పార్టీలో ఆడుతూ పాడుతూ ట్రంప్ - మస్క్ .. వీడియో వైరల్!

అమెరికా అధ్యక్ష ఎన్నికల్లో ఘన విజయం సాధించినప్పటి నుంచీ మునుపటికంటే ఎక్కువగా డొనాల్డ్ ట్రంప్ – ఎలాన్ మస్క్ లు ఆత్మీయంగా, సన్నిహితంగా, సరదాగా, సందడిగా ఉంటున్నారని అంటున్నారు. ఈ క్రమంలో.. కలిసి పార్టీల్లో పాల్గొని, ఆడుతూ పాడుతూ ఎంజాయ్ చేస్తున్నారు. ఈ క్రమంలో తాజాగా ఓ వీడియో నెట్టింట హల్ చల్ చేస్తోంది.

అవును... అమెరికా అధ్యక్ష ఎన్నికల ఫలితాల అనంతరం ఎలాన్ మస్క్ – డొనాల్డ్ ట్రంప్ లు కలిసి సందడి చేస్తున్న వీడియోలు వైరల్ గా మారుతున్న సంగతి తెలిసిందే. ఈ క్రమంలో తాజాగా డొనాల్డ్ ట్రంప్ తన భార్య మొలానియా, కొడుకు బారన్ ట్రంప్ తో కలిసి "థ్యాంక్స్ గివింగ్" పార్టీలో పాల్గొన్నారు. మార్-ఎ-లాగో రిసార్ట్స్ లో జరిగిన ఈ పార్టీలో మస్క్ పాల్గొన్నారు.

ఈ సమయంలో ఎలాన్ మస్క్, డొనాల్డ్ ట్రంప్ ఇదరూ "వై.ఎం.సీ.ఏ." పాటకి డ్యాన్స్ చేస్తూ కనిపించారు. ఈ సమయంలో ఫుల్ జోష్ లో ఉన్నట్లు కనిపించిన ట్రంప్.. ఎలాన్ మస్క్ భుజంపై తట్టి మరీ ఉషారులో చేశారు. టేబుల్ పై దరువు వేస్తూ కనిపించారు. చేతులను గాల్లోకి ఊపుతూ.. కుర్చున్న చోట రిథమిక్ గా స్పందించారు. దీనికి సంబంధించిన వీడియో వైరల్ గా మారింది.

ఇక మరో వీడియోలో బిలియనీర్ ఎలోన్ మస్క్.. సిల్వెస్టర్ స్టాలిన్ తో చాట్ చేస్తూ కనిపించారు. ఆ ఫ్రేం లో ట్రంప్ కూడా ఉన్నప్పటికీ ఆయన మరో పనిలో బిజీగా ఉన్నట్లు కనిపించారు. ఎలాన్ మస్క్ తన తల్లితో కలిసి ఈ పార్టీలో పాల్గొనగా.. డొనాల్డ్ ట్రంప్ తన భార్య, కుమారుడితో కలిసి పాల్గొన్నారు.