పోటెత్తిన నరసారావుపేట !

పల్నాడు ప్రాంతంలోని నరసారావుపేట లోక్ సభ పరిధిలో ఈసారి ఎన్నికల్లో ఓటర్లు పోటెత్తారు. దీని పరిధిలో మొత్తం ఏడు అసెంబ్లీ నియోజకవర్గాలు ఉండగా, మొత్తం 17,34,858 ఓటర్లున్నారు. అందులో ఈసారి 14,85,909 మంది ఓటు హక్కు వినియోగించుకున్నారని ఎన్నికల సంఘం వెల్లడించింది.

1967 నుంచి ఇప్పటివరకు 15 పర్యాయాలు ఎన్నికలు జరగ్గా ఇదే అత్యధిక శాతం పోలింగ్ అని, నరసరావుపేట పార్లమెంటు స్థానం పరిధిలో 85.65 శాతం పోలింగ్ నమోదైందని వెల్లడించింది. పురుషులు 85.94 శాతం, మహిళలు 85.37 శాతం, ట్రాన్స్ జెండర్లు 46.07 శాతం ఓటు హక్కు వినియోగించుకున్నారు.

అసెంబ్లీ నియోజకవర్గాల వారీగా పరిశీలిస్తే చిలకలూరిపేట 85 శాతం, గురజాల 84.30, మాచర్ల 83.75, నరసరావుపేట 81.06, పెదకూరపాడు 89.18, సత్తెనపల్లి 86.97, వినుకొండ 89.22 శాతం పోలింగ్ నమోదైందని పేర్కొన్నారు.