పవన్‌ వ్యాఖ్యలపై స్పందించిన పురందేశ్వరి... తప్పేలేదు!

ఏపీలో బీజేపీ పరిస్థితిపై వైసీపీ నేతలు జాలి చూపిస్తున్న సంగతి తెలిసిందే. ఒకపక్క అధికారికంగా తాను బీజేపీతో ఉన్నానని చెబుతూ... రాబోయే ఎన్నికల్లో మాత్రం టీడీపీతో కలిసే పోటీ చేస్తానని చేసిన వ్యాఖ్యలపై వైసీపీ నేతలు ఆ రకంగా రియాక్ట్ అవుతూ బీజేపీ పరిస్థితిపై సింపతీ చూపిస్తున్నట్లు వ్యాఖ్యలు చేస్తున్నారు. ఆ సంగతి అలా ఉంటే... పవన్ వ్యాఖ్యలపై తాజ్జాగా పురందేశ్వరి స్పందించారు.

రాజమండ్రి సెంట్రల్ జైలు సాక్షిగా పవన్ కల్యాణ్.. టీడీపీతో పొత్తుపై చేసిన వ్యాఖ్యలపై ఏపీ బీజేపీ చీఫ్ పురందేశ్వరి స్పందించారు. ఇందులో భాగంఘా... జనసేన తమ పార్టీతో పొత్తులోనే ఉందని చెప్పుకొచ్చారు. ప్రధాని మోడీ జన్మదినోత్సవం సందర్భంగా విజయవాడలో ఏర్పాటుచేసిన మీటింగ్ లో పాల్గొన్న సందర్భంగా ఆమె ఈ వ్యాఖ్యలు చేశారు.

ఈ క్రమంలో... పొత్తులపై జనసేన అధినేత పవన్‌ కల్యాణ్‌ చేసిన వ్యాఖ్యలను తాము తప్పుగా చూడట్లేదని.. బీజేపీ అధిష్ఠానానికి అన్నీ వివరిస్తానని పవన్‌ చెప్పారని కేంద్ర పెద్దలతో చర్చించాక తమ అభిప్రాయాలు చెబుతామని పురందేశ్వరి తెలిపారు. ఇదే సమయంలో... పొత్తుల విషయం అంతిమంగా అధినాయకత్వమే చూసుకుంటుందని దగ్గుబాటి పురందేశ్వరి తెలిపారు.

చంద్రబాబు అరెస్టు విధానాన్ని తొలుత ఏపీ బీజేపీ తప్పుపట్టిన సంగతి తెలిసిందే. ఏపీ, తెలంగాణల్లోని కోతమంది బీజేపీ నేతలు ఈ అరెస్టును ఖండించగా, మరికొందరు అరెస్టు చేసిన విధనాన్ని ఖండించినట్లు తెలిపారు. ఇదే సమయంలో చంద్రబాబు అరెస్టు వెనుక బీజేపీ ఉందదనేది అసత్య ప్రచారం అని పురందేశ్వరి స్పష్టం చేశారు.

కాగా, ఎన్నికలు ఎప్పుడొచ్చినా జనసేన టీడీపీలు కలిసే పోటీ చేస్తాయని.. తాము ప్రస్తుతానికి బీజేపీతో పొత్తులో ఉన్నామని.. వారు కూడా టీడీపీ-జనసేన కూటమితో కలిసొస్తారనే నమ్మకం ఉందని పవన్ కల్యాణ్ వ్యాఖ్యానించారు. ఈ సమయంలోనే స్పందించిన పురందేశ్వరి... పవన్ తో తాము పొత్తులోనే ఉన్నామని తెలిపారు!