VD12: రౌడీ స్టార్ కి నెక్స్ట్ లెవల్ స్టోరీ
రౌడీ స్టార్ విజయ్ దేవరకొండ ప్రస్తుతం ఖుషి మూవీతో ప్రేక్షకుల ముందుకి రావడానికి రెడీ అవుతున్నారు.
రౌడీ స్టార్ విజయ్ దేవరకొండ ప్రస్తుతం ఖుషి మూవీతో ప్రేక్షకుల ముందుకి రావడానికి రెడీ అవుతున్నారు. సెప్టెంబర్ 1న ఈ చిత్రం ఐదు భాషలలో ప్రపంచవ్యాప్తంగా రిలీజ్ కాబోతోంది. లవ్, రొమాంటిక్ ఫ్యామిలీ డ్రామాగా ఈ చిత్రాన్ని శివ నిర్వాణ సిల్వర్ స్క్రీన్ పై ఆవిష్కరించారు. ఇప్పటికే సాంగ్స్ , ట్రైలర్ ప్రేక్షకులని బాగా ఆకట్టుకున్నాయి. దీంతో మూవీపై మంచి పాజిటివ్ బజ్ ఉంది.
కచ్చితంగా ఈ చిత్రంతో విజయ్ మరో బ్లాక్ బస్టర్ హిట్ ని తన ఖాతాలో వేసుకుంటాడని భావిస్తున్నారు. శాకుంతలం లాంటి డిజాస్టర్ ని చూసిన సమంతకి కూడా ఒక సాలిడ్ హిట్ ఎక్స్ పెక్ట్ చేస్తున్నారు. అలాగే లైగర్ దెబ్బతో ఇబ్బంది పడిన విజయ్ కి కచ్చితంగా హిట్ కావాలి. టక్ జగదీశ్ తో ఫస్ట్ డిజాస్టర్ ఖాతాలో వేసుకున్న శివ నిర్వాణ కూడా ఖుషితో హిట్ కొట్టి తన ఇమేజ్ కాపాడుకోవాలని ప్రయత్నం చేస్తున్నారు.
ఈ సినిమా తర్వాత విజయ్, గౌతమ్ తిన్ననూరి దర్శకత్వంలో మూవీ రెగ్యులర్ షూటింగ్ ని స్పీడ్ అప్ చేయనున్నారు. ఇప్పటికే మూవీ షూటింగ్ స్టార్ట్ అయ్యి ఫస్ట్ షెడ్యూల్ కూడా కంప్లీట్ అయ్యింది. మూవీలో శ్రీలీల హీరోయిన్ గా నటిస్తోంది. పాన్ ఇండియా లెవల్ లోనే తెరకెక్కుతోన్న ఈ సినిమాలో విజయ్ పవర్ ఫుల్ పోలీస్ ఆఫీసర్ రోల్ లో కనిపించబోతున్నాడు.
గ్యాంగ్ స్టార్ బ్యాక్ డ్రాప్ లో ఈ సినిమా కథాంశం ఉంటుందంట. ఈ మధ్య గ్యాంగ్ స్టార్ కథలకి సౌత్ లో ఫుల్ డిమాండ్ ఉంది. లోకేష్ కనగరాజ్ కంప్లీట్ గా అలాంటి కథలతోనే సక్సెస్ లు అందుకుంటున్నాడు. తాజాగా వచ్చిన జైలర్ మూవీ కూడా అదే జోనర్ లో వచ్చి సూపర్ హిట్ అయ్యింది. ఇక ప్రశాంత్ నీల్ కూడా గ్యాంగ్ స్టార్ బ్యాక్ డ్రాప్ స్టోరీస్ తోనే మూవీస్ చేస్తూ పాన్ ఇండియా ఇమేజ్ తెచ్చుకున్నారు.
ఇప్పుడు విజయ్ దేవరకొండ కూడా గౌతమ్ తిన్ననూరితో అదే గ్యాంగ్ స్టార్ బ్యాక్ డ్రాప్ లో పీరియాడిక్ జోనర్ లోనే మూవీ చేయబోతున్నాడు. ఈ సినిమాకి అనిరుద్ మ్యూజిక్ అందిస్తున్నారు. దీంతో కచ్చితంగా అదిరిపోయే సాంగ్స్ తో పాటు గూస్ బాంబ్స్ క్రియేట్ చేసే బ్యాగ్రౌండ్ స్కోర్ ఉంటుందనే మాట వినిపిస్తోంది. రెండు క్లాస్ చిత్రాలతో సక్సెస్ అందుకున్న గౌతమ్ తిన్ననూరి గ్యాంగ్ స్టార్ స్టోరీని ఎలా డీల్ చేస్తాడో చూడాలి.