బాయ్ ఫ్రెండ్ ఆలివర్‌ ని పెళ్లాడిన ఓపెన్‌ ఏఐ సీఈఓ ఆల్ట్‌ మన్‌!
ప్రముఖ ఆర్టిఫిషియల్ ఇంటెలిజెన్స్ సంస్థ ఓపెన్‌ ఏఐ సీఈఓ శాం ఆల్ట్‌ మన్‌ తన బాయ్ ఫ్రెండ్ ఆలివర్‌ మల్హెరిన్‌ ను పెళ్లాడారు
ప్రముఖ ఆర్టిఫిషియల్ ఇంటెలిజెన్స్ సంస్థ ఓపెన్‌ ఏఐ సీఈఓ శాం ఆల్ట్‌ మన్‌ తన బాయ్ ఫ్రెండ్ ఆలివర్‌ మల్హెరిన్‌ ను పెళ్లాడారు. ఈ సమయంలో ఈ వివాహ వేడుకకు సంబంధించిన ఫోటోలు సోషల్ మీడియాలో వైరల్ అవుతున్నాయి. ఈ పిక్స్ వైరల్ అవుతున్న సమయంలో ఓ ప్రముఖ మీడియా సంస్థతో స్పందించిన ఆల్ట్‌ మన్‌ ఈ విషయాన్ని ధ్రువీకరించారు. అతికొద్దిమంది సన్నిహితుల మధ్య వీరి వివాహం జరిగిందని తెలుస్తుంది.
అవును... ఈ మధ్య కాలంలో అమ్మాయిలు అమ్మాయిలు పెళ్లిళ్లు చేసుకోవడం, అబ్బాయిలు కూడా మరో అబ్బాయిని పెళ్లాడటం గురించి అనేక సంఘటనలు తెరపైకి వస్తున్న సంగతి తెలిసిందే. ఈ క్రమంలోనే తాజాగా ఓపెన్‌ ఏఐ సీఈఓ శాం ఆల్ట్‌ మన్‌.. తన బాయ్ ఫ్రెండ్ సాఫ్ట్ వేర్ ఇంజనీర్ ఆలివర్‌ మల్హెరిన్‌ పెళ్లి చేసుకోవడం ఇప్పుడు నెట్టింట వైరల్ ఇష్యూగా మారింది.
చాట్‌ జీపీటీ సృష్టికర్త, ఓపెన్‌ ఏఐ సంస్థ సీఈఓ గా ఉన్న శాం ఆల్ట్‌ మన్‌ ఇటీవల ప్రపంచం దృష్టిని ఆకర్షించిన సంగతి తెలిసిందే. గత ఏడాది ఆయనను సంస్థ తొలగించడం తీవ్ర వివాదానికి దారి తీయడం.. ఆ సమయంలో అతడికి గూగుల్ నుంచి ఆఫర్ వచ్చిందనే కథనాలు వచ్చిన నేపథ్యంలో... ఉద్యోగులు, వాటాదారుల నుంచి తీవ్ర వ్యతిరేకత రావటంతో కంపెనీ బోర్డు ఆయన్ని తిరిగి తీసుకుంది.
ఇక ఆస్ట్రేలియాకు చెందిన మల్హెరిన్‌ సాఫ్ట్ వేర్ ఇంజినీర్‌ గా పనిచేస్తున్నారు. మెల్‌ బోర్న్‌ విశ్వవిద్యాలయం నుంచి పట్టా పొందిన అతడు... 2020 ఆగస్టు నుంచి 2022 నవంబర్‌ వరకు మెటాలో పనిచేశారు. ఈ క్రమంలో 2023 సెప్టెంబర్‌ లో న్యూయార్క్‌ మ్యాగజైన్‌ తో మాట్లాడుతూ.. ఇద్దరమూ శాన్‌ ఫ్రాన్సిస్కోలోని ఒకే ఇంట్లో ఉంటున్నామని ఆల్ట్‌ మన్‌ తొలిసారి వెల్లడించారు. త్వరలో వీరిద్దరూ పిల్లలను కూడా పెంచుకోవాలని భావిస్తున్నారట.
కాగా... హై స్కూల్‌ లో ఉన్న సమయంలోనే తాను "గే" అని ఆల్ట్‌ మన్‌ బహిర్గతం చేసిన సంగతి తెలిసిందే. అనంతరం... సుమారు తొమ్మిదేళ్ల పాటు లూప్ట్‌ సంస్థ సహ వ్యవస్థాపకుడు నిక్‌ సివోతో డేటింగ్‌ చేసి 2012లో విడిపోయారు.