మరో సూపర్ క్లిక్.. ఒకే ఫ్రేమ్ లో చిరు, మహేష్, చరణ్

టాలీవుడ్ హీరోల్లో ఒకరు కన్నా ఎక్కువ మంది ఒకే ఫ్రేమ్ లో కనిపిస్తే ఆ మజానే వేరు! ఆయా కథానాయకుల అభిమానులు పండుగ చేసుకుంటారు. ఫుల్ ఖుషీ అయిపోతుంటారు. సోషల్ మీడియాలో ఆ పిక్స్ ను షేర్ చేస్తూ సందడి చేస్తుంటారు. అయితే కొద్ది రోజుల క్రితం టాలీవుడ్ హీరోలు చిరంజీవి, నాగార్జున, రామ్ చరణ్, అఖిల్, మహేష్ బాబు ఒకే ఫ్రేమ్ లో కనిపించారు. నమ్రత, ఉపాసన సహా వాళ్లంతా డైనింగ్ టేబుల్ వద్ద ఉన్న పిక్.. ఫుల్ వైరల్ గా మారింది.

ఇప్పుడు అలాంటి ఫోటో మరొకటి నెట్టింట చక్కర్లు కొడుతోంది. ఓ రేంజ్ లో తెగ ట్రెండ్ అవుతోంది. సోషల్ మీడియాలో ఎక్కడ చూసినా అదే కనిపిస్తోంది. అందులో చిరంజీవి, మహేష్ బాబు, రామ్ చరణ్ తో పాటు మరికొందరు ఉన్నారు. చిరు, మహేష్, చరణ్.. ముగ్గురూ కూడా కిర్రాక్ లుక్ లో కనిపిస్తున్నారు. స్టైలిష్ ఔట్ ఫిట్స్ లో ఉన్న వారు.. అందరినీ ఆకట్టుకుంటున్నారు. రాజమౌళితో చేయబోయే సినిమా కోసం మేకోవర్ అవుతున్న మహేష్ లుక్ మళ్లీ వైరల్ గా మారింది.

అయితే ప్రముఖ వ్యాపార సంస్థ గ్రీన్ కో ఎండీ అనిల్ చలమలశెట్టి బర్త్ డే వేడుకల్లో పాల్గొనేందుకు చిరంజీవి, నాగార్జున, రామ్ చరణ్, అఖిల్, మహేష్ బాబు, ఉపాసన, నమ్రత కొద్ది రోజుల క్రితం మాల్దీవ్స్ కు వెళ్లినట్లు క్లియర్ గా అర్థమవుతుంది. ఇండస్ట్రీకి అనిల్ సన్నిహితంగా ఉంటారనే టాక్ వినిపిస్తోంది. అందుకే వీరంతా అటెండ్ అయినట్లు తెలుస్తోంది. మహేష్ బాబు, నమ్రతకు అనిల్ చలమలశెట్టి కుటుంబంతో మంచి సన్నిహిత సంబంధాలు ఉన్నాయని టాక్ నడుస్తోంది.

డైనింగ్ టేబుల్ దగ్గర కూర్చున్న పిక్ తర్వాత అనిల్ చలమలశెట్టి బర్త్ డే వేడుకలకు సంబంధించిన వీడియో కూడా సోషల్ మీడియాలో లీక్ అయింది. అందులో మాల్దీవ్స్ బీచ్ వద్ద టాలీవుడ్ స్టార్స్ అంతా ఎంజాయ్ చేస్తూ కనిపించారు. అనిల్ బర్త్ డే కేక్ కటింగ్ లో పాల్గొన్నారు. మొత్తానికి వ్యాపారవేత్త బర్త్ డే సందర్భంగా మెగా, అక్కినేని, ఘట్టమనేని కుటుంబాలకు చెందిన మెంబర్స్ మాల్దీవ్స్ లో ఫుల్ గా ఎంజాయ్ చేశారన్నమాట. సినిమాలతో బిజీగా ఉండే వారు.. కాస్త చిల్ అయ్యారు!