దువ్వాడ శ్రీనివాస్ బయోపిక్?... ట్విస్ట్ ఏమిటంటే...?

ఈ ఏడాది ఆగస్టు నుంచి రెండు తెలుగు రాష్ట్రాల్లోనూ వైసీపీ ఎమ్మెల్సీ దువ్వాడ శ్రీనివాస్ పేరు మారుమ్రోగిపోతున్న సంగతి తెలిసిందే. "దువ్వాడ కుటుంబ కథా చిత్రమ్" అనే వ్యవహారం అటు మీడియాలోనూ, ఇటు సోషల్ మీడియాలోనూ వైరల్ గా మారిన పరిస్థితి. ఈ సమయంలో దువ్వాడ శ్రీనివాస్ కు సంబంధించి ఓ ఆసక్తికర విషయం నెట్టింట చక్కర్లు కొడుతోంది.

అవును... ఏపీ రాజకీయాల్లోనే కాదు.. రెండు తెలుగు రాష్ట్రాల్లోనూ దువ్వాడ శ్రీనివాస్ పేరు హాట్ టాపిక్ గా మారిన సంగతి తెలిసిందే. ఆయనపై భార్య, కుమార్తెలు చేసిన ఆరోపణలు, చేసిన నిరసనలు, చూపించిన వాట్సప్ మెసేజ్ లు, ఆస్తుల వ్యవహారాలు, పార్టీ ఆఫీస్ పంచాయతీలు ఒకెత్తు అయితే... దివ్వెల మాధురితో ఉన్న బంధం మరొకెత్తు!

ప్రధానంగా దువ్వాడ శ్రీనివాస్ పేరు ఇటీవల కాలంలో మారుమ్రోగిపోవడానికి ఆమెతో ఆయనకున్న బంధమే ప్రధాన కారణం అనేది తెలిసిన విషయమే. ఏది ఏమైనా నేను ఆయనతోనే కలిసి ఉంటానని.. దీన్ని లివిన్ టుగెథర్ అనరని.. అడల్ట్రీ అంటారని.. దాని అర్ధం డిక్షనరీ కనిపించేది కాదని.. సుప్రీంకోర్టు పేరొన్నదని చెప్పుకొచ్చారు.

ఒకానొక సమయంలో దువ్వాడ శ్రీనివాస్ ఎలా ఉన్నా పర్లేదు.. ఎవరితో ఉన్నా పర్లేదు.. పిల్లలకోసం అయినా తమతో కలిసి ఉంటే చాలు.. మాతో పాటు ఒకే ఇంట్లో ఉంటే చాలు అనే స్థాయిలో ఆయన భార్య వాణి పేర్కొన్నారు. అయితే దీనికి తన వెర్షన్ వివరణ ఇచ్చిన దువ్వాడ... ఈ సమస్యకు విడాకులే సరైన పరిష్కారం అని నొక్కి చెప్పారు.

ఇదంతా ఒకెత్తు అయితే... ఇటీవల తిరుమల మాడ వీధుల్లో శ్రీనివాస్ - మాధురీ కనిపించడం.. ఈ సందర్భంగా కోర్టు సమస్యలు అన్నీ తీరిపోయిన తర్వాత అందరి సమక్షంలోనూ వివాహం చేసుకుంటామని చెప్పడం.. సంచలనంగా మారింది. ఇదే క్రమంలో... ఓ టీవీ ఛానల్ లో కలిసి ఇంటర్వ్యూ ఇచ్చి తమ (ప్రేమ)కథ గురించి వివరించడం సంచలనంగా మారింది.

ఈ స్థాయిలో అటు మీడియాలోనూ, ఇటు సోషల్ మీడియాలోనూ వీరి (ప్రేమ) వ్యవహారం వైరల్ గా మారింది. ఈ సమయంలో ఓ ఆసక్తికర విషయం తెరపైకి వచ్చింది. ఇందులో భాగంగా... త్వరలో దువ్వాడ శ్రీనివాస్ బయోపిక్ తెరకెక్కనుందని అంటున్నారు. ఓ పాపులర్ టాలీవుడ్ నిర్మాత ఇప్పటికే హక్కులు సొంతం చేసుకున్నారని కూడా అంటున్నారు. దీంతో ఈ ప్రచారం హాట్ టాపిక్ గా మారింది.

ఇక ఈ సినిమాలో ఫస్టాఫ్ అంతా దువ్వాడ బాల్యం, వ్యాపారం, వివాహం, రాజకీయం మొదలైన అంశాలను కట్టె కొట్టే తెచ్చే అన్నట్లుగా చూపించి... దివ్వెల మాధురితో పరిచయం ఇంటర్వెల్ ట్విస్ట్ గా సెట్ చేసి.. ఇక సెకండాఫ్ అంతా దివ్వెల మాధురితో - దువ్వాడ శ్రీనివాస్ బంధం ఎలా ఎదిగిందనే పరిణామక్రమాన్ని చూపించనున్నారని అంటున్నారు. వీలైనంత త్వరగా ఈ సినిమా పట్టాలెక్కనుందని చెబుతున్నారు.