వేణు స్వామి మంచి ఛాన్స్ మిస్..!

సెలబ్రిటీల జాతకాలు చెబుతూ నిత్యం వార్తల్లో ఉండే వేణు స్వామి ఈమధ్య వివాదాల్లో కూడా కనిపిస్తున్నాడు. నాగ చైతన్య శోభిత ఎంగేజ్మెంట్ తర్వాత వెంటనే వారిద్దరు విడిపోతారని వేణు స్వామి చెప్పిన జాతకం అతన్ని సమస్యల్లో పడేలా చేసింది. అడక్కుండానే సెలబ్రిటీల జాతకాలు చెబుతూ వారి ఫ్యాన్స్ ని భయాందోళనకు గురి చేస్తున్నాడని అతని మీద ఆరోపణలు వస్తున్నాయి. ఐతే ఈమధ్య వేణు స్వామి బిగ్ బాస్ హౌస్ లోకి వెళ్తారని వార్తలు వచ్చాయి. బిగ్ బాస్ టీం కి కూడా ఇలా నిత్యం వార్తల్లో కాంట్రవర్సీ క్రియేట్ చేసే వాళ్లే కంటెస్టెంట్స్ గా కావాలి.

ఐతే ఈ క్రమంలో వేణు స్వామి కూడా బిగ్ బాస్ తెలుగు సీజన్ 8 లో ఒక కంటెస్టెంట్ గా వస్తాడని అనుకున్నారు. కానీ బిగ్ బాస్ టీం ఆయన్ను కాదనేసిందని టాక్. బిగ్ బాస్ సీజన్ 8 సెప్టెంబర్ 1 న ప్రారంభం కానుంది. ఇప్పటికే కంటెస్టెంట్స్ ని ఎంపిక చేశారు. వేణు స్వామి ని కూడా ముందు హౌస్ లోకి తీసుకెళ్లాలని అనుకున్నా చివర్లో ఆయన మీద బయట నడుస్తున్న వ్యవహారం చూసి వద్దనుకున్నారట.

వేణు స్వామి ని బిగ్ బాస్ టీం కాదనడానికి ఆయన మీద బయట వస్తున్న వార్తలే అని టాక్. నాగార్జున హోస్ట్ గా చేస్తున్న బిగ్ బాస్ తెలుగులో హౌస్ మెట్ గా ఆయన ఫ్యామిలీ పై అనవసరమైన కామెంట్స్ చేసిన వేణు స్వామిని తీసుకొస్తే ఏమవుతుందో అన్న కారణం వల్ల కూడా బిగ్ బాస్ టీం ఆయన్ను పక్కన పెట్టినట్టు తెలుస్తుంది. బిగ్ బాస్ సీజన్ 8 లో వేణు స్వామి ఉంటాడని నిన్న మొన్నటిదాకా వార్తలు రాగా ఫైనల్ లిస్ట్ లో ఆయనకు ఛాన్స్ లేదన్నట్టే తెలుస్తుంది.

ఇక బిగ్ బాస్ సీజన్ 8 విషయానికి వస్తే ఈ సీజన్ లో ఎక్కువగా సోషల్ మీడియా సెలబ్రిటీస్ కు ఎక్కువ ప్రాధాన్యత ఇచ్చినట్టు తెలుస్తుంది. కుమారి ఆంటీ, విష్ణు ప్రియ, రీతు చౌదరి, సోనియా సింగ్, హీరో రోహిత్ ఇలా ఒక లిస్ట్ అయితే సోషల్ మీడియాలో సర్క్యులేట్ అవుతుంది. ఇక బిగ్ బాస్ సీజన్ 8 కొత్త ప్రోమోలు కూడా ఆడియన్స్ ని అలరిస్తున్నాయి. సెప్టెంబర్ 1 నుంచి మొదలవుతున్న ఈ షో బుల్లితెర ఆడియన్స్ కు కావాల్సినంత ఎంటర్టైన్ మెంట్ అందిస్తుందని తెలుస్తుంది.