ఆ స్టార్ హీరో 69 లాక్ అయిందా!
త‌ల‌ప‌తి విజ‌య్ 68వ చిత్రం వెంక‌ట్ ప్ర‌భు ద‌ర్శ‌క‌త్వంలో భారీ అంచ‌నాల మ‌ధ్య తెర‌కెక్కుతోన్న సంగ‌తి తెలిసిందే.
త‌ల‌ప‌తి విజ‌య్ 68వ చిత్రం వెంక‌ట్ ప్ర‌భు ద‌ర్శ‌క‌త్వంలో భారీ అంచ‌నాల మ‌ధ్య తెర‌కెక్కుతోన్న సంగ‌తి తెలిసిందే. గ్రేటెస్ట్ ఆఫ్ ఆల్ టైమ్ అనే టైటిల్ తో ఈ చిత్రాన్ని ఎంతో ప్ర‌తిష్టాత్మ‌కంగా తెర‌కెక్కిస్తున్నారు. ఇందులో విజ‌య్ డ్యూయల్ రోల్ పోషిస్తున్నాడు. తండ్రికొడుకులుగా విజ‌య్ న‌టిస్తున్న‌ట్లు తెలుస్తోంది. అయితే రిలీజ్ అయిన ప్ర‌చార చిత్రాలు మాత్రం సినిమాకి ఏమంత బ‌జ్ తీసుకురాలేదు.
కొడుకు పాత్ర‌పై తీవ్ర‌మైన నెగిటివిటీ స్ప్రెడ్ అవుతుంది. విజ‌య్ లుక్ పై కూడా తీవ్ర విమ‌ర్శలు సైతం తెర‌పైకి వ‌చ్చాయి.ఓ ర‌కంగా చెప్పాలంటే అభిమానుల అంచ‌నాల‌పై వెంక‌ట్ ప్ర‌భు నీళ్లు జ‌ల్లేసాడ‌నే చె ప్పాలి. విజ‌య్ లో క‌మ‌ర్శ‌యల్ యాంగిల్ ని ప‌క్క‌న‌బెట్టి ఓ కొత్త ప్ర‌య‌త్నం చేస్తున్న‌ప‌ప్ప‌టికీ అదే నెగిటివ్ గా క‌నిపిస్తుంది. ఆ సంగ‌తి ప‌క్క‌న‌బెడితే ఈ సినిమా సెట్స్ లో ఉండ‌గానే విజ‌య్ 69వ చిత్రాన్ని కూడా లైన్ లో పెడుతున్న‌ట్లు తెలుస్తోంది.
వెంక‌ట్ ప్ర‌భు సినిమా త‌ర్వాత కార్తీక్ సుబ్బ‌రాజ్ తో త‌న 69వ చిత్రాన్ని ప‌ట్టాలెక్కించ‌నున్నార‌ని స‌మా చారం. `పిజ్జా`..`జిగ‌ర‌త్తాండ` లాంటి సినిమాల‌తో కార్తీక్ సుబ్బ‌రాజ్ పేరు కోలీవుడ్ లో మారు మ్రోగిన సంగ‌తి తెలిసిందే. ఇటీవ‌లే `జిగ‌ర‌త్తాండ డ‌బుల్ ఎక్సెల్` తో మరో భారీ విజ‌యాన్ని న‌మోదు చేసాడు. ఆ ర‌కంగా ద‌ర్శకుడిగా త‌న‌కంటూ ప్ర‌త్యేక‌మైన గుర్తింపును ద‌క్కించుకున్నాడు కార్తీక్. ఈ నేప‌థ్యంలోనే విజ‌య్ ఇమేజ్ ని దృష్టిలో పెట్టుకుని ఓ శ‌క్తివంత‌మైన క‌థ‌తో అప్రోచ్ అయి లాక్ చేసిన‌ట్లు తెలుస్తోంది.
ఇది ప‌క్కా కార్తీక్ మార్క్ ఎంట‌ర్ టైన‌ర్ అని తెలుస్తుంది. స్టోరీ విజ‌య్ కి బాగా న‌చ్చ‌డంతో వెంట‌నే చేసే ఆలోచ‌న‌లో భాగంగా త‌న 69వ చిత్రంగా అతి త్వ‌ర‌లోనే అధికారికంగా ప్ర‌క‌టించాల‌ని వెయిట్ చేస్తు న్నాడుట. ఈ చిత్రాన్ని స‌న్ పిక్చ‌ర్స్ భారీ బ‌డ్జెట్ తో నిర్మించ‌డానికి ముందుకొస్తున్న‌ట్లు స‌మాచారం.