వీర లెవెల్ లో విక్రమ్ క్లైమాక్స్ చూపించిన విశ్వక్ సేన్..!

మాస్ కా దాస్ అంటే ఆమాత్రం ఉండాలి.. తన స్క్రీన్ నేమ్ ని ఎప్పటికప్పుడు పర్ఫెక్ట్ అనిపించుకునేలా తన యాక్టివిటీస్ చేస్తున్నాడు యువ హీరో విశ్వక్ సేన్. సినిమాల్లోనే కాదు బయట కూడా తనకు తిరుగు లేదనిపించేలా అదరగొట్టేస్తున్నాడు. దీపావళి సందర్భంగా విశ్వక్ సేన్ క్రాకర్స్ పేల్చిన తీరు చూసి నెటిజెన్లు సూపర్ అనేస్తున్నారు. ముఖ్యంగా పెద్ద సైజ్ షాట్స్ ని అతను చేతిలో పట్టుకుని పేల్చిన విధానం అదిరిపోయింది.

రీల్ లైఫ్ లో చేసే కొన్ని సాహసాలు హీరోలు రియల్ లైఫ్ లో కూడా చేస్తుంటారు. దివాలి సందర్భంగా బాణాసంచాలు కాల్చడం అనేది ఆనవాయితీనే. ఈ ఫెస్టివల్ ని సెలబ్రిటీస్ మరింత కలర్ ఫుల్ గా జరుపుకుంటారు. యువ హీరో విశ్వక్ సేన్ అయితే దీపావళి రోజు తన మాస్ మేనియా ఏంటో మరోసారి చూపించాడు. విశ్వక్ ఆ షాట్స్ పేల్చడం చూస్తే విక్రం క్లైమాక్స్ సీన్ గుర్తుకు రాకమానదు.

మనం చేసినా మినిమం ఈ రేంజ్ లో ఉండాలని తన టార్గెట్ తానే ఫిక్స్ చేసుకుంటాడు విశ్వక్ సేన్. ప్రతి విషయంలో తన స్పెషాలిటీ చాటుతూ వస్తుంటాడు. సినిమాల పరంగా కేవలం నటుడిగానే కాకుండా డైరెక్షన్, ప్రొడక్షన్ కూడా చేస్తూ వారెవా అనిపిస్తున్నాడు. ఇక రియల్ లైఫ్ లో కూడా తన యాక్టివిటీస్ కూడా హీరోయిజం తెలిసేలా చేస్తున్నాయి.

విశ్వక్ సేన్ సినిమాల విషయానికి వస్తే ప్రస్తుతం గ్యాంగ్స్ ఆఫ్ గోదావరి సినిమా చేస్తున్నాడు. కృష్ణ చైతన్య డైరెక్ట్ చేస్తున్న ఈ సినిమాను సితార ఎంటర్టైన్ మెంట్స్, ఫార్చ్యూన్ ఫోన్ బ్యానర్ నిర్మిస్తున్నారు. సినిమాలో నేహా శెట్టి హీరోయిన్ గా నటిస్తుంది. అసలైతే డిసెంబర్ ఫస్ట్ వీక్ రిలీజ్ ప్లాన్ చేసిన ఈ సినిమా రిలీజ్ పై క్లారిటీ రావాల్సి ఉంది. టాలీవుడ్ యంగ్ హీరోల్లో మాస్ ఆడియన్స్ కి అతి తక్కువ కాలంలో దగ్గరైన హీరో విశ్వక్ సేన్. అతను చేస్తున్న సినిమాలు అతన్ని ఆడియన్స్ కు దగ్గరయ్యేలా చేశాయి. తనకంటూ ఒక సెపరేట్ ఫ్యాన్స్ బేస్ ఏర్పరచుకున్న విశ్వక్ సేన్ కెరీర్ లో ఎలాంటి ప్రయోగానికైనా సిద్ధమే అనేస్తున్నాడు. ఫ్యామిలీతో కలిసి విశ్వక్ సేన్ దీపావళి సెలబ్రేషన్ జరుపుకున్నారు. దీనికి సంబంధించిన ఫోటోలు వీడియోలను తన ఇన్ స్టా లో షేర్ చేసి ఫ్యాన్స్ కి దీపావళి శుభాకాంక్షలు తెలిపారు విశ్వక్ సేన్.