడు సినిమాలతో ప్రేక్షకుల ముందుకు వచ్చేందుకు రెడీ అవుతోంది. మొన్నటి వరకు చిరంజీవి విశ్వంభర సినిమాలో మీనాక్షి చౌదరి నటిస్తుందనే వార్తలు వచ్చాయి. ఇటీవల ఆమె లక్కీ భాస్కర్‌ సినిమా ప్రమోషన్‌లో మాట్లాడుతూ తాను ఆ సినిమాలో భాగం కావడం లేదని, ఆ సినిమా కోసం తనను ఎవరూ సంప్రదించలేదని క్లారిటీ ఇచ్చింది.