అమెరికాలో రోడ్డు ప్రమాదం.. తెలుగు విద్యార్థిని మృతి!

విదేశాల్లో ఉన్నత చదువుల కోసమో, ఉద్యోగాల కోసమో వెళ్లి వివిధ రకాల ప్రమాదాలతో మృత్యువాత పడుతున్న తెలుగు వారి జాబితాలో మరో విద్యార్థిని చేరారు. ఇలా వరుసగా జరుగుతున్న అత్యంత విషాదకరమైన ఘటనలు తీవ్ర ఆందోళన కలిగిస్తున్నాయి. ఈ సమయంలో మరో తెలుగు విద్యార్థిని మృతి చెందారు.

అవును... విదేశాల్లో జరుగుతున్న వరుస రోడ్డు ప్రమాదాల్లో తెలుగు వారు మృతి చెందుతున్న ఘటనలు ఇటీవల ఎక్కువైపోతున్న సంగతి తెలిసిందే! ఇవి తీవ్ర ఆందోళన కలిగిస్తున్నాయి. ఈ సమయంలో అమెరికాలో జరిగిన రోడ్డు ప్రమాదంలో ఏపీకి చెందిన విద్యార్థిని నాగశ్రీ వందన పరిమళ మృతి చెందారు.

ఇదే సమయలో ఆమెతో పాటు ఇద్దరు స్నేహితులు కూడా గాయపడినట్లు తెలుస్తోంది. వారిద్దరినీ సమీప ఆస్పత్రికి తరలించగా.. చికిత్స పొందుతున్నారని అంటుననరు. ఈ మేరకు స్థానిక అధికారులు విషయాలు వెల్లడించారు.

గుంటూరు జిల్లా తెనాలికి చెందిన వ్యాపారి గణేష్, రమాదేవి దంపతుల కుమార్తె నాగశ్రీ వందన పరిమళ (26) ఉన్నత చదువుల కోసం 2022 డిసెంబర్ లో అమెరికాకు వెళ్లారు. ఈ క్రమంలో... టెన్నెసీ రాష్ట్రంలోని మెంఫిస్ విశ్వవిద్యాలయంలో మాస్టర్ ఆఫ్ సైన్స్ చదువుతున్నారు.

ఈ సమయంలో శుక్రవారం రాత్రి ఆమె తన స్నేహితులతో కలిసి కారులో ప్రయాణిస్తున్నారు. ఈ సమయంలో వారు ప్రయాణిస్తున్న కారు రాక్ వ్యుడ్ ఎవెన్యూ సమాఈపంలోకి చేరుకున్న సమయంలో ఓ ట్రక్ వెనుక నుంచి కారును బలంగా ఢీకొట్టింది. దీంతో.. కారు నుజ్జు నుజ్జు అయిపోయిందని చెబుతున్నారు. ఈ ప్రమాదంలో ముగ్గురుకీ తీవ్ర గాయాలయ్యాయి.

దీంతో... ఈ ముగ్గురిని హుటాహుటిన ఆస్పత్రికి తరలించారు. అయితే... ఆస్పత్రిలో చికిత్స పోందుతూ నాగశ్రీ మృతి చెందినట్లు చెబుతున్నారు. మిగిలిన స్నేహితులలో పవన్ పరిస్థితి విషమంగా ఉండగా.. నికిత్ పరిస్థితి ఉన్నంతలో బెటర్ గా ఉందని అంటున్నారు!