కొనసాగుతున్న ప్రైవేటీకరణ యజ్ఞం..త్వరలో మరో 10 విమానాశ్రయాలు ప్రైవేట్​పరం..!

దేశవ్యాప్తంగా ఇప్పటికే పలు ప్రభుత్వ రంగ సంస్థలను ప్రైవేట్ పరం చేశారు. దేశంలోని అనేక సంస్థలను ప్రైవేటీకరించారు. బీఎస్​ఎన్​ఎల్​, ఎల్​ఐసీ లాంటి సంస్థలను ప్రైవేట్​ సంస్థలకు అప్పజెప్పపోతున్నారు. అయితే విశాఖ స్టీల్​ ఫ్లాంట్​ను కూడా ప్రైవేటీకరణ చేయబోతున్నామని కేంద్రం ప్రకటించింది. దీన్ని విపక్షాలు తీవ్రంగా వ్యతిరేస్తున్నాయి. కొన్ని ప్రజాసంఘాలు కూడా ప్రభుత్వ నిర్ణయాన్ని తప్పుబడుతున్నాయి.

ఇదిలా ఉంటే దేశవ్యాప్తంగా పలు విమానాశ్రయాలను కూడా కేంద్ర ప్రభుత్వం ప్రైవేట్​ పరం చేయబోతున్నది. ఇప్పటికే పలు విమానాశ్రాయాలను ప్రైవేట్​ పరం చేశారు. తాజాగా మరో 10 విమానాశ్రయాలను కూడా ప్రైవేటీకరించబోతున్నారు.
మూడోదశలో దేశంలో 10 విమానాశ్రయాలను ప్రైవేట్ పరం చేయబోతున్నారు.

ఎయిర్​పోర్ట్ అథారిటీ ఆఫ్​ ఇండియా.. లాభదాయకమైన విమానాశ్రయాలతోపాటు నష్టం వచ్చే విమానాశ్రయాలను విక్రయించడం లేదా ప్యాకేజీ కింద లీజుకు ఇవ్వడంపై పరిశీలిస్తున్నారు. ఆరు నుంచి 10 విమానాశ్రయాలను 50 ఏళ్లపాటు ప్రైవేట్​కు ఇవ్వనున్నట్టు సమాచారం. ఏప్రిల్​ నెలలో దీనిపై అడుగులు పడే సూచనలు కనిపిస్తున్నాయి.