ప్ర‌పంచ‌క‌ప్‌కి అగౌర‌వం..విరుచుకుప‌డ్డ ఊర్వ‌శి

వ‌ర‌ల్డ్ క‌ప్ 2023లో టీమిండియా కీల‌క‌మైన‌ ఫైన‌ల్ మ్యాచ్‌లో ఆస్ట్రేలియాపై ప‌రాజ‌యం పాల‌వ్వడాన్ని ఇప్ప‌టికీ భార‌తీయులు జీర్ణించుకోలేదు. కొన్ని వ‌రుస ప‌రాజ‌యాల‌తో కుంటుతూ మూలుగుతూ ఫైన‌ల్ కి వ‌చ్చిన ఆస్ట్రేలియా ప్ర‌పంచ‌క‌ప్ ని ఎగ‌రేసుకుపోవ‌డం స్వ‌యంకృతం అంటూ ఇండియాని దూషించేవారు లేక‌పోలేదు. ఇదిలా ఉంటే, ప్ర‌పంచ‌క‌ప్ ట్రోఫీని అందుకున్న కంగారూలు ఆ క‌ప్ ని అవ‌మానించ‌డం ఇటీవ‌ల హాట్ టాపిక్ గా మారింది.

టీమ్ ఆస్ట్రేలియా ICC ప్రపంచ కప్‌ని ఆరోసారి గెలుచుకుంది. అయితే ఆస్ట్రేలియా ఆల్ రౌండర్ మిచెల్ మార్ష్ చేసిన మొరటు ప‌ని ఈ విజయానికి మచ్చ తెచ్చింది. మ్యాచ్ గెలిచిన వెంటనే, అతడు ట్రోఫీతో పోజులిచ్చిన ఫోటోగ్రాఫ్ ఇంటర్నెట్‌లో కనిపించింది. అత‌డు వ‌ర‌ల్డ్ క‌ప్ ని అవ‌మానించాడు. అతని పాదం ట్రోఫీపై ఉంచాడు. ఆ స‌న్నివేశంలో అత‌డు తాగి క‌నిపించాడు. తాగిన మైకంలో ఏం చేస్తున్నాడో కూడా అత‌డికి తెలియ‌ని ప‌రిస్థితి ఉంది.

ఇందుకు సంబంధించిన ఫోటో సోషల్ మీడియాలో వైర‌ల్ అయింది. స‌ద‌రు క్రికెటర్‌పై తీవ్రమైన ట్రోలింగ్ ప్రారంభ‌మైంది. ప్రపంచవ్యాప్తంగా చాలా మంది క్రికెట్ అభిమానులు, అతడి అహంకార ధోర‌ణిని, అసహ్యకరమైన ప్రవర్తనను ఖండించారు. ఇప్పుడు కోరస్‌లో అందాల న‌టి ఊర్వశి రౌతేలా చేరారు. కప్‌ను అగౌరవపరిచిన మార్ష్‌పై ఆమె తీవ్రంగా విరుచుకుప‌డింది. ``బ్రో, #వరల్డ్‌కప్ట్రోఫీకి కాస్త గౌరవం చూపించు.. #MitchellMarsh కూల్‌గా కనిపించడం కోసం తన పాదాలను ట్రోఫీపై అగౌర‌వంగా ఉంచాడు`` అంటూ ఈ చ‌ర్య‌ను ఖండించింది ఊర్వ‌శి. ఊర్వ‌శి ఇంత‌కుముందు ఇట‌లీలో ప్ర‌పంచ‌క‌ప్ ని ముద్దాడుతున్న ఫోటోతో, మిచెల్ మార్ష్ అవ‌మాన‌క‌ర చ‌ర్య‌కు సంబంధించిన ఫోటోని జోడించి ఇప్పుడు ఊర్వ‌శి త‌న సోష‌ల్ మీడియాలో షేర్ చేయ‌గా అది వైర‌ల్ గా మారింది